Akol 2:8 - ÎVUKU RÎA ÛVORO MWARO

⁸ Geragiani kwona atî mûtiratuwa ngombo nî mûndû wana ûrîkû na njîra ya ûûgî ûrîa andû maveenanagîrîria naguo, ûrîa ûtiganagîrwa nî andû na umîte kûrî maaroho marîa mathanaga gûkû nthî, nwatî ndumîte kûrî Kristû.

Akol 2:8 ပူးပေါင်းရင်းမြစ်များ

Rwîmbo rwa Nyîmbo 2:15

Tûnyitîreni mbwe, mbwe irîa nini, itanacûkangia mîthavibu îkîthundia.”

Jeremia 29:8

Nîûndû Ngai-Mûnene mwene vinya wonthe, Ngai wa Isiraeli arauga atî mûtigetîkîre kûveenua nî arathi na aragûri arîa marî gatagatîrî kenyu na mûtikathikîrîrie iroto ciao.

Mathaayo 10:17

Îîmenyagîrîreni nîûndû andû nîmakaamûnyita na mamûvire ciamarî cia athuuri, na mamûrive mûrî mavoerorî mao.

Mathaayo 16:6

Nake Jesû nîwamerire atîrî, “Îîmenyagîrîreni kuuma kûrî ndawa ya kwimbia mîgate ya Afarisai na Asadukai.”

Mathaayo 7:15

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku.

Ciîko 17:18

Nao arimû amwe arîa meendete mûno ûûgî wa Epikurio na Sitoiki wa nao nîmaakararanirie nake. Amwe gatagatîrî kao nîmaaûririe atîrî, “Mûvûmbûtîki ûyû arageria kuga atîa?” Nao engî gatagatîrî kao nîmaaugire atîrî, “Ke aronekana takwa arî mûvunjia wa ngai ng'eni.” O maaugire ûguo nîûndû Paûlo nîwavunjagia ûvoro wîgiî Jesû na wîgiî kûriûka.

Ciîko 17:32

Na rîrîa andû meegwire Paûlo akîaria ûvoro wîgiî kûriûka, amwe gatagatîrî kao nîmaamûnyûrûririe, nwatî arîa engî makîmwîra atîrî, “Tue nîtûrenda gûkeegua ûkîaria ûvoro wîgiî ûndû ûcio rîngî.”

Aroma 16:17

Ariû na aarî a îthe wetû, nîramûthaitha atî: mwîmenyagîrîre kûrî andû arîa maretaga nyamûkano na kûvîngithia mûndû. Andû acio nîmareganaga na maûndû marîa mwathomithirue. Îthemageeni andû ta acio.

1Akor 10:12

Kwoguo mûndû wa wonthe ûreciria atî ke nîarûngamîte ekindîrîtie nîamenyerere ndakagwe.

1Akor 8:9

Nwatî îîmenyerereni nîguo wîyathi ûcio ndûgatuîke mûvînga kûrî akristiano arîa marî na wîtîkio mûnini.

2Akor 10:5

Tue nîtûcûkangagia ûndû wa wonthe wa mwîgatho ûrîa ûgiragia mûndû amenya Ngai. Nîtûgarûraga meciria monthe na tûgatûma mathîkîre Kristû.

Agal 1:14

Naarî na kîîo mûno gûkîra Ayahudi a riika rîakwa ûvororî wîgiî kûrûmîrîra ndini ya Ayahudi, na nînerutanagîria mûno kûrûmîrîra mîtugo ya kîndûîre ya methe metû ma tene.

Agal 4:3

Na njîra wata îno, wana tue twarî ngombo cia maroho marîa mathanaga nthî mbere ya tûtuîka andû agima kîîroho.

Agal 4:9

Nwatî rîu nîûndû nîmûmenyanîte na Ngai, kana mbuge Ngai nîamenyanîte na mue, nîkî kîratûma mûcokerere maroho marîa matarî vinya na matarî vata? Mûrenda gûtuîka ngombo cia maroho mau rîngî nîkî?

Agal 5:15

Nwatî ethîrwa mwîkaga ta nyamû cia kîthaka, mûgatûma andû maturwe na mathînanie. Îîmenyerereni nîûndû nwa mûthiranie viû.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

Aefeso 4:20

Ûguo tîguo mwathomithirue ûvoro wîgiî Kristû!

Aefeso 5:6

Mûtigetîkîre mûndû wana ûrîkû amûveenererie na ciugo ntheri, nîûndû mîtugo ta îo nîyo îtûmaga Ngai arakarue nî andû arîa matamwathîkagîra.

Gûco 6:12

mûkeemenyerera nîguo mûtikariganîrwe nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Afil 3:2

Îîmenyagîrîreni andû arîa mekaga maûndû macûku, arîa mekariî ta ngui na matemangaga mîîrî.

Akol 2:18

Mûtigetîkîre gûtuîrwa nî mûndû wa wonthe ûrîa wendaga kwînenevia akiugaga atî ke nîwonaga cioneki, na wendaga kwîyonania ûrîa arî mwînyivia na ûrîa agoocaga araika. Mûndû ta ûcio etîîaga atarî na gîtûmi nîûndû wa meciria make ma ûmûndû,

Akol 2:20

Ethîrwa nîmwakwire vamwe na Kristû na mûgîtethûrwa kuuma kûrî maaroho marîa mathamakaga gûkû nthî na îgûrû, nîndûî vi gîtûmaga mûtûûre takwa mûrî a gûkû nthî? Nîndûî gîtûmaga mûrûmîrîre mawatho ta mama:

Akol 2:22

Mawatho mama monthe maugaga ûvoro wîgiî kîrîa kîthiraga gîatûmîrwa. Mawatho mau na irîra icio itungîtwe nî andû.

Akol 2:23

Mawatho mau monanagia ta marî na ûûgî nîûndû wa mîvoere îrîa maringagîrîria andû kûvoya nayo, wînyivia wa maveeni na kûverithia mwîrî. Nwatî matitethagia kûgirîrîria merirîria macûku ma mwîrî.

1Tim 6:20

Timotheo, menyerera kîndû kîrîa Ngai akwîvokerete. Ndûkathikagîrîrie mîario îtarî na ûngai na ngarari cia ûrimû irîa andû amwe maugaga atî nî ûmenyo na tîguo.

2Tim 3:13

Nwatî andû arîa aganu na arîa maveenanagia nîkwa makaathiîcaga na mbere gûcûka. Andû acio makaaveenanagia na makîveenagua.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

Ahib 3:12

Ariû a îthe wetû, îîmenyerereni atî gûtikethîrwe kûrî na mûndû gatagatîrî kenyu wîna ngoro njûku na îtetîkîtie na ûngîgarûrûka akauma kûrî Ngai ûrîa mûtûûra mwoyo.

1Pet 1:18

Mue nîmwîcî atî nîmwakûrirwe kuuma mîtûûrîrerî îtarî vata îrîa mwatigîrwe nî methe menyu ma tene. Mûtiakûûrwa na na kîndû ta sîlûva kana thaavu irîa ingîcûka.

2Pet 3:17

Nwatî mue arata akwa ende nîmûrîkîtie kûmenya ûguo. Kwoguo îîmenyagîrîreni mûtikaume wîtîkiorî ûcio wenyu ûrîa mwîkindîrîtie nîûndû wa kûvîtithua nî andû arîa mareganaga na watho.

2Joh 1:8

Îîmenyerereni nîguo mûtigate kîrîa kîonthe mûrutîrîte wîra, nwatî mûkaagwata mûcara wenyu wonthe.