Ahib 8:2 - ÎVUKU RÎA ÛVORO MWARO

² Ke atungataga ta Mûthînjîri-Ngai ûrîa mûnene varîa vatheru Mûno îgemarî rîa ma rîrîa rîathondekirwe nî Mwathani nwatî tî mûndû.

Ahib 8:2 ပူးပေါင်းရင်းမြစ်များ

Ntha 25:9

Ûrîtume wa vamwe na indo cia gwîkîrwa kuo kûringana na ûrîa ngûkwonia.

Ntha 28:1

“Îra mûrwanyûkwe Aroni na avîcî ake, Nadabu, Abihu, Eleazaru, na Ithamaru maûke varî we. Mamûre ûmarute kûrî andû a Isiraeli, nîguo mandungatagîre marî athînjîri-Ngai.

Ntha 28:35

Vîndî îrîa Aroni agûtungata ageekagîra nguo îo ndaca. Vîndî îrîa akûthiî vandû varîa vatheru mbere ya Ngai-Mûnene, na rîrîa akuuma vo mûgambo wa ngengere ûkegucagwa nîguo ndagakue.

Ntha 33:7

Vandû vonthe varîa andû a Isiraeli maambaga magema, Musa nîwathiîcaga akamba îgema rîa Ngai-Mûnene varaca na kûrîa andû maatûûraga. Îgema rîu rîetagwa Îgema rîa Ngai-Mûnene na mûndû wa wonthe ûngîendire kwaria na Ngai-Mûnene, nîwaumaga na akathiî îgemarî rîu.

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Aroma 15:8

Nîûndû nie nînîmwîra atî Kristû aatuîkire ndungata ya Ayahudi nîguo onanie atî Ngai nîmwîvokeku kûrî ciîranîro ciake irîa erîrîte methe ma tene.

2Akor 5:1

Tue nîtwîcî atî kûrî vîndî îgema rîîrî rîetû tûtûûraga rîa gûkû nthî rîkaatharua. Narîo îgema rîu nî mîîrî îno yetû. Vîndî îo Ngai akeethîrwa arî na nyomba yetû kûu îgûrû. Nyomba îo nîke ke mwene ûtumîte na îgaatûûra tene na tene.

Akol 2:11

Nîûndû wa kwîthîrwa mûrî ndaarî ya Kristû, nîmwarwithirue. Mûtiarwithua na njara cia andû, nwatî nî îrua rîrîa rîathondekirwe nî Kristû rîrîa rîatûtethûrire kuuma kûrî maavinya ma mîîrî yetû îrîa îvagia.

Ahib 10:11

Mûthînjîri-Ngai wa wonthe nîarûngamaga wa mûthenya wa mûthenya na akarutîra Ngai magongoona ma mûthemba ûmwe maita meengî. Magongoona mau matingîvota kûthengutia mevia.

Ahib 10:21

Tûrî na mûthînjîri-Ngai mûnene ûrîa ûrûngamîrîrîte nyomba ya Ngai.

Ahib 11:10

Iburahimu aatûûraga etererete îtûûra rînene rîrî na mûcingi wa gûtûûra rîtumîtwe nî Ngai.

Ahib 9:1

Kîrîkanîro Kîam mbere Kîamrî na mawatho megiî kûgooca Ngai na vandû vatumîtwe nî andû va kûgoocagîra gûkû nthî.

Kûguû 21:3

Nînegwire mûgambo mûnene ûkîaria kuuma gîtîrî Kîam ûthamaki ûkiuga atîrî: “Taroria, rîu mûciî wa Ngai ûrî vamwe na andû! Ke nîagaatûûrania nao, nao nîmagaatuîka andû ake. Ngai ke mwene agaatûûranagia nao, arî Ngai wao.