Ahib 8:11 - ÎVUKU RÎA ÛVORO MWARO

¹¹ Gûtirî mûndû gatagatîrî kao ûkaathomithia mûndû ûrîa wîngî, kana merane atîrî, ‘Menya Mwathani.’ Nîûndû andû onthe nîmakaamenya, kuuma ûrîa mûnene nginya ûrîa mûnini.

Ahib 8:11 ပူးပေါင်းရင်းမြစ်များ

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 30:22

Nake Hezekia nîwagathîrîrie Alawi onthe nîûndû wa wara wao wa gûtungatîra Ngai-Mûnene. Kwoguo andû nîmaarîre irio cia kîrugo îvinda rîa mîthenya mûgwanja (7). Nîmaarutaga magongoona ma thayû na magîkumagia Ngai-Mûnene, Ngai wa methe mao.

Ezira 7:25

“Nawe Ezira, ûgîtûmagîra ûûgî ûrîa ûvetwe nî Ngai waku, ûkaathuura atongoria na atuithania ciira a kwathaga andû onthe arîa marî vûrûrirî ûrîa ûrî mwena wa îthûîro wa Rûnjî rwa Farati. Andû acio ûkaathuura methîrwe nî andû maicî watho wa Ngai wenyu na nîmaûrûmagîrîra. Nao andû arîa mataicî watho ûcio nîmathomithue maûmenye.

Isaia 2:3

Andû eengî nîmakaathiî kuo na mauge atîrî, “Ûkani, tunûkie kîrîmarî Kîam Ngai-Mûnene, tûthiîni nyombarî ya Ngai wa Jakovu, nîguo atûthomithie mîthiîre yake, natue tûrûmagîrîre njîra ciake. Nîûndû watho ûkaauma Zayuni, na ndûmîrîri ya Ngai-Mûnene îkaauma Jerusalemu.”

Isaia 54:13

“Nie Ngai-Mûnene nînie ngathomithia ciana ciaku, na nîikaagîa na thayû mwîngî.

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 31:34

Gûtirî mûndû ûgaacoka kûthomithia ûrîa wîngî akîmwîraga atî, ‘Menya Ngai-Mûnene,’ nîûndû andû onthe, anini na anene, nîmakaamenya. Nîngamarekera mavîtia mao na ndikaririkana mevia mao rîngî. Ûguo nîguo Ngai-Mûnene arauga.”

Jeremia 42:1

Atongoria onthe a athigari a mbaara, Johanani mûvîcî wa Karea, na Azaria mûvîcî wa Hoshaia na andû onthe anene na anini,

Jeremia 42:8

Jeremia nîwacokire agîta Johanani mûvîcî wa Karea na atongoria onthe a athigari a mbaara vamwe na andû onthe, anene na anini, na akîmeera atîrî,

Jeremia 44:12

Nîndiga nona atî andû a Juda arîa matigarîte na arîa matuîte atî nîmathiî gûtûûra Misiri nîmathira onthe, anene na anini. Nîmakuîra gûkû Misiri, marî mbaararî na makue nî yûra. Nîmagaatuîka gîko, kîndû gîa kûmakania, kîrumi na gîconoko.

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Ezek 34:30

Nao andû nîmakaaamenya atî, nie Ngai-Mûnene Ngai wao, nîrî vamwe nao na mamenye atî andû a Isiraeli nî andû akwa. Nie Ngai-Mûnene Ngai nînie mbugîte ûguo.

Habakuku 2:14

Nîûndû nthî yonthe nîgecûra ûmenyo wa riiri wa Ngai-Mûnene, wata ûrîa manjî mecûraga îriarî.

Johana 6:45

Kwandîkîtwe mavukurî ma arathi atî, ‘Andû onthe nîmakaathomithua nî Ngai!’ Mûndû wa wonthe ûrîa wîgucaga Vava na akethomithia maûndû kuuma kûrî ke nîaûkaga kûrî nie.

Ciîko 8:10

Nao andû onthe, anini na anene, nîmaamûthikagîrîria waro na makaugaga atîrî, “Mûndû ûyû nîke vinya wa Ngai ûrîa wîtagwa ‘Vinya Nyîngî.’ ”

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.