Ahib 9:16 - ÎVUKU RÎA ÛVORO MWARO

¹⁶ Ûvoro wîgiî kwîgaa na njîra ya kwaria kana kwandîka, nîkûvatarîte kwonanue waro atî mûndû ûcio wîgaîte nî mûkuû.

Ahib 9:16 ပူးပေါင်းရင်းမြစ်များ

Aroma 5:12

Mevia maatonyire nthî na njîra ya mûndû ûmwe na makîrete gîkuû. Kwoguo gîkuû nîgîecûrire kûrî andû onthe a nthî nîûndû andû onthe nîmeevirie.

Aroma 6:23

Nîûndû mûcara wa mevia nî gîkuû, nwatî kîveo kîrîa Ngai avecanaga nî mwoyo wa tene na tene mûrî rûmwe na Jesû Kristû Mwathani wetû.

1Akor 15:22

Wata ûrîa andû onthe makucaga nîûndû wa gûtuîka atî o marî ûrûmwe na Adamu, nwa ta guo andû onthe makaariûkua nîûndû wa kwîthîrwa marî ûrûmwe na Kristû.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

Ahib 9:15

Kwoguo Kristû nîke ûthondekaga kîrîkanîro gîcerû, nîguo arîa onthe metîtwe nî Ngai mamûkîre irathimo cia tene na tene irîa Ngai aameerîre. Ûndû ûyû wîkîkaga nîûndû nîkwîthîrîtwe kûrî na gîkuû gîa gûkûûra andû kuuma meviarî marîa meekire vîndî îrîa maathagwa nî kîrîkanîro Kîam mbere.

Ahib 9:17

Nîûndû kwîgaa gûtirî vata vîndî îrîa yonthe ûrîa ûkwîgaa arî mwoyo, nwatî kûgîcaga vata arîkia gûkua.

Jakuvu 2:10

Mûndû ûrîa unîte rîathani rîmwe, nîatucagîrwa atî ke nî unîte maathani monthe.