Ahib 9:13 - ÎVUKU RÎA ÛVORO MWARO

¹³ Ethîrwa andû arîa methagîrwa marî na mûgiro nîmaminjaminjagîrua nthakame ya mbûri na ndegwa, na mûu wa mori ya ng'ombe na makathera,

Ahib 9:13 ပူးပေါင်းရင်းမြစ်များ

2Maû 30:19

arîa magaakûgooca we Ngai, Ngai-Mûnene, Ngai wa methe mao wana ethîrwa matetheretie kûringana na watho wa hekarû.”

Thaburi 51:7

Ntheria, na nî ngûthera; nthambia, na nî ngûcerûva gîkîra îra.

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Ezek 44:26

Agwatwa nî gîko, agekaraga mîthenya mûgwanja, na yathira nîakaathera.

Ndari 8:7

ta û: Maminjîrie manjî matheru na ûmeere meyenje mîîrî yao yonthe na mathambie nguo ciao nîguo methîrwe marî atheru.

Ciîko 15:9

Ngai nîwonanirie atî gûtirî ngûrani gatagatîrî getû nao. Ke nîwamovere mevia mao nîûndû nîmeetîkirie.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Ahib 10:4

Nîûndû nthakame ya ndegwa na nthenge ndîngîthengutia mevia kuuma kûrî andû.

Ahib 9:19

Ûndû wa mbere ûrîa Musa eekire, nî kûmenyithia andû onthe maathani monthe wata ûrîa mandîkîtwe Wathorî. Nîwacokire agîoca nthakame ya ndegwa na ya mbûri akîmîtukania na manjî, na akîmîminjaminjîria îvuku rîa Watho na kûrî andû onthe akîvûthagarî karûthanju ka Hisovu kovereretwe guoya ndune.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.