Akol 1:19 - ÎVUKU RÎA ÛVORO MWARO

¹⁹ Nîûndû Ngai nîwonire kûrî kwagîrîru Mûriû ethîrwe ekariî take viû.

Akol 1:19 ပူးပေါင်းရင်းမြစ်များ

Luka 10:21

Vîndî îo Jesû nîwakenire ecûrîtwe nî Roho Mûtheru na akiuga atîrî, “Vava wa îgûrû na nthî, nînagûcokeria ngatho nîûndû we nîwonetie andû arîa enyivia maûndû marîa ûthithîte andû arîa aûgî na imenyi. Îni nîguo Vava, ûguo nîguo we wendaga gwîkîke.”

Johana 1:16

Nîtûnyitîte irathimo nyîngî mûno kuuma wegarî ûcio wake mwîngî.

Johana 3:34

Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.

1Akor 1:21

Kûringana na ûûgî wake, Ngai nîwatûmire andû matikaamûmenye na njîra ya ûûgî wao. Vandû va ûguo, na njîra ya ndûmîrîri îo îtucagwa ya “ûrimû” îrîa tue tûvunjagia, Ngai nîwatuire atî nîakaavonokia arîa mamwîtîkîtie.

Aefeso 1:23

Kanitha nî mwîrî wa Kristû, na nîîcûrîtwe nî Kristû ûrîa arî ke wîcûru wa maûndû monthe marîa marî kûndû kuonthe.

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

Aefeso 1:5

Ngai nîwatuîte wa mbere atî nîagaatûtua ciana ciake na njîra ya Jesû Kristû. Ûcio nîguo warî mworoto wa wendi wake.

Aefeso 4:10

Kwoguo ke ûrîa wanyûrûrûkire gûkû nthî nwake wacokire kûthiî îgûrû mbere ya matu. Eekire ûguo nîguo ecûre nthî na îgûrû.

Akol 2:3

Naguo Mûthithû wa ûûgî na ûmenyo nîûthithîtwe varî Kristû.

Akol 2:9

Nîûndû Kristû ethagîrwa arî na ûngai mwîcûru ûmûndûrî wake.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.