Ahib 9:4 - ÎVUKU RÎA ÛVORO MWARO

⁴ Kûu ndaarî kwarî na metha ya kîgongoona ya thaavu ya kûvîvîrua ûbani, na nwakuo kwarî na îthandûkû rîa kîrîkanîro. Îthandûkû rîu rîavakîtwe thaavu mîena yonthe, na ndaarî yarîo kwethagîrwa kûrî na nyûngû ya thaavu îrî na maana ndaarî, mûragi wa Aroni ûrîa wathundûkîte mathangû na ivengere igîrî cia mathiga irîa ciandîkîtwe maathani.

Ahib 9:4 ပူးပေါင်းရင်းမြစ်များ

1Atha 7:50

ikombe, tûnyamû twa kûnyitîrîra ndambi, mbakûri, mbakûri cia ûbani, tûraî twa gûkuua makara marî na mwaki, na irenji cia mîrango ya vandû varîa vatheru Mûno na cia mîrango ya nja ya hekarû.

1Atha 8:21

Nîndumîte vandû va kwiga îthandûkû rîa kîrîkanîro Kîam Ngai-Mûnene. Kîrîkanîro kîu nîkîo Ngai-Mûnene aarûthire na methe metû rîrîa aamarutire vûrûrirî wa Misiri.”

1Atha 8:9

Gûtiarî kîndû ndaarî ya îthandûkû rîa kîrîkanîro tiga ivengere igîrî cia mathiga irîa Musa eekîrire kuo arî Horebu. Musa aaciîkîrire kuo rîrîa Ngai-Mûnene aarûthire kîrîkanîro na andû a Isiraeli rîrîa maaumaga vûrûrirî wa Misiri.

2Maû 5:10

Îthandûkûrî rîa kîrîkanîro gûtiarî kîndû kîngî tiga ivengere igîrî cia mathiga irîa ciekîrirwe kuo nî Musa marî Kîrîmarî gîa Sinai. Rîrîa andû a Isiraeli maaumaga Misiri, vau Kîrîmarî gîa Sinai nîvo Ngai-Mûnene aarûthîre kîrîkanîro na andû a Isiraeli.

Ntha 26:33

Curia gîtambaa kîu mbatharî irîa irî îgemarî îgûrû, na vuva wa gîtambaa wige îthandûkû rîa kîrîkanîro rîrîa rîrî na ivengere igîrî cia mathiga. Gîtambaa gîkaagaania îgema maita maîrî: vandû varîa vatheru na vandû varîa vatheru Mûno.

Ntha 31:18

Rîrîa Ngai aarîkirie kwarîria Musa kîrîmarî Kîam Sinai îgûrû, nîwanengerire Musa ivengere igîrî cia mathiga irî na maathani. Maathani mau nî Ngai ke mwene wamandîkîte.

Ntha 32:15

Musa nîwanyûrûrûkire kuuma kîrîmarî akuîte ivengere cia mathiga ciandîkîtwe Maathani mîena yoîrî.

Ntha 34:29

Rîrîa Musa aanyûrûrûkire kuuma kîrîmarî gîa Sinai akuuîte Maathani îkûmi, ûthiû wake nîwakengaga nîûndû ethîrîtwe akîaria na Ngai-Mûnene, nwatî ndaamenyaga.

Ntha 37:25

Bezaleli nîwatumire metha ya kîgongoona ya kûvîvîrua ûbani ya mîtî ya mîgaa. Metha îo ya kîgongoona nîyeganene mîena yonthe. Wariî wayo warî cendimita mîrongo îna na ithano (45), na ûraca wayo wa cendimita mîrongo îna na ithano (45). Ûraca na îgûrû wayo warî wa cendimita mîrongo kenda (90). Mîenarî yayo îna îrîa yumîrîte na îgûrû ta mvîa yanyitanîte vamwe na metha îo ya kîgongoona.

Ntha 39:35

îthandûkû rîa kîrîkanîro rîrî na ivengere cia maathani mîtî yarîo, gîkunîko Kîam rîo,

Ntha 40:3

Îgemarî rîu ûkaaiga îthandûkû rîa kîrîkanîro na ûcurie gîtambaa mbere ya îthandûkû rîa kîrîkanîro.

Alawi 16:12

nîagooca kanyûngû ga kûvîvîrua ûbani gecûrîte makara marî na mwaki na ngundi igîrî ciîcûrîte ûbani mûnungi waro na aivire vandû varîa vatheru Mûno.

Ndari 17:10

Nake Ngai-Mûnene nîwerire Musa atîrî, “Cokia mûragi wa Aroni na ûwige vau mbere ya îthandûkû rîa kîrîkanîro. Naguo ûkethagîrwa ûrî wa gûkaania andû a Isiraeli arîa magûkararagia atî marega gûtiga gûteta nîmagaakua.”

Ndari 17:5

Mûragi wa mûndû ûrîa ngaathuura nîûkaauma mathangû. Ûguo nîguo ngaathiria mateta marîa andû a Isiraeli methagîrwa namo îgûrû rîaku.”

Ndari 17:8

Rîrîa Musa aathiîre îgemarî rîa gûcemanîrua mûthenya ûcio warûmîrîrîte, nîwamakire ona mûragi wa Aroni, ûrîa warûngamîrîrîte mûvîrîga wa Lawi nîwaumîte mathangû, ûkathundia, ûgatumûra marao na ûgaciara matunda matune ma mûrothi.

Gûco 9:11

Vuva wa mîthenya îo mîrongo îna, ûtukû na mûthenya, Ngai-Mûnene nîwamûvere ivengere icio igîrî cia îthiga irîa ciandîkîtwe kîrîkanîro.

Gûco 9:9

Rîrîa naaunûkirie kîrîmarî nîguo ngamûkîre ivengere cia îthiga irîa ciandîkîtwe kîrîkanîro kîrîa Ngai-Mûnene aarûthire namue, nînekarire kîrîmarî kîu mîthenya mîrongo îna, ûtukû na mûthenya ndakûrîa kana kûnyua kîndû.

Kûguû 11:19

Nayo hekarû ya Ngai îrîa îrî kûu îgûrû nîyavingûrirwe, na îthandûkû rîa kîrîkanîro rîkîonekana kuo. Nakuo nîgwacokire gûkîgîa na mveni, mîgambo na mîrurumo ya ngwa, kîthingithia na mbura nene ya mbembe.

Kûguû 8:3

Mûraika wîngî nîwaûkire na akîrûngama metharî ya kûrutîra kîgongoona, anyitîte kavakûri ka thaavu ga kûvîvîria ûbani. Nake nîwanengerwe ûbani mwîngî mûno nîguo aûrutanîrie vamwe na mavoya ma andû onthe a Ngai. Nake mûraika ûcio nîwaigîrîre maruta mau metharî ya kûrutîra kîgongoona ya thaavu îrîa yarî vau mbere ya gîtî Kîam ûthamaki.