Ahib 9:15 - ÎVUKU RÎA ÛVORO MWARO

¹⁵ Kwoguo Kristû nîke ûthondekaga kîrîkanîro gîcerû, nîguo arîa onthe metîtwe nî Ngai mamûkîre irathimo cia tene na tene irîa Ngai aameerîre. Ûndû ûyû wîkîkaga nîûndû nîkwîthîrîtwe kûrî na gîkuû gîa gûkûûra andû kuuma meviarî marîa meekire vîndî îrîa maathagwa nî kîrîkanîro Kîam mbere.

Ahib 9:15 ပူးပေါင်းရင်းမြစ်များ

Thaburi 37:18

Ngai-Mûnene nîamenyagîrîra andû arîa mamwathîkagîra, na îgai rîao rîgaatûûra tene na tene.

Danieli 9:26

Îvinda rîu rîathira mûtongoria ûrîa mwamûre nî Ngai nîakaaûragwa na njîra îtarî ya kîvooto. Îtûûra rîu na hekarû nîigaacûkangua nî athigari a mbaara a mûtongoria ûrî vinya mûno. Mûthiia wa îtûûra rîu ûgaakinya ta mwîcûro wa manjî. Ngai nîarutîte watho akauga, îtûûra rîu rîthirue viû.

Mathaayo 19:29

Na mûndû wa wonthe ûtigîte nyomba ciake, aa mûrwang'ina, aa mwarwang'ina, îthe, ng'ina, ciana, kana mîgûnda nîûndû wakwa, nîakaavewa indo icio maita îgana na acoke agîe na mwoyo wa tene na tene.

Mathaayo 22:3

Mûthamaki ûcio nîwatûmire ndungata ciake ithiî îgeete andû arîa meetîtwe kîrugorî. Nwatî andû acio nîmaaregire kûthiî.

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Mathaayo 25:36

na naarî njaga na mûkîmva nguo ya gwîkîra. Nie naarî mûrûaru na mûkîmenyerera, na rîrîa naarî njeera nîmwaûkire kûmona.’

Maariko 10:17

Rîrîa Jesû aambagîrîria kûthiî rûgendo, mûndû ûmwe nîwavinyûrire varî ke, agîturia maru mbere yake na akîmwîra atîrî, “Mwarimû Mwaro, nîngîka atîa nîguo ngaagaîrwa mwoyo wa tene na tene?”

Luka 18:18

Nake mûtongoria ûmwe warî Mûyahudi nîwaûririe Jesû atîrî, “Mwarimû Mwaro, nîngîîka atîa nîguo ngaagaîrwa mwoyo wa tene na tene?”

Luka 22:20

Na marîkia kûrîa, nîwamanengere gîkombe akiugaga atîrî, “Gîkombe gîkî nî Kîam nthakame yakwa ya kîrîkanîro gîcerû îrîa yetûrûrirwe nîûndû wenyu.]

Johana 10:28

Nie nînîivecaga mwoyo wa tene na tene, na itigaakua rî kana rî. Gûtirî mûndû ûngînjuna cio.

Ciîko 20:32

“Rîu nie nîramwiga njararî cia Ngai na ûvororî wîgiî wega wake. Wega ûcio wake nwa ûvote kûmûva vinya na wavota gûtûma mûgîe na îgai rîa irathimo irîa Ngai aigîrîte andû onthe ake atheru.

Aroma 5:10

Vîndî îmwe twarî nthû cia Ngai, nwatî ke nîwatûtuire arata ake na njîra ya gîkuû Kîam mûriû wake. Na rîu nîûndû tûrî arata a Ngai ke nîagaatûvonokia na njîra ya Kristû.

Aroma 5:6

Nîûndû rîrîa tûtaarî na vinya na twarî evia, Kristû nîwakwire nîûndû wetû kavinda karîa Ngai oonire kagîrîrîte.

Aroma 5:8

Nwatî Ngai nîwonanîtie ûrîa atwendete nîûndû Kristû nîwatûkuîrîre vîndî îrîa twarî evia.

Aroma 6:23

Nîûndû mûcara wa mevia nî gîkuû, nwatî kîveo kîrîa Ngai avecanaga nî mwoyo wa tene na tene mûrî rûmwe na Jesû Kristû Mwathani wetû.

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

Aroma 8:30

Kwoguo arîa Ngai amûrîte nîwametire, nao acio eetire nîwamatuire athingu na akîmagaîra riiri wake.

Aroma 9:24

Tue nîtue andû arîa Ngai eetire, amwe maarî Ayahudi na amwe maarî andû a Ndûrîrî.

2Akor 3:6

Ngai nîke watûveere ûvoti wa gûtuîka ndungata cia Kîrîkanîro gîcerû. Kîrîkanîro gîkî gîcerû tî ta watho ûrîa mwandîke nwatî nî watho wa Roho. Watho ûrîa mwandîke ûretaga gîkuû, nwatî Roho avecanaga Mwoyo.

Agal 3:20

Nwatî gûtirî na vata wa kwîthîrwa na mûndû wa kwîguithania andû rîrîa ûndû ûcio wîgiî mûndû ûmwe; na Ngai nî ûmwe.

Aefeso 1:7

Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî

2Ath 2:14

Ngai aamwîtire na njîra ya ûvoro mwaro ûrîa twamûvunjîrie nîguo mûtuîke a kûgaa riiri wa Mwathani wetû Jesû Kristû.

1Tim 2:5

Nîûndû Ngai nî ûmwe, nake ûrîa wîgwithanagia andû na Ngai nî ûmwe na mûndû ûcio nî Jesû Kristû.

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

Tito 3:7

nîguo tûtuwe athingu nî Ngai nîûndû wa wega wake na tûgîe na kîîrîgîrîro Kîam mwoyo wa tene na tene.

Ahib 10:34

Nîûndû nîmwanyitanîre mathîna na arîa moovetwe, na rîrîa mwacunirwe indo cienyu nîmweyûmîrîrie mûkenete nîûndû nîmwamenyaga atî mûrî na kîndû Kîamro makîria na gîa gûtûûra.

Ahib 10:36

Mue nîmwagîrîrwe nî gûkirîrîria nîguo mûvotage gwîka wendi wa Ngai, na nîmûkaavewa kîrîa eeranîre.

Ahib 11:13

Andû acio onthe maakwire marî na wîtîkio. Matianyita indo irîa Ngai aamerîrîte, nwatî marî wa kûraca nîmoonaga indo icio na magaikenagîra. Nao nîmeetîkîtie atî nî ageni na evîtûkîri gûkû nthî.

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

Ahib 2:14

Nîûndû ciana ino nî andû marî na mwîrî na nthakame, Jesû ke mwene nîwatuîkire mûndû wata o. Aatuîkire mûndû nîguo na njîra ya gîkuû gîake, athirie vinya wonthe wa Ngoma îrîa îthagîrwa îrî na ûvoti îgûrû rîa gîkuû.

Ahib 3:1

Kwoguo ariû a îthe wetû mue arîa atheru na mwîtîtwe nî Mwathani, îcirieni ûvoro wa Jesû ûrîa Ngai aatûmire arî Mûthînjîri-Ngai ûrîa mûnene wa wîtîkio ûrîa tumbûraga.

Ahib 6:13

Rîrîa Ngai aathondekire kîîranîro gîake na Iburahimu nîwevîtire na rîîtwa rîake ke mwene, nîûndû gûtirî wîngî warî mûnene kûmûkîra.

Ahib 6:15

Iburahimu nîwekarire etererete, kwoguo nîwamûkîre kîrîa Ngai aamwîrîrîte.

Ahib 7:22

Ûndû ûyû nîguo ûtûmaga Jesû atuîke mûrûngamîrîri wa kîrîkanîro Kîamro makîria kuuma kûrî Ngai.

Ahib 8:13

Rîrîa Ngai aaririe ûvoro wa kîrîkanîro gîcerû ke nîwatuire kîrîkanîro kîrîa Kîam mbere gîkûrû. Nakîo kîndû wa kîonthe kîrakûra na gîgatuîkanga, nîkwa kîûraga.

Ahib 9:12

Rîrîa Kristû aavîtûkîre îgemarî nîwatonyire vandû varîa vatheru Mûno rita rîmwe rîa kwîgana. Ndaakuua nthakame ya mbûri na ndegwa nîguo akarute îgongoona. Vandû va ûguo, ke aavecanire mwoyo wake na agîtûma tûgîe na ûvonokio wa tene na tene.

Ahib 9:16

Ûvoro wîgiî kwîgaa na njîra ya kwaria kana kwandîka, nîkûvatarîte kwonanue waro atî mûndû ûcio wîgaîte nî mûkuû.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

1Joh 2:25

Kîveo kîrîa Kristû aatwîrîre nî mwoyo wa tene na tene.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.