Ahib 7:18 - ÎVUKU RÎA ÛVORO MWARO

¹⁸ Kwoguo watho ûrîa wa tene nîmûthengutie, nîûndû ndwarî na vinya na warî wa mana.

Ahib 7:18 ပူးပေါင်းရင်းမြစ်များ

Ciîko 13:39

Na njîra yake mûndû wa wonthe ûmwîtîkîtie nîovagîrwa mevia monthe marîa mûndû atangîoverwe nî watho wa Musa.

Aroma 3:31

Ûguo nî kuga atî tûte ûvoro wa Watho nîûndû wa gwîtîkia? Naarî. Vandû va ûguo nîkwa tûnyitagia Watho.

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

Agal 3:15

Ariû na aarî a îthe wetû, nîngûmûva ngerekano ya maûndû marîa mwonaga wa mûthenya. Andû aîrî mangîrîkanîra ûndû na mawîtîkanîrie, gûtirî mûndû ûngîcûkia kana ongerere kîndû ûndûrî ûcio.

Agal 3:17

Ûrîa nîrageria kuga nî atî Ngai nîweranîre atî nîakwiga kîrîkanîro kîrîa maarîkanîre na Iburahimu. Watho ûrîa wacokire kûvecanwa vuva wa mîaka magana mana ma mîrongo îthatû, ndûngiuna kîrîkanîro kana ûregana na kîîranîro Kîam Ngai.

Agal 3:21

Ûndû ûyû ûrenda gûtwonia atî watho nîûreganîte na ciîranîro cia Ngai? Naarî. Nîûndû ethîrwa andû nîmaagîre na watho wa gûtûma magîe na mwoyo, andû onthe nîmangîatuirwe athingu nî Ngai nîûndû wa kûwathîkîra.

Agal 4:21

Mue arîa mwendete kwîthîrwa mûrî rungu rwa watho, ta mbîrani atîrî: nîkwa mûtegucaga ûrîa watho ugaga?

Agal 4:9

Nwatî rîu nîûndû nîmûmenyanîte na Ngai, kana mbuge Ngai nîamenyanîte na mue, nîkî kîratûma mûcokerere maroho marîa matarî vinya na matarî vata? Mûrenda gûtuîka ngombo cia maroho mau rîngî nîkî?

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.

Ahib 7:19

Nîûndû Watho wa Musa ndûngîatuire ûndû wana ûrîkû mûkinyanîru. Nwatî rîu nîtûvetwe kîîrîgîrîro kîngî Kîamro makîria ya kîrîa gîtûmaga tûthiî vakuvî na Ngai.