Akol 1:27 - ÎVUKU RÎA ÛVORO MWARO

²⁷ Ngai nîwavangire kûmenyithia andû ake magegania ma nthitho yake kûrî andû a Ndûrîrî. Na nthitho îo nî atî Kristû atûûraga ndaarî yenyu, na ûguo nî kuga nîmûkaagîa na riiri wata ûrîa Ngai arî na riiri.

Akol 1:27 ပူးပေါင်းရင်းမြစ်များ

Mathaayo 13:11

Nake Jesû nîwamacokerie atîrî, “Mue nîmûvetwe ûmenyo wa nthitho cia ûthamaki wa îgûrû nwatî acio engî tî ave.

Luka 17:21

Wana gûtirî mûndû ûkaauga atîrî, ‘Taroriani, ûrî ava!’ kana ‘Ûûrîa vaarîa!’ Nîûndû Ûthamaki wa Ngai ûrî gatagatîrî kenyu.”

Johana 14:17

Ke nîke Roho ûrîa wonagia andû ûvoro wa ma. Andû a gûkû nthî matingîmwamûkîra, nîûndû matimwonaga wana kana mamûmenye. Nwatî mue nîmûmwîcî nîûndû atûûranagia namue na arî ndaarî yenyu.

Johana 14:20

Na rîrîa mûthenya ûcio ûgaaûka, nîmûkaamenya atî nie nîrî ndaarî ya Vava na atî mue mûrî ndaarî yakwa, wata ûrîa nie nîrî ndaarî yenyu.

Johana 14:23

Nake Jesû nîwamûcokerie atîrî, “Mûndû wa wonthe ûmendete nîwathîkagîra ciugo ciakwa. Vava nîamwendete, na nie tûrî na Vava nîtûkaga kûrî ke na tûgatûûrania nake.

Johana 17:26

Nie nînakûmenyithanirie kûrî o, na nwa ngûthiî na mbere gwîka wa guo nîguo ûmende wata ûrîa ûmendete, na nîguo wa nanie mbîthagîrwe nîrî ndaarî yao.”

Johana 6:56

Mûndû wa wonthe ûrîcaga mwîrî wakwa na akanyua nthakame yakwa nîwîkaraga ndaarî yakwa, nanie ngekara ndaarî yake.

Aroma 11:33

Na kaî ûtonga wa Ngai nî mûnene-î! Na kaî ûûgî wake na ûmenyo nî mûrikîru-î! Nû ûngîtaarîria matua make? Nû ûngîmenya njîra ciake?

Aroma 2:4

Kana nîkwa we ûnyararîte ûtugi wake mwîngî, ûkirîrîria na wetereri. Nama we nîwîcî atî Ngai nî mûtugi nîûndû nîakwonagîrîria njîra ya kwîrira?

Aroma 5:2

Nîûndû wa gwîtîkia, ke nîatûmîte tûgîe na wega wa Ngai ûrîa tûrî naguo rîu. Kwoguo nîtûkenaga nîûndû wa kîîrîgîrîro kîrîa tûrî nakîo gîa gûkagaa riiri wa Ngai.

Aroma 8:10

Nwatî ethîrwa Kristû atûûraga ndaarî yenyu wana ethîrwa mîîrî yenyu nîgaakua nîûndû wa mevia, maroho menyu marî mwoyo nîûndû mûrî atue athingu.

Aroma 9:23

Ke nwa wendaga kwonania riiri wake mwîngî kûrî andû arîa eeguîrîre ntha na nîtue aavarîrie tûgae riiri wake.

1Akor 3:16

Mue nîmwicî atî mûrî hekarû ya Ngai na Roho wa Ngai atûûraga ndaarî yenyu.

2Akor 2:14

Nwatî nîtûcokie ngatho kûrî Ngai! Nîûndû tûrî ûrûmwe na Kristû, Ngai nîatûvotanagîra vîndî cionthe. Na njîra yetû Ngai nîatambagia mûtararûko wa ûmenyo wa Kristû kûndû kuonthe.

2Akor 4:17

Naguo thîna ûyû tûrî naguo nî mûnini na tî wa gûtûûra. Nwatî nîûgaatûma tûgîe na riiri wa tene na tene na mwîngî makîria ya thîna ûcio.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

Agal 4:19

Ciana ciakwa mendete, wa rîngî nîregua nîrî na ûrûrû mwîngî mûno nîûndû wenyu wata ûrûrû ûrîa mûndûmûka egucaga akîgîa na mwana. Nîmbîgua ûrûrû ûcio nginya rîrîa mûgaatuîka arûmîrîri a ma a Kristû.

Aefeso 1:7

Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî

Aefeso 2:22

Na mûrî na ûrûmwe na Kristû, wa namue nîmûratumwa vamwe na arîa engî onthe nîguo mûtuîke gîkaro Kîam Roho wa Ngai na njîra ya Roho.

Afil 4:19

Ngai wakwa akaamûvecaga kîrîa kîonthe mûvataraga kûringana na ûtonga wake mwîngî ûrîa ûvecanagwa na njîra ya Jesû Kristû.

Akol 1:5

Rîrîa ndûmîrîri îrîa ya ma, nîyo ûvoro mwaro yamûkinyîre rita rîa mbere, nîmwegwire ûvoro wîgiî mwîrîgîrîro ûrîa îvecanaga. Kwoguo kîrîa mwîrîgagîrîra nîkîo gîtûmaga mwîtîkie Jesû Kristû na mûgîe na wendani. Nakîo kîrîa mûrî na mwîrîgîrîro wakîo mûrî aigîre kîo waro îgûrû.

Akol 2:3

Naguo Mûthithû wa ûûgî na ûmenyo nîûthithîtwe varî Kristû.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

1Tim 1:1

Nie Paûlo mûtûmwa wa Jesû Kristû na mvetwe wathani nî Ngai Mûvonokia wetû, na Jesû Kristû ûrîa twîrîgîrîrîte,

Ahib 6:19

Ûndû ûcio twîthagîrwa twîrîgîrîrîte nîûtûmaga twîkarage tûkîgucaga tûrî agitîre. Kîîrîgîrîro kîu nî Kîam ma na kîrî vinya na nîgîtonyagîra gîtambaarî Kîam hekarû ya îgûrû gîgakinya ndaarî varîa vatheru.

1Joh 4:4

Nwatî mue ciana ciakwa mûrî a Ngai, na nîmûvootete arathi a maveeni. Nîûndû Roho ûrîa mûrî naguo ûrî na vinya gûkîra roho ûrîa wîthagîrwa ûrî gûkû nthî.

Kûguû 3:20

Ta roriani! Nie nûngamîte mûrangorî ngîringaringa mûndû wa wonthe ûkwîgua mûgambo wakwa na amvingûrîre mûrango, nie nîngûtonya na ndîcanîre nake, nake arîcanîre nanie.