Ahib 8:8 - ÎVUKU RÎA ÛVORO MWARO

⁸ Nwatî Ngai nîwonaga andû ake marî na mavîtia rîrîa akûmeera atîrî, “Mwathani arauga atî mîthenya nîgûkinya, rîrîa ngaathondeka kîrîkanîro gîcerû na andû a Isiraeli vamwe na andû a Juda.

Ahib 8:8 ပူးပေါင်းရင်းမြစ်များ

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.

Jeremia 23:5

“Taroria, îvinda nîrîgakinya, rîrîa ngaathuura mûndû mûthingu wa rûciaro rwa Daudi atuîke mûthamaki, nake nîakaathana ecûrîtwe nî ûûgî. Nîakoonania kîvooto na waragania vûrûrirî wonthe.

Jeremia 23:7

“Kwoguo ta roria, Ngai-Mûnene arauga îvinda nîrîgûkinya rîrîa andû matakevîta makiugaga atî, ‘Wata ûrîa Ngai atûûraga mwoyo ûrîa warutire andû a Isiraeli vûrûrirî wa Misiri,’

Jeremia 30:3

Nîûndû îvinda nîrîgûkinya rîrîa ngatûma andû akwa a Isiraeli na a Juda arîa matwîre marî atave, magîe na mûtûûrîre mwaro na nîmacokie rîngî vûrûrirî ûrîa naveere methe mao mawîgwatîre ûtuîke wao. Nie Ngai-Mûnene nînie nauga ûguo.”

Jeremia 31:27

Ngai-Mûnene arauga atîrî, “Îvinda nîrîgakinya rîrîa ngecûria vûrûri wa Isiraeli na wa Juda andû na nyamû.

Jeremia 31:38

Ngai-Mûnene arauga atîrî, “Îvinda nîrûgûkinya rîrîa îtûûra rîonthe rîakwa rîa Jerusalemu rîgatumwa rîngî, kuuma nyombarî îrîa ndaca na îgûrû ya Hananeli nginya mwena wa îrathîro wa mwîrîga wa kona.

Jeremia 32:40

Nîngarûtha kîrîkanîro gîa tene na tene nao atî, ndigatiga kûmeka maûndû maro na nîngatûma manîtigîre na ngoro ciao cionthe, nîguo matikandiganîrie rîngî.

Ezek 37:26

Nîngaathondeka kîrîkanîro Kîam thayû nao na gîkethîrwa kîrî gîa gûtûûra tene na tene. Nîngaamarathima na ndûme mongerereke, na nîngaatuma hekarû yakwa vûrûrirî wao îtûûrage kuo tene na tene.

Mathaayo 26:28

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

Maariko 14:24

Nake Jesû nîwamerire atîrî, “Îno nî nthakame yakwa ya kîrîkanîro, îrîa îgeetûrûrwa nîûndû wa andû eengî.

Luka 17:22

Jesû nîwacokire akîra arutwa ake atîrî, “Kûrî vingo îgaakinya mwîrirîrie kwona mûthenya ûmwe wa mîthenya ya Mûrû wa Mûndû nwatî mûtikawona.

Luka 22:20

Na marîkia kûrîa, nîwamanengere gîkombe akiugaga atîrî, “Gîkombe gîkî nî Kîam nthakame yakwa ya kîrîkanîro gîcerû îrîa yetûrûrirwe nîûndû wenyu.]

Luka 5:38

Vandû va ûguo, ndivei ya kûvivwa warîo nwa nginya îkîrwe mboororî îno njerû!

1Akor 11:25

Na njîra wata îo, rîrîa maarîkirie kûrîa irio cia kîvwaî, nîwocire gîkombe na akiuga atîrî, “Gîkombe gîkî nî gîa kîrîkanîro gîcerû kîrîa kîonanîtue na njîra ya nthakame yakwa. Vîndî cionthe rîrîa mûkaanyunyaga ndivei kuuma gîkomberî gîkî, îkagani ûguo nîûndû wa kûndirikanaga.”

2Akor 3:6

Ngai nîke watûveere ûvoti wa gûtuîka ndungata cia Kîrîkanîro gîcerû. Kîrîkanîro gîkî gîcerû tî ta watho ûrîa mwandîke nwatî nî watho wa Roho. Watho ûrîa mwandîke ûretaga gîkuû, nwatî Roho avecanaga Mwoyo.

Gûco 29:14

Tî mue muenga tu Ngai-Mûnene ararûtha kîrîkanîro gîkî namue, vamwe na ûrîa gîkananîtie,

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

Ahib 7:22

Ûndû ûyû nîguo ûtûmaga Jesû atuîke mûrûngamîrîri wa kîrîkanîro Kîamro makîria kuuma kûrî Ngai.

Ahib 8:13

Rîrîa Ngai aaririe ûvoro wa kîrîkanîro gîcerû ke nîwatuire kîrîkanîro kîrîa Kîam mbere gîkûrû. Nakîo kîndû wa kîonthe kîrakûra na gîgatuîkanga, nîkwa kîûraga.

Ahib 8:6

Nwatî rîu, wîra wa ûthînjîri-Ngai ûrîa ûvetwe Jesû nî wa vata mûno makîria ya wîra ûrîa waveetwe athînjîri-Ngai acio engî, wata ûrîa kîrîkanîro kîrîa athondekete gatagatî ka Ngai na andû kîrî kînene makîria ya kîrîa gîkûrû, nîûndû gîkî gîcerû kîrîkanîrîtwe na ciîranîro mbaro mûno.

Ahib 9:15

Kwoguo Kristû nîke ûthondekaga kîrîkanîro gîcerû, nîguo arîa onthe metîtwe nî Ngai mamûkîre irathimo cia tene na tene irîa Ngai aameerîre. Ûndû ûyû wîkîkaga nîûndû nîkwîthîrîtwe kûrî na gîkuû gîa gûkûûra andû kuuma meviarî marîa meekire vîndî îrîa maathagwa nî kîrîkanîro Kîam mbere.