Akol 2:18 - ÎVUKU RÎA ÛVORO MWARO

¹⁸ Mûtigetîkîre gûtuîrwa nî mûndû wa wonthe ûrîa wendaga kwînenevia akiugaga atî ke nîwonaga cioneki, na wendaga kwîyonania ûrîa arî mwînyivia na ûrîa agoocaga araika. Mûndû ta ûcio etîîaga atarî na gîtûmi nîûndû wa meciria make ma ûmûndû,

Akol 2:18 ပူးပေါင်းရင်းမြစ်များ

Kîam 3:13

Ngai-Mûnene, Ngai nîwaûririe mûndûmûka ûcio atîrî, “Wîkire ûguo nîkî?” Nake Mûndûmûka nîwamûcokerie atîrî, “Nî njoka îmvenererie narîrîa.”

Ayubu 38:2

“We wî û nîguo ûregane na kîrîra gîakwa? We ndûmenyaga ûrîa ûrauga.

Isaia 57:9

Mwîvakaga manyamû manungi waro na maguta mûgacoka mûkathiî kûgooca ngai ya mûvuanano îrîa îtagwa Moleku. Mwatûmire anjaama enyu mathiî kûndû kûraca, nginya magîkinya kwa arîa akuû.

Ezek 13:3

Ngai-Mûnene augîte atîrî, “Mue arathi aya aritu, kaî mûrî na thîna-î: mûrûmagîrîra meciria menyu na gûtirî kîndû mwonete.

Danieli 11:38

Vandû va ûguo, nîkava ngai îrîa îgitagîra îtûûra rîrîa ririgîre gîtîîo, îrîa methe mao mataavecaga gîtîîo. Ke nîakaarutîra ngai îo thaavu, sîlûva, mathiga ma goro na iveo ciîngî cia goro.

Ndari 25:18

nîûndû wa maûndû macûku marîa meekire rîrîa maamûveenirie mûrî Peori, na nîûndû wa Kozibi ûrîa waûragirwe vîndî ya mûthiro ûrîa warî Peori.”

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Aroma 1:25

Nîmaregete gwîtîkia ûma wîgiî Ngai na magetîkîra ûvoro wa maveeni. Magoocaga na magakumia indo irîa ciaûmbirwe nî Ngai vandû va kûgooca Ngai ûrîa waûmbire indo icio na nîke wagîrîrwe nî gûkumua tene na tene! Ameni.

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

1Akor 13:4

Wendani nîûkiragîrîria na nîûtuganaga. Wendani ndûrî wîru, ndwîgathaga na ndûrî mwîtîîo.

1Akor 3:3

nîûndû wana rîu mûtûûraga wata ûrîa andû a gûkû nthî matûûraga. Rîrîa kûrî na wîru na ngarari gatagatîrî kenyu-rî, na kinthî ûndû ûcio ndwonanagia atî mue mûrî a gûkû nthî na mûtûûraga ta andû a gûkû nthî.

1Akor 4:18

Andû amwe gatagatîrî kenyu nîmambîrîrîtie gwîtîîa nîûndû meciragia atî ndigaûka kûmûcerera rîngî.

1Akor 4:6

Ariû na aarî a îthe wetû, nie nînîîtûmîrîte na ngatûmîra Apolo tûrî ta ngerekano nîguo mue mûvote kûthoma kuumana natue maûndû marîa maugîte atîrî, “Rûmagîrîrani maûndû marîa mandîke.” Gûtirî mûndû wana ûmwe gatagatîrî kenyu wagîrîrwe nî gwîtîîa na ûndû wa kwenda mûndû ûmwe na kûmenereria ûrîa wîngî?

1Akor 8:1

Rîu nînîrenda kwaria ûvoro wîgiî irio irîa irutîrîtwe mîvuanano. Îni nîtîcî na ma atî tuonthe twîthagîrwa tûrî na ûmenyo. Ûmenyo ûcio wetû nîguo ûtûmaga mûndû ecûrwe nî mwîtîîo, nwatî wendani nîwîkanagîra vinya.

1Akor 9:24

Nie nîrî na ma nîmwîcî atî avinyûri eengî marî îvenyarî makîvinyûra nî ûmwe tu gatagatîrî kao wamûkagîra kîveo. Kwoguo vinyûrani nîguo wa namue mûkaamûkîra kîveo.

2Akor 11:3

Nînîretigîra atî mwavota kûveenererua wata ûrîa njoka yavenererie Awa na mûtiganîrie ûma na wîrutîri wenyu kûrî Kristû. Na njîra ta îo Awa nîwaveenirue nî njoka na njîra ya wara wayo.

2Akor 12:20

Nînîramaka atî rîrîa ngaakinya kûu ngethîra mûrî ngûrani na ûrîa nîngîenda mwîthîrwe mwîkariî, nanie mbîthîrwe nîrî ngûrani na ûrîa mûngîenda mbîthîrwe mbîkariî. Nînîramaka nîûndû gatagatîrî kenyu nwa kwîthîrwe na ngarari, wîru, marakara, wîyendi, kûrumana, ngutû, mwîtîîo na kûrega kwîgucana.

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

Aefeso 5:6

Mûtigetîkîre mûndû wana ûrîkû amûveenererie na ciugo ntheri, nîûndû mîtugo ta îo nîyo îtûmaga Ngai arakarue nî andû arîa matamwathîkagîra.

Gûco 29:29

“Maûndû ma nthitho nî ma Ngai-Mûnene Ngai wetû, nwatî maûndû marîa aguûranîrîtie nî metû vamwe na njiarwa cietû, nîguo tûtûûre tûvingagia mawatho make monthe tene na tene.”

Afil 3:14

Kwoguo nîîrutanagîria kûvinyûra ndoretie mbere nîguo nacinda mvewe kîveo kîrîa Ngai ambîtîîre kûu îgûrû na njîra ya Jesû Kristû.

Akol 2:23

Mawatho mau monanagia ta marî na ûûgî nîûndû wa mîvoere îrîa maringagîrîria andû kûvoya nayo, wînyivia wa maveeni na kûverithia mwîrî. Nwatî matitethagia kûgirîrîria merirîria macûku ma mwîrî.

Akol 2:4

Nîramwîra ûguo nîguo mûtikanetîkîrie mûndû wana ûrîkû amûveenererie na mîario ya maveeni, wana ethîrwa îkîoneka îrî mîaro atîa.

Akol 2:8

Geragiani kwona atî mûtiratuwa ngombo nî mûndû wana ûrîkû na njîra ya ûûgî ûrîa andû maveenanagîrîria naguo, ûrîa ûtiganagîrwa nî andû na umîte kûrî maaroho marîa mathanaga gûkû nthî, nwatî ndumîte kûrî Kristû.

1Tim 1:7

Andû aya mendaga gûtuîka arimû a watho, nwatî matitaûkagîrwa nî ûrîa o ene makwaria wana kana mataûkîrwe nî maûndû marîa maragia marî na ûmîrîru mûnene.

1Tim 4:1

Roho Mûtheru nîaugaga waro atî mîthenya ya kûrigîrîria andû nîmakaarega gwîtîkia; nîmakaathîkîra maroho ma maveeni na marûmîrîre maûndû marîa mathomithanagua nî ndaimono.

2Pet 2:14

Matiendaga kûroria kîndû kîngî tiga aka maraa. Vîndî cionthe meriragîria gwîka mevia. Magucagîrîria andû arîa marî ngoro mvûthû mûtegorî. Ngoro ciao ciîthagîrwa imenyeretue ûkoroku. Andû acio nîagwate nî kîrumi Kîam Ngai.

1Joh 2:26

Nîramwandîkîra ûvoro wîgiî andû arîa marageria kûmûvîtithia.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 13:14

Nayo nîyavenirie andû onthe na njîra ya ciama irîa yaringire îrî mbere ya nyamû îrîa ya mbere. Nyamû îo ya kaîrî nîyathanire andû matume mûviano wa nyamû îrîa ya mbere îrî njîra ya kûmîva gîtîîo. Nyamû îo nî yagurarîtue na rûviû, nwatî yarî mwoyo.

Kûguû 13:8

Andû onthe arîa matûûraga nthî nîmakaagooca nyamû îo. Nwatî andû arîa marîîtwa mao maandîkirwe îvukuurî rîa mwoyo mbere ya nthî yûmbwa matikaamîgooca. Îvuku rîu nî rîa Gatûrûme karîa kaaûragirwe.

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.

Kûguû 3:11

Nie nîngûka vuva wa Kavinda kanini. Îkaragani mûrî evokeku nîguo mûndû wana ûrîkû ndakamûcune nthûmbî yenyu ya ûvootani.