Ahib 7:28 - ÎVUKU RÎA ÛVORO MWARO

²⁸ Watho wa Musa nîûthuuraga andû arîa matarî agîrîru matuîke Athînjîri-Ngai arîa anene. Nwatî kîîranîro Kîam Ngai kîrîa Kîamthondekirwe na mwîvîtwa ûrîa waûkire vuva wa watho, ûthuuraga Mûriû ûrîa ûtuîtwe mwagîrîru tene na tene.

Ahib 7:28 ပူးပေါင်းရင်းမြစ်များ

Thaburi 110:4

Ngai-Mûnene nîweranîre na mwîvîtwa na ndakeericûkwa; “We ûrî mûthînjîri-Ngai tene na tene, ta mûthînjîri-Ngai Melikizedeki.”

Alawi 4:3

Ethîrwa nî Mûthînjîri-Ngai wîvîtie, na atûme andû arîa engî manyitwe nî wîvia ûcio, nîakaarutîra Ngai-Mûnene ndegwa îtarî ngûrû na îtarî na wonje îrî îtega rîa kûtheria wîvia wake.

Luka 13:32

Nake Jesû nîwamacokerie atîrî, “Tathiîni mwîre mbwe îo atî ûmûnthî wana rûyû nîmbîthîrwa nîrî gûkû ngîrutûrûraga ngoma kuuma kûrî andû na ngîmavonagia mîrimû yao. Narîo aûke nîngarîkia wîra wakwa.

Johana 19:30

Rîrîa Jesû aakundire ndivei îo nîwaugire atîrî, “Maûndû monthe nîmavinga!” Nîwacokire akîînamia kîongo gîake na agîkua.

Ahib 1:2

Nwatî mavinda mama ma mûthiia, Ngai nîatwarîrîtie na njîra ya Mûriû wake. Ngai aaûmbire nthî yonthe na njîra ya Mûriû wake na nîke Ngai athuurîte nîguo mûthiiarî akagaa indo cionthe.

Ahib 2:10

Ngai ûrîa ûmbaga na ûtûûragia indo cionthe, nîwonire kwagîrîrîte Jesû atuwe mwagîrîru na njîra ya kûthînîka na gûkua gwake, nîguo atûme andû eengî makinyîrwe nî riiri wake. Nîûndû Jesû nîke ûkinyagia andû ûvonokiorî.

Ahib 2:17

Ûguo nî kuga atî nwanginya angîatuîkire ta aa mûrwang'ina na aa mwarwang'ina na njîra wa yonthe nîguo atuîke Mûthînjîri-Ngai ûrîa mûnene, mwîvokeku na ûrî ntha wîrarî wa Ngai nîguo atûme andû moverwe mevia mao.

Ahib 3:1

Kwoguo ariû a îthe wetû mue arîa atheru na mwîtîtwe nî Mwathani, îcirieni ûvoro wa Jesû ûrîa Ngai aatûmire arî Mûthînjîri-Ngai ûrîa mûnene wa wîtîkio ûrîa tumbûraga.

Ahib 3:6

Nwatî Kristû nîmwîvokeku ta Mûriû ûrîa wathanaga nyombarî ya Ngai. Tue tûrî nyomba ya Ngai ethîrwa nîtûkûthiî na mbere kûmîrîria tûrî na mwîvoko wa kîrîa twîrîgîrîrîte.

Ahib 4:14

Nîtûnyitie na vinya viû wîtîkio wetû ûrîa tumbûraga nîûndû tûrî na Mûthînjîri-Ngai ûrîa mûnene na nîke Jesû Mûriû wa Ngai. Ke nîwathiîre kûrî Ngai.

Ahib 5:5

Na njîra wata îo, Kristû wa nake ndeetîkîra kwînenevia nîûndû atî aarî Mûthînjîri-Ngai ûrîa mûnene. Vandû va ûguo, Ngai aamwîrire atîrî, “We nîwe Mûriû wakwa, ûmûnthî nînatuîka Aguo.”

Ahib 7:21

Nwatî Jesû aatuîkire mûthînjîri-Ngai na njîra ya mwîvîto. Ngai aamwîrire atîrî, “Mwathani nîeranîrîte na mwîvîto na ndakaagarûrûka atî: ‘We ûkethagîrwa ûrî mûthînjîri-Ngai tene na tene.’ ”

Ahib 7:24

Nwatî Jesû atûûraga tene na tene, na kwoguo ke nî Mûthînjîri-Ngai wa mavinda monthe.

Ahib 7:3

Melikizedeki ndaarî îthe, ng'ina, ndaarî rûciaro rwake, gûtirî mûndû wîcî rîrîa Melikizedeki aaciarirwe kana rîrîa aakwire. Ekariî ta Mûriû wa Ngai na nîatûûra arî mûthînjîri-Ngai nginya tene na tene.