Ahib 9:19 - ÎVUKU RÎA ÛVORO MWARO

¹⁹ Ûndû wa mbere ûrîa Musa eekire, nî kûmenyithia andû onthe maathani monthe wata ûrîa mandîkîtwe Wathorî. Nîwacokire agîoca nthakame ya ndegwa na ya mbûri akîmîtukania na manjî, na akîmîminjaminjîria îvuku rîa Watho na kûrî andû onthe akîvûthagarî karûthanju ka Hisovu kovereretwe guoya ndune.

Ahib 9:19 ပူးပေါင်းရင်းမြစ်များ

Thaburi 51:7

Ntheria, na nî ngûthera; nthambia, na nî ngûcerûva gîkîra îra.

Ntha 12:22

Na mwoce hisofu yovetwe kîmanja na mûmîvutukie mbakûrirî îrîa îkîrîtwe nthakame ya tûtûrûme. Nthakame îo îvakwe itugîrî cia mîrango na mîkîgo îgûrû rîa mîrango ya nyomba cienyu. Mûndû wana ûrîkû ndakaume nyomba nginyagia rûyû kîraûko.

Isaia 52:15

nwaguo îkaamakia ndûrîrî nyîngî, nao athamaki magaakira ki, magegete nîûndû wake, nîûndû nîmakoona maûndû marîa matanerwa, na nîmageciria maûndû marîa mateguîte ûvoro wamo.”

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Alawi 1:10

“Ethîrwa mûndû nîaruta ng'ondu kana mbûri kuuma ndîthiarî yake îrî îtega rîa kûvîvua, nwanginya îkethîrwa îrî ndûrûme kana nthenge îtarî na wonje.

Alawi 3:6

Ethîrwa mûndû arenda kûrutîra Ngai-Mûnene mbûri kana ng'ondu ya nûme kana ya nga îrî îgongoona rîa ngwatanîro, akaaruta îtarî na wonje wanarî ûrîkû.

Ndari 19:18

Mûndû ûrîa mwîtheriu nîagoca hisofu na amîrinde manjîrî, na acoke aminjaminjîrie îgema, na indo cionthe irîa irî kuo vamwe na andû arîa marî kuo. Nîagaacoka aminjîrie manjî mûndû ûrîa ûkeethîrwa avutîtie îvîndî rîa mûndû mûkuû, kimba kana mbîrîra.

Ndari 19:6

Mûthînjîri-Ngai nîagoca mûtî wa mûtarakwe, hisofu na rûrigi rûrû rûtune na acikie mwakirî ûcio.

Mathaayo 27:28

Nîmaacokire makîmûruta nguo ciake makîmwîkîra nguo ndune.

Maariko 15:17

Nîmaacokire makîmwîkîra nguo ya rangi ya njambarawe, makîthondeka nthûmbî ya mîgua na makîmwîkîra yo kîongorî gîake.

Maariko 15:20

Rîrîa maarîkirie kûmûnyûrûria, nîmaamûrutire nguo ya rangi ya njambarawe îrîa maamwîkîrîte na makîmûcokia nguo ciake. Nao nîmaamûrutire na nja makamwambe.

Johana 19:2

Nao athigari nîmaatumire nthûmbî ya mîgua na makîmwîkîra yo kîongo. Nîmaacokire makîmwîkîra kanjû ya rangi ya njambarawe,

Johana 19:5

Kwoguo Jesû nîwaumire nja ekîrîte nthûmbî ya mîgua na kanjû ya rangi wa njambarawe. Nake Pilato nîwamerire atîrî, “Taroriani! Mûndû nîke ûyû!”

Ahib 1:1

Tene Ngai nîwaririe mavinda meengî na njîra nyîngî ngûrani kûrî methe metû na njîra ya Arathi.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

Ahib 10:4

Nîûndû nthakame ya ndegwa na nthenge ndîngîthengutia mevia kuuma kûrî andû.

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

Ahib 9:12

Rîrîa Kristû aavîtûkîre îgemarî nîwatonyire vandû varîa vatheru Mûno rita rîmwe rîa kwîgana. Ndaakuua nthakame ya mbûri na ndegwa nîguo akarute îgongoona. Vandû va ûguo, ke aavecanire mwoyo wake na agîtûma tûgîe na ûvonokio wa tene na tene.

Ahib 9:13

Ethîrwa andû arîa methagîrwa marî na mûgiro nîmaminjaminjagîrua nthakame ya mbûri na ndegwa, na mûu wa mori ya ng'ombe na makathera,

Ahib 9:18

Kîu nîkîo gîatûmire wana kîrîkanîro Kîam mbere kîruta wîra na njîra ya nthakame.

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.