Ahib 6:9 - ÎVUKU RÎA ÛVORO MWARO

⁹ Arata akwa, wana ethîrwa nîtwaragia ûguo tûtirî na nganja namue. Nîtwîcî nîmûthiîte na njîra îrîa mbaro ya kûmûkinyia ûvonokiorî wenyu.

Ahib 6:9 ပူးပေါင်းရင်းမြစ်များ

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Maariko 16:16

Na mûndû wa wonthe ûgeetîkagia na avatithue nîakaavonoka. Nwatî mûndû wa wonthe ûtageetîkagia, nîagaatuîrwa Mûthenya wa Îtuîro.

Ciîko 11:18

Nao etîkia acio megua ûguo nîmaathiririe ngarari na makîgooca Ngai makiugaga atîrî, “Kwoguo Ngai nîavete wana andû a ndûrîrî kanya ga kwîrira nîguo matûûre mwoyo!”

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

1Akor 10:14

Kwoguo arata akwa arîa nie mendete tiganani na ûvoro wîgiî kûvoya mîvuanano.

2Akor 12:19

Mue nwa mwîthîrwe mûgîîciria atî nîkwa tûregitagîra mbere yenyu. Naarî! Tue twaragia ûrîa Kristû angîenda twarie tûrî mbere ya Ngai. Arata etû, ûndû wa wonthe twîkaga twîkaga nîguo mûtetheke.

2Akor 7:1

Arata etû ciîranîro ino cionthe nî tue tûthondekeretwe. Kwoguo tigani twîtherie kuuma kûrî ûndû wa wonthe ûrîa ûtûmaga mwîrî na roho ciîkare itarî ntheru. Tigani twîthagîrwe tûrî atheru viû na njîra ya gûtûûra twîtigîrîte Ngai.

2Akor 7:10

Nîûndû kîeva kîrîa Ngai egwithanagia nîgîtûmaga andû magarûrûke na gîkamatongoria kûrî ûvonokio, na ûguo ndwagîrîrwe gûtûma mûndû akua ngoro. Nwatî kîeva kîrîa kiumanaga na ûmûndû nîkîretage gîkuû.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Ahib 10:34

Nîûndû nîmwanyitanîre mathîna na arîa moovetwe, na rîrîa mwacunirwe indo cienyu nîmweyûmîrîrie mûkenete nîûndû nîmwamenyaga atî mûrî na kîndû Kîamro makîria na gîa gûtûûra.

Ahib 10:39

Tue tûtirî andû arîa macokaga na vuva makaûra, nwatî tûrî andû metîkîtie na avonokie.

Ahib 2:3

Tûngîrega kûverithua atîa tûngîtiganîria ûvonokio mûnene ta ûyû? Mwathani nîke warî wa mbere kwanîrîra ûvonokio ûyû, natue nîtwamenyithirue atî nî wa ma nî arîa maamwîgwire.

Ahib 5:9

Na rîrîa aatuirwe mwagîrîru, nîwatuîkire kiumo Kîam ûvonokio wa tene na tene kûrî arîa onthe mamwathîkagîra.

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.

2Pet 3:1

Arata akwa, îno rîu nîyo maarûa yakwa ya kaîrî kûmwandîkîra. Maarûarî wa cioîrî, nîngeretie kûrurumûkia meciria menyu mevokeku na njîra ya kûmûririkania maûndû mama.

1Joh 2:7

Arata akwa rîathani rîrîa nîramwandîkîra tî rîcerû, nwatî nî rîrîa rîkûrû mûtûûraga narîo. Rîathani rîu rîkûrû nî ndûmîrîri îrîa mwegwire kuuma wa Kîammbîrîria.

Juda 1:3

Arata akwa ende, nie nînendete mûno kûmwandîkîra ûvoro wîgiî ûvonokio ûrîa tûnyitanagîra tuonthe. Nwatî nînonire kûrî kwagîrîru nîmwandîkîre, nîguo nîmwîkîre vinya mûthiî na mbere kûrûîrîra wîtîkio ûrîa Ngai aaveere andû ake rita rîmwe na rîa kwîgana.