Akol 3:4 - ÎVUKU RÎA ÛVORO MWARO

⁴ Ûtûûro wetû wa ma nî Kristû na rîrîa ke agaaûka rîngî gûkû nthî, wa namue nîmûkoonekana mûrî vamwe nake na mûrî na riiri ta wake.

Akol 3:4 ပူးပေါင်းရင်းမြစ်များ

Thaburi 17:15

Nwatî nie nîngaakwona, nîûndû nîrî mûthingu; na rîrîa ngaaramûka, nîngecûrwa nî gîkeno ngîkwona ûrîa wîkariî.

Thaburi 73:24

We nîûndongoragia na mataaro maku, na mûthiiarî nîûkaanyamûkîra na gîtîîo.

Mathaayo 13:43

Nao andû arîa athingu nao nîmagaakenga ta riûa marî ûthamakirî wa Îthe wao. Mûndû wa wonthe ûrî na matû ma kwîgua nîegue!”

Luka 17:30

Ûguo nwaguo gûgeekara mûthenya ûrîa Mûrû wa Mûndû akoonanua.

Johana 11:25

Jesû nîwamwîrire atîrî, “Nie nînie kûriûka na nînie mwoyo. Mûndû wa wonthe ûmbîtîkîtie wana akua nîagaatûûra mwoyo;

Johana 14:3

Na narîkia kûthiî kûmûvarîrîria vandû, nîngûcoka nîmwîcîre nîguo mue mwîthagîrwe mûrî varîa nie nîrî.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 17:24

“Vava! Nîrenda acio wamvere mekarage varîa nie nîrî, nîguo monage riiri wakwa ûrîa we wamvere, nîûndû we nîwamendire wana mbere ya nthî kûmbwa.

Johana 20:31

Nwatî ino ciandîkirwe nîguo mwîtîkie atî Jesû nîke Mesaya Mûriû wa Ngai, na atî mwamwîtîkia nîmûkaagîa na mwoyo nîûndû wa rîîtwa rîake.

Ciîko 3:15

Mue nîmwaûragire Mûvecani wa mwoyo, nwatî Ngai nîwamûriûkirie. Tue tûrî aira a ûvoro ûyû.

Aroma 8:18

Nie monaga atî mathîna marîa tûrî namo îvindarî rîîrî matingîringithanua wana vanini na riiri ûrîa tûkaaguûrîrua.

Aroma 8:19

Indo cionthe irîa ciaûmbirwe cietererete mûno rîrîa Ngai akoonania ciana ciake.

1Akor 1:7

Kwoguo mue nîmwamûkîrîte iveo cia mîthemba yonthe irîa Roho wa Ngai avecanaga wa mwetererete mûthenya wa kûguûrua kwa Mwathani wetû Jesû Kristû.

1Akor 15:43

Mwîrî ûkîthikwa wîthagîrwa ûrî mûcong'i na ûtarî na vinya; nwatî mwîrî wariûkua ûkethîrwa ûrî na riiri na ûrî na vinya.

2Akor 4:17

Naguo thîna ûyû tûrî naguo nî mûnini na tî wa gûtûûra. Nwatî nîûgaatûma tûgîe na riiri wa tene na tene na mwîngî makîria ya thîna ûcio.

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

Afil 3:21

Ke nîakaagarûra mîîrî îno yetû îkuucaga na îtarî vinya îtuîke ta mwîrî wake ûrîa ûrî na riiri. Ageeka ûguo na vinya wake ûrîa ûtûmaga athe indo cionthe.

1Ath 4:17

Vuva wa ûguo, tue arîa tûkethîrwa tûrî mwoyo nîtûgaacokanîrîra vamwe nao matuurî nîguo tûtûnge Mwathani rîerarî. Kwoguo tûgatûûraga na Mwathani tene na tene.

1Tim 6:14

atî ûtuîke mwathîki na mwîvokeku îgûrû rîgiî mataaro monthe marîa ûvetwe nginya mûthenya ûrîa Mwathani wetû Jesû Kristû agaaûka.

2Tim 1:1

Kuuma kûrî Paûlo mûtûmwa wa Jesû Kristû nî ûndû wa kwenda kwa Ngai, ndûmîtwe ngavunjie ûvoro mwaro wa tene na tene ûrîa ûvecanagwa nî Jesû Kristû.

2Tim 4:8

Kwambîrîria rîu nîmbîrîgîrîrîte nthûmbî ya ûthingu îrîa ngaavewa mûthenya wa mûthiia nî Mwathani ûrîa ûtucaga ciira na kîvooto. Tî nie nienga ngaavewa kîveo kîu nwatî nîgîkaavewa andû onthe arîa metagîrîra gûka gwake marî na wendo.

Tito 2:13

Nîtwagîrîrwe nîgwîkaraga ûguo wa tûgîetagîrîra mûthenya ûrîa mûrathime twîrîgîrîrîte. Mûthenya ûcio nîguo riiri wa Ngai ûrîa mûnene na mûvonokia wetû Jesû Kristû ûkoonekana.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

1Pet 1:13

Kwoguo îcirieni waro îgûrû rîa ûrîa mûgeere gwîka. Îkaragani mwîîguîte na mwigîte mwîrîgîrîro wenyu wonthe kûrî kîveo Kîam Wega wa Ngai. Mûkaavewa kîveo kîu rîrîa Jesû Kristû akaaguûrua.

1Pet 5:4

Na rîrîa Mûrîthi ûrîa Mûnene agaaûka, nîmûkaavewa nthûmbî îrî na riiri îrîa îtacûkaga.

1Joh 2:28

Na rîu twana twakwa, îkarani ndaarî yake nîguo vîndî îrîa agaaûka, tûkethîrwa tûrî na ûmîrîru, nîguo tûtikegue nthoni tûrî mbere yake mûthenya ûrîa agaaûka.

1Joh 3:2

Arata akwa, tue rîu tûrî ciana cia Ngai. Gûtiramenyekana waro ûrîa tûkethîrwa twîkariî. Nwatî nîtwîcî atî rîrîa Kristû akoonekana, tûkethîrwa twîkariî take nîûndû tûkaamwona nama ûrîa ekariî.

1Joh 5:12

Mûndû wa wonthe ûrî na Mûriû arî na mwoyo; mûndû wa wonthe ûtarî na Mûriû wa Ngai ndarî na mwoyo.

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.