Ahib 7:14 - ÎVUKU RÎA ÛVORO MWARO

¹⁴ Nîgwîcîkene waro atî ke aaumîte mûvîrîgarî wa Juda. Rîrîa Musa aaragia îgûrû rîa athînjîri-Ngai ndaagweta wanarî ûndû wîgiî mûvîrîga ûcio.

Ahib 7:14 ပူးပေါင်းရင်းမြစ်များ

Kîam 46:12

Avîcî a Juda maarî: Eri, Onani, Shela, Perezi na Zera, (nwatî Eri na Onani nîmakuîrîrîte Kanaani). Avîcî a Perezi maarî: Hezironi na Hamuli.

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Isaia 11:1

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Ndari 24:17

Nînîrona ûrîa ûgaaûka vuvarî, nînîramwona nwatî ndarî vakuvî. Nîakaaumîra ta njata kûrî njiarwa cia Jakovu, gatagatîrî ka andû a Isiraeli nîgûkaauma Mûthamaki. Nîakaathiria atongoria a Moabu, na acûkangie njiarwa cionthe cia Sethi.

Mathaayo 2:6

‘We Bethilehemu vûrûrirî wa Juda, We tîwe mûnini mûno gatagatîrî ka matûûra ma Juda, nîûndû mûtongoria nî akauma kûrî we, ûrîa ûkaarîthia andû akwa a Isiraeli.’ ”

Luka 1:43

Ûndû ûyû mûnene ûguo wekîka kûrî nie nîkî, atî ng'ina wa Mwathani wakwa aûke gwakwa kûngethia?

Luka 3:33

mûvîcî wa Aminadabu, mûvîcî wa Adimini, mûvîcî wa Aroni, mûvîcî wa Hezironi, mûvîcî wa Perezi, mûvîcî wa Juda,

Johana 20:13

Nao nîmaamûririe atîrî, “Mûndûmûka ûyû ûrarîra nîkî?” Nake nîwamacokerie atîrî, “Nîûndû nîmakuuire Mwathani wakwa, na rîu ndiîcî varîa mamwigîte!”

Johana 20:28

Nake Toma nîwamûcokerie atîrî, “Mwathani wakwa na Ngai wakwa!”

Aroma 1:3

Ûvoro ûcio wîthagîrwa wîgiî Mûriû wa Ngai, Jesû Kristû Mwathani wetû. Na njîra ya kîîmwîrî aarî wa mbarî ya Daudi.

Aroma 2:3

We ûtucagîra andû arîa mekaga naaî, nwatî ûgacoka gwîka naaî, ûreciria nî ûkaavota kûûrîra îtua rîa Ngai?

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

Afil 3:8

Nîma monaga maûndû monthe marî ma mana nîûndû wa kûgîa na ûndû ûrîa ûrî na umithio mûnene. Ûndû ûcio nî ûvoro wa kûmenya Jesû Kristû Mwathani wakwa. Nîûndû wake nîndiganîrîtie indo cionthe na ngaitua ta macaki ma gûtewa nîguo ngîe na Kristû arî umithio na

Ahib 7:13

Maûndû mama marîtue îgûrû rîa Mwathani wetû. Ke aarî wa mûvîrîga ngûrani na gûtirî mûndû wa mûvîrîga wake wanatungata kîgongoonarî arî mûthînjîri-Ngai.

Ahib 7:15

Ûvoro ûyû nîmûmenyekanu waro makîria, nîûndû mûthînjîri-Ngai ûyû wîngî mwonekanu ekariî ta Melikizedeki.

Kûguû 22:16

“Nie Jesû, nînie ndûmîte mûraika wakwa kûrî mue nîguo anîrîre ndûmîrîri îno kûu makanitharî. Nie nîrî wa rûciaro rwa nyomba ya Daudi. Nie nînie njata îrîa ngengu ya kîraûko.”

Kûguû 5:5

Nake ûmwe gatagatîrî ka athuuri acio nîwambîrire atîrî, “Tiga kûrîra. Ta roria! Mûnyambû wa mûvîrîga wa Juda; na wa nyomba ya Daudi, nîavootanîte, na ke nwa avote gûtumûra ndumo icio mûgwanja na akûnjûre îvuku rîu rîa gîkûnjo.”