Ahib 9:20 - ÎVUKU RÎA ÛVORO MWARO

²⁰ Ke nîwaugire atîrî, “Nthakame îno nî mûvûri wa kîrîkanîro kîrîa Ngai aamwathire mwathîkagîre.”

Ahib 9:20 ပူးပေါင်းရင်းမြစ်များ

Ntha 24:8

Musa nîwocire nthakame îrîa yarî mbakûrirî na akîmîminjîria andû na akiuga atîrî, “Îno nîyo nthakame ya kîrîkanîro kîrîa Ngai-Mûnene aarîkanîre namue kîgiî maûndû mama monthe.”

Zakaria 9:11

Ngai-Mûnene augîte atîrî, “Nîûndû wa kîrîkanîro gîakwa namue, kîrîa gîakindîrue na nthakame ya magongoona, nîngaarekereria andû enyu arîa ove, nîmarute kûu marî îrimarî rîtarî manjî.

Mathaayo 26:28

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

Gûco 29:12

Mûrî ava ûmûnthî, nîguo mûrûthe kîrîkanîro na Ngai-Mûnene Ngai wenyu, na mwîtîkîre kûrûmagîrîra maûndû monthe ma kîrîkanîro kîu,

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

Josh 9:6

Andû a Gibeoni nîmaathiîre Giligali kûrîa Joshua na andû a Isiraeli maambîte magema mao na makîmeera atîrî, “Tue tumîte vûrûri wa kûraca na tûrenda mûrûthe kîrîkanîro natue.”