Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ahib 7:26 - ÎVUKU RÎA ÛVORO MWARO

26 Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.

အခန်းကိုကြည့်ပါ။ ကော်ပီ




Ahib 7:26
39 ပူးပေါင်းရင်းမြစ်များ  

Nîaunûkia îgûrû rîa kîrîma arî na mîgwate mîîngî; nîakwamûkîra iveo kuuma kûrî andû arîa maareganire nake, Ngai-Mûnene, Ngai agaatûûra kûu.


“Ûkaarûtha kavengere ka thaavu ntheri na kandîkwe, ‘Yamûrîrîtwe Ngai-Mûnene’.


Maamûthikire vamwe na andû arîa aganu, na akua nîwaigirwe vamwe na itonga, wana ethîrwa ndeekîte wanarî ûndû mûcûku, na ndaanaria maveeni.”


Mûthenya ûrîa akaathiî vandûrî varîa vatheru kîvarorî Kîam ndarî gûtungata, nîakaaruta îgongoona rîa kûthiria mevia make nîguo acoke gûtungata rîngî. Nînie Ngai-Mûnene nauga ûguo.


“Mûthenya wa gatano, mûkaarutaga ndegwa kenda, ndûrûme igîrî, na tûtûrûme îkûmi na tûna twa ûkûrû wa mwaka ûmwe, na cionthe ciîthîrwe itarî na wonje.


Pilato nîwecî waro atî atongoria a Ayahudi maanenganîrîte Jesû kûrî ke nîûndû maarî na rwetho.


Rîrîa Mwathani Jesû aarîkirie kûmarîria, nîwambatirue îgûrû na agîkara mwena wa ûrîo wa Ngai.


Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.


Wa rîngî Pilato nîwamaarîrie rita rîa kathatû na akîmaûria atîrî, “Mûndû ûyû ekîte wîvia ûrîkû? Nie ndirona ekîte îvîtia wana rîmwe rîngîtûma atuîrwe kûûragwa. Kwoguo nîmûrivithia ivoko na njoke nîmûrekie.”


Tue tûtuîrîrîtwe îvera rîringanîte na ciîko irîa twîkîte. Nwatî mûndû ûyû tî mwîku ûndû wana ûmwe mûcûku.”


Vîndî îrîa mûnene wa athigari îgana oonire ûrîa gwekîka, nîwakumirie Ngai akiugaga atîrî, “Na ma mûndû ûyû ararî mûthingu!”


Na kinthî gûtiagîrîrîte Mesaya athînue nîguo acoke kwoneka arî na riiri wake?”


na akîmeera: “Kwandîkîtwe atîrî, nwa nginya Mesaya athînue na mûthenya wa kathatû acoke ariûke.


Ndikwaria namue mûno rîngî îvinda îraca, nîûndû mûnene wa gûkû nthî nîaûkîte. Ke ndangîvota kûmbatha,


Nake ûrîa wandûmire arî vamwe nanie. Ke tîmûndigu nîrî nienga nîûndû vîndî cionthe mbîkaga maûndû marîa mamûkenagia.”


Mue nîmwaregire Ûrîa Mûtheru na Mûthingu na mûkîûria Pilato amwovorere mûragani vandû vake.


Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.


Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.


Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.


Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.


Ngai ûrîa ûmbaga na ûtûûragia indo cionthe, nîwonire kwagîrîrîte Jesû atuwe mwagîrîru na njîra ya kûthînîka na gûkua gwake, nîguo atûme andû eengî makinyîrwe nî riiri wake. Nîûndû Jesû nîke ûkinyagia andû ûvonokiorî.


Ûguo nî kuga atî nwanginya angîatuîkire ta aa mûrwang'ina na aa mwarwang'ina na njîra wa yonthe nîguo atuîke Mûthînjîri-Ngai ûrîa mûnene, mwîvokeku na ûrî ntha wîrarî wa Ngai nîguo atûme andû moverwe mevia mao.


Kwoguo ariû a îthe wetû mue arîa atheru na mwîtîtwe nî Mwathani, îcirieni ûvoro wa Jesû ûrîa Ngai aatûmire arî Mûthînjîri-Ngai ûrîa mûnene wa wîtîkio ûrîa tumbûraga.


Andû a Isiraeli maaverwe watho na njîra ya ûthînjîri-Ngai ûrîa waumanîte na andû a mûvîrîga wa Lawi. Nwatî na njîra îo andû matiatuîka akinyanîru. Kwoguo kwarî na vata mûthînjîri-Ngai wîngî aûke ta Melikizedeki, nwatî tî kuuma mûvîrîgarî wa Aroni.


Rîu ûndû ûrîa ûrî na vata mûno îgûrû rîa maûndû marîa tûraria nî atî, tûrî na Mûthînjîri-Ngai mûnene ûrîa wîkaraga mwena wa ûrîo wa gîtî Kîam ûthamaki wa Ngai kûu îgûrû.


na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.


Mwakûûrirwe na nthakame ya goro mûno ya Kristû, ûrîa wekariî ta ng'ondu îtaarî na wonje kana îroro.


Ke gûtirî wîvia eekire na ndaanaria maveeni.


ûrîa waunûkirie îgûrû na rîu ekaraga mwena wa ûrîo wa Ngai. Kûu Jesû nîwathaga araika onthe, wa vamwe na maroho marîa mathanaga na marî vinya.


Kristû ke mwene nîke ûtûmaga twoverwe mevia metû, na twa mevie metû tu, nwatî nî wana mevia ma andû onthe.


Nîmwîcî atî Kristû aaûkire kûthengutia mevia, na atî ndaarî yake gûtirî rîvia.


“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ