Akol 3:25 - ÎVUKU RÎA ÛVORO MWARO

²⁵ Na mûndû wa wonthe wîkaga naaî akaagaîrwa kûringana na naaî îrîa ekaga, nîûndû Ngai atucagîra andû onthe ciira atarî na kîmenyano.

Akol 3:25 ပူးပေါင်းရင်းမြစ်များ

2Sam 14:14

Tuonthe nwanginya tûgaakua; tûvana ta manjî metîkîte nthî, marîa matangîoceka rîngî. Wanake Ngai ndangîcokia mwoyo mûndû ûrîa ûrîkîtie gûkua, nwatî mûthamaki nwa avote gûcaria njîra ya gûcokia mûciî mûndû ûrîa ûrî îthamîriorî.

2Maû 19:7

Vecagani Ngai-Mûnene gîtîîo na mûrûthage maûndû mûvarîrîte, nîûndû Ngai-Mûnene, Ngai wetû ndendaga ûndû ûtarî wa kîvooto, ndarî kîmenyano na ndamûkagîra mavaki.”

Ayubu 34:19

Ndonanagia kîmenyano kûrî anene, ndarûmbûyanagia na itonga gûkîra athîni, nîûndû onthe maûmbirwe nîke.

Ayubu 37:24

Kwoguo andû onthe nîmamûvecaga gîtîîo; na ndarûmbûyanagia na mûndû ûrîa wîtucaga mûgî.”

Alawi 19:15

“Tuithanagiani maciira na kîvooto; mûtikonanie kîmenyano kûrî athîni kana mwîtigagîre itonga, nwatî tucagîrani andû arîa engî ciira na kîvooto.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Luka 20:21

Nao andû acio nîmaathiîre na makîûria Jesû atîrî, “Mwarimû, tue nîtwîcî atî we waragia na ûkathomithania maûndû ma ma na ndûrî kîmenyano, nwatî nîûthomithanagia na ma wendi wa Ngai kûrî andû ake.

Ciîko 10:34

Petero nîwatumûrire kanyua na akiuga atîrî, “Rîu nie nînamenya na ma atî Ngai ndarî kîmenyano.

Aroma 2:11

Nîûndû Ngai atucagîra andû onthe ûndû ûmwe.

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.

Aefeso 6:8

Mûndû wa wonthe wana ethîrwa nî ngombo kana tî ngombo, nîamenyage atî Mwathani nîakaava wa mûndû kîveo nîûndû wa wîra mwaro ûrîa wa mûndû ekaga.

Aefeso 6:9

Wa namue athani, vecagani ngombo cienyu gîtîîo na mûtigage kûmekîra guoya. Menyagani atî mue na ngombo cienyu mûrî a Mwathani ûmwe ûrîa ûrî îgûrû, na atî ke atucagîra andû onthe cira atarî na kîmenyano.

Gûco 1:17

Mûtikathurûkanagie andû rîrîa mûkûmatuîra ciira. Thikagîrîriani ciira wa itonga na athîni ûndû ûmwe. Mûtigetigagîre mûndû, nîûndû îtua rîenyu nîrîo îtua rîa Ngai. Ciira ûrîa mûkaaremagwa nî gûtuithania, mûkaandetagîre ngaûtuithania.’

Gûco 10:17

Nîûndû Ngai-Mûnene Ngai wenyu, nîke Ngai wa ngai irîa ciîngî, na Mwathani wa athani. Ke nî mûnene, arî vinya na nîwagîrîrwe nî gwîtigîrwa. Ke ndacagûranagia na ndamûkagîra mavaki.

Akol 4:1

Mue athani, îkagani ngombo cienyu maûndû marîa marî na kîvooto na waragania. Menyagani atî wa namue mûrî na Mwathani îgûrû.

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.

2Ath 1:6

Ngai nîageka ûrîa kwagîrîre. Nîagaatûma arîa mamûthînagia mone mathîna,

File 1:18

Ethîrwa nîakûvîtîrîtie kana arî na thirî yaku, mbîra nîguo ngûrîve.

Ahib 2:2

Ndûmîrîri îrîa yavecanirwe nî araika kûrî methe metû ma tene, yonekire îrî ya ma. Arîa onthe mataamîathîkîra nîmaaverithirue wata ûrîa kwagîrîrîte.

1Pet 1:17

Rîrîa mûravoya Ngai nîmûmwîtaga Vava. Nake atucaga cira ya wa mûndû wa mûndû atarî na kîmenyano. Atucaga cira kûringana na ûrîa wa mûndû wa mûndû ekîte. Kwoguo rîrîa mûrî gûkû nthî tûûragani mûrî na gîtîîo kûrî Ngai.

Juda 1:16

Vîndî cionthe andû acio nîmanugunaga na makegwatia andû arîa engî. Nîmarûmagîrîra merirîria mao macûku. Nîmeganaga na makaveenereria andû arîa eengî nîguo megune o ene.