Akol 2:19 - ÎVUKU RÎA ÛVORO MWARO

¹⁹ na ndevokete Kristû ûrîa arîke kîongo. Kristû nîke ûvecaga mwîrî wonthe vinya na akaûnyitithania vamwe ta ûrîa mavîndî ma mwîrî wonthe manyitithanagua vamwe nî mîkiva. Kwoguo mwîrî nîûkûraga na njîra îrîa Ngai endaga ûkûre.

Akol 2:19 ပူးပေါင်းရင်းမြစ်များ

Luka 5:38

Vandû va ûguo, ndivei ya kûvivwa warîo nwa nginya îkîrwe mboororî îno njerû!

Johana 17:21

Nîravoya atî onthe matuîke kîndû kîmwe. Maroekara ndaarî yetû, wata ûrîa we ûrî ndaarî yakwa nanie nîrî ndaarî yaku. Marotuîka kîndû kîmwe nîguo andû a gûkû nthî metîkie atî we nîwe wandûmire.

Ciîko 4:32

Etîkia onthe maarî na ngwatanîro ya ngoro na meciria. Gûtirî mûndû wana ûmwe gatagatîrî kao waugaga atî arî na kîndû gîake arî wenga. Maatûmagîra indo ciao cionthe marî vamwe.

Aroma 11:17

Mvûa imwe cia mûtî wa mûtamaiyû nî ngavûrange, na ruo rûvûa rwa mûtî wa mûtamaiyû wa kîthaka rûgaciarithanua na guo. Mue andû a Ndûrîrî mwîkariî ta mûtamaiyû ûcio wa kîthaka. Nîmûtethekaga nî kîrîa kiumaga kûrî Ayahudi na njîra ta îrîa rûvûa rwa mûtamaiyû wa kîthaka rûtethekaga rwaciarithanua na mûtamaiyû ûrîa wa mûgûndarî.

1Akor 1:10

Ariû na aarî a îthe wetû, na rîîtwa rîa Mwathani wetû Jesû Kristû nîramûthaitha muonthe mwîtîkanagie nîguo gûtikagîcage na nyamûkano gatagatîrî kenyu. Îthagîrwani mûgwatanîrîte viû na mûrî na rîciria na îtua rîmwe.

1Akor 11:3

Nwatî nîrenda mûtaûkîrwe atî Kristû nî kîongo Kîam mûndûmûrûme wa wonthe, na mûndûmûrûme nî kîongo Kîam mûka, nake Ngai nî kîongo gîa Kristû.

1Akor 3:6

Nie nînavandire mbegû, Apolo nîwetîrîrie mîmera manjî, nwatî Ngai nîke wamîvotithirie gûkûra.

Aefeso 1:22

Ngai nîwaigire maûndû monthe rungu rwa magûrû ma Kristû na akîmûtua Mwathani wa indo cionthe nîûndû wa kanitha.

Aefeso 1:23

Kanitha nî mwîrî wa Kristû, na nîîcûrîtwe nî Kristû ûrîa arî ke wîcûru wa maûndû monthe marîa marî kûndû kuonthe.

Aefeso 2:21

Ke nîke ûtûmaga nyomba îo yonthe îgwatane vamwe na îneneve îtuîke hekarû ntheru îtegeretwe Mwathani.

Aefeso 4:3

Geragiani na kîîo mûno gûtûûra mûrî na ûrûmwe ûrîa ûretagwa nî Roho na njîra ya thayû ûrîa ûmûnyitithanîtie vamwe.

Aefeso 5:29

(Gûtirî mûndû ûmenete mwîrî wake. Vandû va ûguo, mûndû wa wonthe nîavecaga mwîrî wake irio na akaûmenyerera. Na ûguo nwa ta guo Kristû ekaga kanitha;

Afil 1:27

Rîu, ûndû ûrîa ûrî na vata mûno nî atî mûtûûrage ta ûrîa ûvoro mwaro wa Jesû Kristû ûmwîraga mûtûûre, nîguo wana ethîrwa nîngûka kûmwona kana ndege gûka, nîngegua atî nîmûrûngamîte mwîkindîrîtie na mwî na ngoro îmwe, na atî nîmûrarûa mûnyitanîte vamwe nîûndû wa wîtîkio wa ûvoro ûrîa mwaro.

Akol 1:10

Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.

Akol 1:18

Ke nîke kîongo gîa kanitha îrîa arî yo mwîrî wake. Nîke ûtûmaga mwîrî ûgîe na mwoyo. Nîke Mûriû wa mbere kûriûkua nîguo atuîke wa mbere maûndûrî monthe.

Akol 2:2

Mbîkaga ûguo nîguo andû acio magîe na ûmîrîru na magwatanue vamwe nî wendani na magîe na ûtonga wa gûtaûkîrwa nî ûmenyo wa nthitho ya Ngai viû, îrîa arî yo Kristû ke mwene.

1Ath 3:12

Mwathani arotûma wendani gatagatîrî kenyu wongerereke, na mwendage andû onthe ta ûrîa tûmwendete.

1Ath 4:10

Na nîmwîthîrîtwe mwendete ariû na aarî a îthe wetû onthe arîa marî Makedonia kuonthe. Kwoguo twamûthaitha mûthiî na mbere na kûmenda makîria.

2Ath 1:3

Ariû na aarî a îthe wetû, nwanginya tûcokagie ngatho kûrî Ngai vîndî cionthe nîûndû wenyu. Tue nîtwagîrîrwe nî gwîka ûguo nîûndû wîtîkio wenyu nîûrakûra mûno, na wendani gatagatîrî kenyu nî ûrongerereka.

1Pet 3:8

Mûthiiarî nîramwîra atî, nwanginya muonthe mûnyitanagîre meciriarî menyu na mûcaanagîre. Endanagani ta ciana cia ng'ina ûmwe na mwîgucanagîre ntha na mwînyivanagîrie.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.