Ahib 9:14 - ÎVUKU RÎA ÛVORO MWARO

¹⁴ na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

Ahib 9:14 ပူးပေါင်းရင်းမြစ်များ

2Sam 4:11

Kaî andû aganu, arîa maûragîte mûndû mûthingu amamîte nyomba gwake nî makethîrwa marî na thîna-î! Rîu nînîîrîvîrîria namue nîûndû wa kûmûûraga. Nînîmûraga muonthe mûthire!”

2Atha 19:16

Vingûra metho maku we Ngai-Mûnene, na ûthikîrîrie ciugo cionthe irîa Senakeribu atûmanîte cia gûkûruma we, Ngai ûrîa ûtûûraga mwoyo.

Ayubu 15:16

ndangîvota kwîvoka mûndû wa gûkû nthî, mûndû ûrîa ûnyunyaga waganu ta manjî.

Thaburi 51:2

Nthambia waganu wakwa wonthe, ûnthambie mevia makwa!

Ntha 12:5

Mûndû nwanginya acarie kagondu kana kathenge karî na ûkûrû wa mwaka ûmwe na gatarî wonje kana maroro.

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Isaia 53:9

Maamûthikire vamwe na andû arîa aganu, na akua nîwaigirwe vamwe na itonga, wana ethîrwa ndeekîte wanarî ûndû mûcûku, na ndaanaria maveeni.”

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Ezek 45:18

“Mûthenya wa mbere wa mweri wa mbere nîûkaaruta ndegwa îtarî wonje ya îgongoona nîguo mûtherie hekarû. Ûguo nîguo nie Ngai-Mûnene nauga.

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Alawi 22:20

Nwatî mûngîruta nyamû îrî na wonje, Ngai-Mûnene ndakaamîtîkîra.

Ndari 28:11

“Kîambîrîria Kîam wa mweri wonthe mûkaarutagîra Ngai-Mûnene îtega rîa kûvîvua rîa ndegwa igîrî itarî ngûrû, ndûrûme îmwe, na tûtûrûme mûgwanja twa ûkûrû wa mwaka ûmwe na tûtarî na wonje.

Ndari 28:3

Mama nîmo matega ma kûvîvua marîa makandutagîra wa mûthenya: tûtûrûme twîrî tûrî na ûkûrû wa mwaka ûmwe na tûtarî na wonje.

Ndari 28:9

“Mûthenya wa thavatû mûkaarutaga îtega rîa tûtûrûme twîrî tûtarî na wonje twa ûkûrû wa mwaka ûmwe, kilo igîrî cia mûtu ûtukanîtue na maguta ma ndamaiyû rîrî îtega rîa irio cia mûgûnda, na îtega rîa ndivei.

Mathaayo 12:28

Nwatî ethîrwa ndutûrûraga ndaimono mvetwe vinya nî Roho wa Ngai, ûguo nîkwonania atî Ûthamaki wa Ngai nîmûkinyu kûrî mue.

Mathaayo 16:16

Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî,

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Mathaayo 7:11

Ethîrwa mue mûnarî andû acûku, nîmûmenyaga kûva ciana cienyu indo irîa mbaro, na kinthî Îthe wenyu ûrîa wî îgûrû ndamenyaga mûno makîria kûvecana indo mbaro kûrî andû arîa mamûvoyaga!

Luka 1:74

atî nîagaatûvonokia kuuma njararî cia nthû cietû, na atwîtîkîrie tûmûtungatagîre tûtarî na guoya,

Luka 12:24

Tathiîni mûkaaroria mogogo: mativandaga na matikethaga; matirî nyomba cia kwiga maketha na matirî makûmbî; na Ngai nîamavecaga gîa kûrîa. Mue mûrî vata mûno gûkîra iconi!

Luka 12:28

Angîthîrwa Ngai nîke ûvecaga nyaki ya kîthakarî riiri, nyaki îrîa îrî vo ûmûnthî na rûyû îgaikua riiko, na kinthî tî ke ûngîmwîkîra nguo mûno makîria mue andû aya a wîtîkio mûnini!

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

Johana 3:34

Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.

Ciîko 1:2

nginya rîrîa aavirirwe îgûrû. Mbere ya avirwa îgûrû, nîwavere andû arîa aathuurîte matuîke atûmwa ake kîrîra. Nake eekire ûguo avotithîtue nî Roho Mûtheru.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 14:15

“Mue andû aya, mûreka ûguo nîkî? Tue wa natue tûrî andû tu mekariî wa tamue. Tue twaûka kûmûretere Ûvoro Mwaro na kûmwîra atî mue nîmwagîrîrwe nî gûtigana na maûndû mama matarî na vata na mûgarûrûkîre Ngai mûtûûra mwoyo. Ke nîke waûmbire îgûrû, nthî, îria, na indo cionthe irîa irî ndaarî yacio.

Ciîko 15:9

Ngai nîwonanirie atî gûtirî ngûrani gatagatîrî getû nao. Ke nîwamovere mevia mao nîûndû nîmeetîkirie.

Aroma 1:20

Kuuma rîrîa Ngai aaûmbire nthî, maûndû make marîa matoonekaga nîmamenyekete waro. Maûndû mau nî vinya wake ûrîa ûtûûraga tene na tene na ûngai wake. Andû nîmataûkagîrwa nîmo waro maroria indo irîa Ngai aaûmbire na kwoguo gûtirî na mûndû ûngîgîa na kîîgwatio.

Aroma 1:4

Îgûrû rîgiî roho ûrîa aarî naguo wa ûtheru nîwonanirue na njîra ya vinya mûno atî ke nîke Mûriû wa Ngai nîûndû wa kûriûkua.

Aroma 11:12

Mevia marîa meekirwe nî Ayahudi nîmaaretire irathimo nyîngî gûkû nthî, na ûthîni wao wa ngoro nîwaretire irathimo nyîngî kûrî andû a Ndûrîrî. Kwoguo nthî îkaagîa na irathimo ciîgana atîa vîndî îrîa Ayahudi onthe magatonyua ûvonokiorî!

Aroma 11:24

Andû a Ndûrîrî mekariî ta rûvûa rwa mûtamaiyû wa kîthaka rûrîa rûkavûre rûgacoka rûgaciarithanua na njîra îtarî ya kîndûîre na mûtî wa mûtamaiyû wa mûgûndarî. Ayahudi mekariî ta mûtî ûcio wa mûgûndarî. Nîûndû wa ûguo nî ûvûthû Ngai gûcokanîrîria mvûa icio ngavûrange cia kîndûîre mûtîrî wa cio.

Aroma 6:13

Mûtikanareke ciîga cienyu cia mwîrî ciîvie na ituîke indo cia gwîkaga naaî. Nwatî îîvecaneni kûrî Ngai ta andû mariûkîtue na mwîvecane kûrî ke nîguo mûtuîke ciîga cia gwîkaga maûndû ma ûthingu.

Aroma 6:22

Nwatî rîu mûrî ovore kuuma meviarî na mûrî ngombo cia Ngai. Naguo umithio ûrîa mûgîcaga naguo nî gûtûûra mwîyamûrîrîte Ngai na mûthiiarî mwoyo wa tene na tene.

1Akor 15:45

Mandîkorî Matheru kwandîkîtwe atîrî, “Mûndû wa mbere kûmbwa na nîke Adamu, nîwatuîkire mûndû ûrî mwoyo.” Nwatî Adamu wa mûthiia nîwatuîkire Roho ûrîa ûvecanaga mwoyo.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Agal 2:19

Ûvororî wîgiî watho, mbîkariî ta mûndû mûkuû; mbûragîtwe nî watho guo mwene nîguo ndûûre ngîtungatagîra Ngai. Nie mbîkariî ta mûndû ûkuîte vamwe na Kristû mûtharavarî wake.

Aefeso 2:5

Wana rîrîa twarî akuû kîîroho nîûndû wa ûremi wetû, nîwatûmire tûtûûre mwoyo vamwe na Kristû. Nî wega wa Ngai ûtûmîte mûvonoke.

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Gûco 15:21

Nwatî nyamû îo îngîthîrwa îrî na wonje wa wonthe; îrî kîthua, îtakwona, kana wonje wîngî wa wonthe, mûtikamîrutîre Ngai-Mûnene Ngai wenyu îgongoona.

Gûco 17:1

“Ndûkarutîre Ngai-Mûnene Ngai wenyu îgongoona rîa ndegwa kana ng'ondu îrî na wonje wa mûthemba wa wonthe, nîûndû Ngai-Mûnene Ngai wenyu nîathûrîte ûndû ûcio.

Gûco 31:27

Nîmbicî ûrîa mûmîtie ciongo na mûrî aremi. Ûtûrorî wakwa wonthe namue, mwîthîrîtwe mûkîregana na Ngai-Mûnene na nîmbicî wana nakua, nwa mûkûthiî na mbere na kûmia ciongo makîria.

Gûco 33:27

Ngai ûrîa ûtûûraga tene na tene nîke ûmûgitagîra; vinya wake ûrîa ûtûûraga tene na tene nîguo ûmûnyitagîrîra. Nîwengataga nthû cienyu wa ûrîa mwathiîcaga na mbere, na nîwamwîrire mûicûkangie viû.

Gûco 5:26

Kûrî mûndû wanegua mûgambo wa Ngai ûrîa ûtûûraga mwoyo akîaria arî mwakirî ta ûrîa twîguîte na agatûûra mwoyo?

1Ath 1:9

Andû acio onthe maragia ûvoro wîgiî ûrîa mwatûnyitire ûgeni rîrîa twamûceerere. Nîmaragia ûvoro wîgiî ûrîa mwagarûrûkîre Ngai na mûgîtiga kûvoya mîvuanano nîguo mûtungatîre Ngai ûrîa wa ma na ûtûûraga Mwoyo.

1Tim 1:17

Mûthamaki ûrîa ûtûûraga tene na tene, ûrîa ûtathiraga na ûtonekaga na nwake Ngai tu, arotîîwa na agakumua tene na tene! Ameni.

1Tim 3:15

Nwatî ethîrwa nwa njererwe, maarûa mama magaakûmenyithia ûrîa mûndû agîrîrwe nî gwîkara arî kûrî andû a Ngai na nîo kanitha wa Ngai ûrîa ûtûûraga mwoyo na nîguo wîthagîrwa ûrî mûcingi na gîtugî Kîam ûvoro wa ma.

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Ahib 10:10

Nîûndû Jesû Kristû nîwekire ûrîa Ngai eendete, tue tûrî atherie kuuma meviarî. Tûtheretue nî îgongoona rîa mwîrî wa Jesû Kristû ûrîa aarutire rita rîmwe rîa kwîgana.

Ahib 10:12

Nwatî Kristû nîwarutire îgongoona rîmwe rîa mevia rîrîa rîgûtûûra rîrutaga wîra tene na tene. Nîwacokire agîkara nthî mwenarî wa ûrîo wa Ngai.

Ahib 10:2

Ethîrwa andû arîa magoocaga Ngai maarî atherie mevia mao, matiagîrîîrwe nî kwîgua marî evia rîngî na magongoona monthe nîmangîatigire kûrutwa.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

Ahib 11:21

Nî wîtîkio watûmire Jakovu atanakua arathima avîcî a Josefu. Ke nîwarûngamire etirîte na mûragi wake na akîgooca Ngai.

Ahib 13:12

Nîûndû wa gîtûmi gîkî, Jesû wa nake aakwire arî nja ya îtûûra rîrîa rînene nîguo atherie andû kuuma meviarî mao na nthakame yake.

Ahib 3:12

Ariû a îthe wetû, îîmenyerereni atî gûtikethîrwe kûrî na mûndû gatagatîrî kenyu wîna ngoro njûku na îtetîkîtie na ûngîgarûrûka akauma kûrî Ngai ûrîa mûtûûra mwoyo.

Ahib 6:1

Kwoguo nîtûtiganîrie maûndû marîa twathomithirue mbere megiî Kristû, na tûthiî na mbere na kîthomo kîrîa kîrî na ûgima. Tûtiagîrîrwe nî gûcokera rîngî ûvoro wîgiî kiumo Kîam maûndû marîa twathomire mbere ta gwîtîkia Ngai na kûgarûrûka kuuma kûrî ciîko irîa iretage gîkuû.

Ahib 7:16

Ke aatuirwe mûthînjîri-Ngai nîûndû wa vinya wa mwoyo wake ûrîa ûtathiraga, nwatî tî na njîra ya mawatho marîa mathondeketwe nî andû.

Ahib 7:27

Ndekariî ta Athînjîri-Ngai arîa anene. Ke ndavatiî kûrutaga îgongoona wa mûthenya mbere nîûndû wa mevia make, na acoke arute îgongoona nîûndû wa mevia ma andû. Nîwarutire îgongoona riita rîmwe rîa kwîgana. Eekire ûguo rîrîa eerutire ke mwene.

Ahib 9:12

Rîrîa Kristû aavîtûkîre îgemarî nîwatonyire vandû varîa vatheru Mûno rita rîmwe rîa kwîgana. Ndaakuua nthakame ya mbûri na ndegwa nîguo akarute îgongoona. Vandû va ûguo, ke aavecanire mwoyo wake na agîtûma tûgîe na ûvonokio wa tene na tene.

Ahib 9:26

Nîûndû Kristû angîekire ûguo, nîangîatuîkire wa kûthînua maita meengî mûno kuuma rîrîa nthî yaûmbirwe. Nwatî rîu kûringana na ûrîa kûvana, aaûkire rita rîmwe rîa kwîgana mavinda monthe nîguo na njîra ya îgongoona rîake ke mwene, andû maume meviarî.

Ahib 9:7

Nwatî Mûthînjîri-Ngai ûrîa mûnene nîke tu ûthiîcaga îgemarî rîa ndaarî, na ekaga ûguo riita rîmwe wa mwaka. Ke ocaga nthakame akathiî nayo îgemarî na akamîrutîra Ngai nî ûndû wake ke mwene na nîûndû wa mevia marîa andû mekîte matakûmenya.

Ahib 9:9

Gîkî nî kîonereria Kîam îvinda rîîrî tûrî. Maûndû mama monthe monanagia atî iveo na magongoona ma nyamû marîa tûrutagîra Ngai matingîvota gûtûma thamiri ya mûndû ûrîa ûragooca Ngai îtuîke nginyanîru.

1Pet 1:19

Mwakûûrirwe na nthakame ya goro mûno ya Kristû, ûrîa wekariî ta ng'ondu îtaarî na wonje kana îroro.

1Pet 2:22

Ke gûtirî wîvia eekire na ndaanaria maveeni.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Pet 4:2

Kuuma rîu mûtûûrîre wenyu gûkû nthî nîwîthagîrwe ûtongoretue nî wendi wa Ngai nwatî tî merirîria ma ûmûndû.

1Joh 1:7

Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.

1Joh 3:5

Nîmwîcî atî Kristû aaûkire kûthengutia mevia, na atî ndaarî yake gûtirî rîvia.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”