Akol 2:13 - ÎVUKU RÎA ÛVORO MWARO

¹³ Vîndî îmwe mwarî akuû kîîroho nîûndû mwarî evia na mwarî andû a Ndûrîrî arîa matarî watho. Nwatî rîu Ngai nîarîkîtie kûmûva mwoyo vamwe na Kristû, na agatwovera mevia metû monthe.

Akol 2:13 ပူးပေါင်းရင်းမြစ်များ

Thaburi 119:50

Rîrîa nîrî mathînarî nînyûmagîrîrua, nîûndû kîîranîro gîaku nîkîmvecaga mwoyo.

Thaburi 32:1

Kûrathimwa nî andû arîa overe mevia mao, arîa makirîrîtwe mevia mao viû.

Thaburi 71:20

We nîûtûmîte mone mathîna na mînyamaaro, nwatî nîûkûnjokeria vinya wakwa rîngî; na ûngirie ndikathiî mbîrîrarî.

Isaia 1:18

Ngai-Mûnene arauga atîrî, “Ûkani rîu twarie. Wana ethîrwa mevia menyu mûtunîvîte ta ndûngûrû, makatherua macerûve ta îra. Wana ethîrwa matunîvîte ta nthakame, magacerûvua mekare ta guoya wa ng'ondu.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Jeremia 31:34

Gûtirî mûndû ûgaacoka kûthomithia ûrîa wîngî akîmwîraga atî, ‘Menya Ngai-Mûnene,’ nîûndû andû onthe, anini na anene, nîmakaamenya. Nîngamarekera mavîtia mao na ndikaririkana mevia mao rîngî. Ûguo nîguo Ngai-Mûnene arauga.”

Luka 15:24

nîûndû mwanake ûyû wakwa ararî mûkuû, nwatî rîu nîmûriûku; ararî mûru nwatî rîu nîmwoneku.’ Na kwoguo nîmaambîrîrie gûkenanîra.

Luka 15:32

Nwatî nîkûragîrîrîte tûkûngûîre na tûkene nîûndû mûrwanyûkwe ûyû ararî mûkuû nwatî rîu nîmûriûku, na ararî mûru na rîu nî mwoneku.’ ”

Luka 9:60

Nake Jesû nîwamwîrire atîrî, “Tiga akuû mathike akuû ao. Thiî ûkanîrîre ndûmîrîri ya Ûthamaki wa Ngai.”

Johana 5:21

Na wata ûrîa Îthe ariûkagia akuû na akamava mwoyo, ûguo nwa ta guo Mûriû avecanaga mwoyo kûrî arîa onthe endaga kûva.

Johana 6:63

Roho wa Ngai nîke ûvecanaga mwoyo. Mwîrî ndûvecanaga mwoyo. Ciugo icio namwîra nîcio itûmaga mûgîe na Roho wa Ngai ûrîa ûvecanaga mwoyo.

Aroma 4:17

Mandîkorî matheru kwandîkîtwe atîrî, “Nie nîngûtuîte îthe wa ndûrîrî nyîngî.” Kwoguo kîîranîro kîu nî Kîamro methorî ma Ngai ûrîa wetîkîtue nî Iburahimu. Ke nî Ngai ûrîa ûriûkagia akuû na ûrîa ûtûmaga kûgîe na indo irîa itatûûraga kuo.

Aroma 6:13

Mûtikanareke ciîga cienyu cia mwîrî ciîvie na ituîke indo cia gwîkaga naaî. Nwatî îîvecaneni kûrî Ngai ta andû mariûkîtue na mwîvecane kûrî ke nîguo mûtuîke ciîga cia gwîkaga maûndû ma ûthingu.

Aroma 8:11

Ethîrwa Roho wa Ngai ûrîa wariûkirie Jesû Kristû atûûraga ndaarî yenyu, ûcio wariûkirie Jesû Kristû nî akaava mîîrî îo yenyu îrîa îkuucaga mwoyo. Ageeka guo na njîra ya Roho ûcio wake ûrîa ûtûûraga ndaarî yenyu.

1Akor 15:36

We kîrimû gîkî! Vîndî îrîa wavanda mbegû nwa nginya îkue mbere ya kûmera.

1Akor 15:45

Mandîkorî Matheru kwandîkîtwe atîrî, “Mûndû wa mbere kûmbwa na nîke Adamu, nîwatuîkire mûndû ûrî mwoyo.” Nwatî Adamu wa mûthiia nîwatuîkire Roho ûrîa ûvecanaga mwoyo.

2Akor 3:6

Ngai nîke watûveere ûvoti wa gûtuîka ndungata cia Kîrîkanîro gîcerû. Kîrîkanîro gîkî gîcerû tî ta watho ûrîa mwandîke nwatî nî watho wa Roho. Watho ûrîa mwandîke ûretaga gîkuû, nwatî Roho avecanaga Mwoyo.

2Akor 5:19

Ndûmîrîri yetû nî atî na njîra ya Kristû, Ngai nîwegwithanagia andû onthe. Ngai ndaatara mevia mao, na nîatûvete ndûmîrîri ya kwîgwithania andû nake.

Aefeso 2:1

Mue mwarî akuû kîîroho nîûndû wa ûremi na mevia menyu.

Aefeso 2:11

Mue mûtiaciarwa mûrî Ayahudi. Mue nîmue andû arîa Ayahudi metaga “andû matarî aruu.” (Kûrua kwao nî kwa mîîrî). Taririkanani ûrîa mwatûûraga vîndî ya tene.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

Akol 2:12

Nîûndû rîrîa mwavatithirue, nîmwathikirwe vamwe na Kristû, na vîndî wa îo mûkîriûkua vamwe nake nîûndû wa gwîtîkia vinya wa Ngai ûrîa ûrutaga wîra na wariûkirie Kristû.

1Tim 5:6

Nwatî mûndûmûka wa ndigwa ûrîa ûtûûraga ekenagia na maûndû marîa eriragîria, nî mûkuû wana ethîrwa onekaga arî mwoyo.

1Tim 6:13

Nîrakwatha nî mbere ya Ngai ûrîa ûvecaga indo cionthe mwoyo, na mbere ya Jesû Kristû ûrîa waumbûrire wîtîkio wake mbere ya Pontio Pilato,

Ahib 6:1

Kwoguo nîtûtiganîrie maûndû marîa twathomithirue mbere megiî Kristû, na tûthiî na mbere na kîthomo kîrîa kîrî na ûgima. Tûtiagîrîrwe nî gûcokera rîngî ûvoro wîgiî kiumo Kîam maûndû marîa twathomire mbere ta gwîtîkia Ngai na kûgarûrûka kuuma kûrî ciîko irîa iretage gîkuû.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

Jakuvu 2:17

Kwoguo wîtîkio ûrî wuonga ûtarî na ciîko nî mûkuû.

Jakuvu 2:20

We kîrimû! Nîûrenda kwonua atî wîtîkio ûtarî na ciîko nî ûyû mûthatu?

Jakuvu 2:26

Kwoguo, wata ûrîa mwîrî ûtarî na mîvevû wîthagîrwa ûrî mûkuû, nwa ta guo wîtîkio ûtarî na ciîko wîthagîrwa ûrî mûkuû.

1Joh 2:12

Nîramwandîkîra mue ciana ciakwa, nîûndû mûrî overe mevia menyu nîûndû wa ûrîa Kristû eekire.