Akol 3:16 - ÎVUKU RÎA ÛVORO MWARO

¹⁶ Tigani ûtonga wa ndûmîrîri ya Kristû wîkarage ngororî cienyu. Tûmagîrani ûûgî wonthe wenyu rîrîa mûkûthomithania na mûgûtaarana mue ene. Inagani thaburi, nyîmbo, nyîmbo cia kîîroho mûrî na ngatho ngororî cienyu.

Akol 3:16 ပူးပေါင်းရင်းမြစ်များ

1Atha 3:28

Rîrîa andû a Isiraeli meegwire ûrîa Mûthamaki Solomoni aatwire ciira ûcio, nîmaamûtîire mûno nîûndû nîmaamenyire atî Ngai nîwamûvete ûûgî wa gûtua ciira na kîvooto.

1Maû 25:7

Andû acio, vamwe na andû a mbarî ciao arîa maathomithîtue na makagîa na ûûgî wa gûtunga nyîmbo cia kwinîra Ngai-Mûnene maarî arûme magana maîrî ma mîrongo înana na anana (288).

Nehemia 12:46

Nîûndû kuuma tene vîndî ya Daudi na Asafu kwethagîrwa kûrî na mûnene wa aini a nyîmbo, na kwarî na nyîmbo cia gûkumia na gûcokia ngatho kûrî Ngai.

Ayubu 23:12

Ndianatiga kûrûmîrîra maathani make, ciugo ciake nîcigîte ngororî yakwa.

Thaburi 119:11

Nîmbigîte kiugo gîaku ngororî yakwa, nîguo ndigakwîvîrie.

Thaburi 119:54

Ndwîre minaga watho waku nîrî mûgeni gûkû nthî.

Thaburi 138:1

We Ngai-Mûnene nîngûgûcokeria ngatho na ngoro yakwa yonthe, nîraina ngîgûkumagia mbere ya ngai cia mîvuanano.

Thaburi 28:7

Ngai-Mûnene nîke vinya wakwa na nîke ûngitagîra, ke nîke nîîvokaga. Nîandethagia na akangenia, nînîmwinagîra nyîmbo cia kûmûkumia.

Thaburi 32:7

Nîîthithaga kûrî we, ûkaangitagîra ndikanyitwe nî thîna. Nîngûkwinîra nîûndû wa kûmvonokia.

Thaburi 71:23

Nîngaaugîrîria na gîkeno ngîkwinîra nyîmbo cia gûgûkumia; nîngaagûkumia nîûndû nîûmvonoketie.

Nthi 14:8

Mûndû mûûgî nîamenyaga ûrîa angîka, nwatî kîrimû kîîvenagia na ngoro atî nîgîcî.

Nthi 18:1

Mûndû ûrîa wîciragia wa maûndû make nî eyamûranagia na andû arîa engî; na nîareganaga na ûrîa wonthe andû arîa engî matuîte.

Rwîmbo rwa Nyîmbo 1:1

Rwîmbo rwa Solomoni rûrîa rwaro gûkîra nyîmbo cionthe.

Isaia 10:2

Mekaga ûguo nîguo maime athîni kîvooto, na gûcuuna athîni a andû akwa kîrîa kîmagîrîrîte. Matavaga aka a ndigwa, na makaîa ciana cia ndigwa.

Isaia 26:1

Mûthenya ûcio, andû nîmakaaina rwîmbo rûrû marî vûrûrirî wa Juda: Tue tûrî na îtûûra rîrî na vinya! Ngai nîke ûtûgitagîra ta ûrîa nthingo igitagîra andû.

Isaia 30:29

Nîmûkaaina nyîmbo ta irîa cinagwa vîndî îrîa kûrî na ûkûngûîri wa kîrugo Kîammûre. Mûgaacanjamûka ta andû mathiîte kîrîmarî Kîam Ngai-Mûnene, mûgitîri wa Isiraeli makîvuvaga mîtûrirû.

Isaia 5:1

Ta minîre mwendwa wakwa rwîmbo, mwendwa wakwa aarî na mûgûnda wa mîthavibu, mûgûnda warî kîrîmarî Kîamrî na mûthetu mûnoru mûno.

Jeremia 15:16

We wambarîrie, na nie ngîkûthikîrîria, ciugo ciaku igîtûma ngene na njanjamûke, nîûndû nie mbîtanîtue na rîîtwa rîaku, we Ngai-Mûnene Ngai mwene vinya wonthe.

Mathaayo 26:30

Nao marîkia kwina rwîmbo, nîmaaumire kûu nyomba makîthiî kîrîmarî Kîam mîtî ya Mîtamaiyû.

Luka 2:51

Jesû nîwacokire Nazarethi arî vamwe na aciari ake, na nîwekaranagia nao akîmaathîkagîra. Nake ng'ina nîwaigaga maûndû mau monthe ngororî yake.

Johana 15:7

Ethîrwa mûgekaraga ndaarî yakwa na ciugo ciakwa igekara ndaarî yenyu, ngaamûvecaga kîndû wa kîonthe kîrîa mûkaambîtagia.

Aroma 10:17

Kwoguo wîtîkio umanaga na kwîgua ûvoro mwaro, naguo Ûvoro Mwaro umanaga na kûvunjia ûvoro wîgiî Kristû.

Aroma 15:14

Ariû na aarî a îthe wetû, nie mwene nîmbicî na ma atî nîmwîcûrîtue nî wega na ûmenyo na atî nîmûvotete kûthomithania mue ene.

1Akor 14:15

Nie mbagîrîrwe nî gwîka atîa vi? Mbagîrîrwe nî kûvoya na roho wakwa na meciria makwa. Na rîrîa ngwina mbagîrîrwe nî kwina na roho wakwa na meciria makwa.

1Akor 14:26

Kwoguo ariû na aarî a îthe wetû, vîndî îrîa mûcemanîtie vamwe nîûndû wa kûgooca, mûndû ûmwe nîethagîrwe arî na rwîmbo, wîngî ethagîrwe arî na kîthomo, wîngî ethagîrwe arî na ûguûrio kuuma kûrî Ngai, wîngî ethagîrwe akîaria na nthiomi na wîngî ethagîrwe nîaravota gûtaûra ûrîa nthiomi icio ciugîte. Mworoto wa maûndû mama monthe wagîrîrwe nî kwîthîrwa ûrî wa gwîkîra kanitha vinya.

Aefeso 1:17

Mvoyaga Ngai wa Mwathani wetû Jesû Kristû, ûrîa arî ke Îthe wetû ûrî riiri amûve Roho ûrîa ûgûtûma mûvîge na ûkûmûguûrîria Ngai nîguo mûmûmenye waro.

Aefeso 5:17

Kwoguo tigagani gûtuîka irimû. Nwatî geragiani kûmenya ûrîa Mwathani endaga mwîke.

Aefeso 5:19

Aranagîriani na ciugo cia thaburi, nyîmbo cia gûkumia Ngai na nyîmbo cia kîîroho. Inagîrani Mwathani na mûmûkumagie na ngoro cienyu cionthe.

Aefeso 5:26

Eekire ûguo nîguo awamûrîre Ngai na njîra ya kiugo gîake. Nîwatheririe kanitha na njîra ya kûûthambia na manjî.

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.

Akol 1:9

Kîu nîkîo gîtûmaga tûmûvoere vîndî cionthe kuuma rîrîa twambîrîrie kwîgua ûvoro ûmwîgiî. Tûragia Ngai amûvotithagie kûmenya wendi wake na kûgîa na ûûgî mwîngî na ûtaûku ûrîa Roho wake avecanaga.

Akol 4:6

Vîndî cionthe mîario yenyu nî îthagîrwe îrî mîaro na ya kwendeka, na mûmenyage ûrîa mwagîrîrwe nî gûcokeria andû onthe ciûria na njîra mbaro.

1Ath 1:8

Ndûmîrîri ya Mwathani îrîa yumîte kûrî mue ndîtambîte Makedonia na Akaia kuonga, nwatî ûvoro wîgiî ûrîa mwîtîkîtie Ngai nîûtambîte kûndû kuonthe. Kwoguo gûtirî vata wa kuga wa naarî ûndû.

1Ath 4:18

Kwoguo ûmanagîrîriani na ciugo ino.

2Ath 3:15

Mûtikamûtue ta nthû yenyu, nwatî mûkanagieni ta arî mûriû kana mwarî wa îthe wetû.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

2Tim 3:15

Na ûririkane atî kuuma ûrî mwana nîwecî mandîko marîa matheru marîa mangîtûma ûgîe na ûûgî wa gwîtîkia Jesû Kristû ûkînavonoka.

Tito 3:6

Ngai nîwatwîtîrîrie Roho Mûtheru na njîra ya Jesû Kristû mûvonokia wetû,

Jakuvu 1:5

Nwatî ethîrwa nîkûrî na mûndû wana ûmwe wa cienyu ûtarî na ûûgî, nîwagîrîrwe nîgwîtia Ngai ûrîa ûvecaga andû onthe arî na ûtaana na ûtugi.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

Jakuvu 5:13

Nîkûrî mûndû wana ûmwe gatagatîrî kenyu wî na mathîna? Nîwagîrîrwe nî kûvoya. Nîkûrî na mûndû wana ûmwe gatagatîrî kenyu wî na gîkeno? Nîwagîrîrwe kwina nyîmbo cia ûkumio.

1Joh 2:14

Nîramwandîkîra mue andû akûrû nîûndû nîmwîcî ûrîa watûûraga kuuma wa Kîammbîrîria. Nîramwandîkîra mue andû ethî nîûndû mûrî na vinya na Kiugo Kîam Ngai nîgîtûûraga ndaarî yenyu wana nîmûvootete ûrîa mûcûku.

1Joh 2:24

Tigani ûvoro ûrîa mwegwire kuuma Kîammbîrîria wîkare ngororî cienyu. Ethîrwa ûvoro ûcio ûgekaraga ndaarî yenyu vîndî cionthe, mue nîmûgûtûûra mûrî ûrûmwe na Mûriû na Îthe.

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.

2Joh 1:2

Nîûndû ûma wîthagîrwa ûrî ndaarî yetû na nîtûtûûra naguo tene na tene.

Kûguû 14:3

Andû acio ngiri îgana na mîrongo îna na inya (144,000) nîmaarûngamîte mbere ya gîtî Kîam ûnene, mbere ya ciûmbe irîa irî mwoyo inya, na mbere ya athuuri. Nao nîmaainaga rwîmbo rûcerû rûrîa tu nwa o mangîarûmenyire. Acio nî arîa maarî akûûre.

Kûguû 15:3

nao nîmaainire rwîmbo rûrîa Musa, ndungata ya Ngai aainire, na rûrîa Gatûrûme aainire, akiuga atîrî: “We Mwathani Ngai mwene vinya wonthe, ciîko ciaku nî nene na nî cia magegania! Mûthamaki wa mavûrûri monthe, maûndû monthe marîa wîkaga nî ma kîvooto na nî ma ma!

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.