Ahib 6:2 - ÎVUKU RÎA ÛVORO MWARO

² Tûtiagîrîrwe nî gûcokera ûvoro wîgiî magongoona ma ûvatithio na kwiganîrîra njara, kûriûka na îtuîro rîa tene na tene.

Ahib 6:2 ပူးပေါင်းရင်းမြစ်များ

Mûvunjia 12:14

Ngai nîagaatuîra wa mûndû kûringana na maûndû monthe marîa ekaga, wana maûndû monthe marîa mekagîrwa ndumarî, marî maro kana marî macûku.

Isaia 26:19

Andû aku arîa akuû nîmagaatûûra mwoyo, mîîrî yao nîkaariûka! Arîa mamamîte mûtheturî nîmagaaûkîra, na maine makenete. Nîûndû îme rîa Ngai-Mûnene nî îme rîa ûtheri, nao arîa marî kwa arîa akuû nîmakaariûka.

Danieli 12:2

Andû eengî arîa makethîrwa marî mbîrîrarî nî makaariûka, amwe magîe na mwoyo wa tene na tene, nao acio engî matûûre manyamarîkaga.

Mathaayo 28:19

Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Mathaayo 3:14

Nwatî Johana nîwageririe kûmûgiria akîmwîraga atîrî, “Ûraûka kûrî nie nîkî na nînie mbagîrîrwe nî gûka kûrî we nîguo ûmvatithie?”

Maariko 16:16

Na mûndû wa wonthe ûgeetîkagia na avatithue nîakaavonoka. Nwatî mûndû wa wonthe ûtageetîkagia, nîagaatuîrwa Mûthenya wa Îtuîro.

Maariko 7:4

Nao nîmaarûmagîrîra mîtugo îngî mîîngî ta ya kûthambia ikombe, nyûngû, na mbakûri cia gîcango.

Maariko 7:8

Mue mûtiganagîria maathani ma Ngai na mûkarûmîrîra kîrîra kîrîa kiumanîte na andû.”

Luka 11:38

Nake Mûfarisai ûcio nîwamakire mûno rîrîa oonire Jesû ambîrîria kûrîa irio atambîte kwîthambia njara.

Luka 12:50

Nie nîrî na ûvatithio ngeerie kûvatithua naguo. Nîrathînîka ngîyûria rîrîa ûndû ûyû ûkaavingua.

Luka 14:14

nawe nîûkaarathimwa nîûndû o matingîvota gûkûrîva. Nake Ngai nîagaakûrîva vîndî îrîa andû arîa maakwire marî athingu makariûka.”

Luka 3:16

Nwatî Johana nîwerire andû onthe atîrî, “Nie nîmûvatithagia na manjî, nwatî ûrîa mûnene kûngîra nîaûkîte. Na nie ndirî mwagîrîru wa kwovora ndigi cia iratû ciake. Ke akaamûvatithagia na Roho Mûtheru na mwaki.

Johana 1:33

Nie mwene ndiamwîcî, nwatî Ngai ûrîa wandûmire ngavatithanie na manjî, nîwambîrire atîrî, ‘We nîûkoona Roho akînyûrûrûka na agîkara îgûrû rîa mûndû; Ke nîke ûvatithanagia na Roho Mûtheru.’

Johana 5:29

na maume mbîrîrarî ciao. Andû arîa mekîte waro nîmakaariûkua na magîe na mwoyo wa tene na tene, nwatî arîa mekîte naaî nîmakaariûkua na matuîrwe.

Ciîko 10:47

“Kûrî mûndû ûngîgiria andû aya mavatithue na manjî na nîmarîkia kwamûkîra Roho Mûtheru wa tatue?”

Ciîko 13:3

Kwoguo rîrîa maarîkirie kwînyerekia na makûvoya, nîmaaigîrîre Baranaba na Saûlo njara, na makîmatûma.

Ciîko 16:15

Ke na andû onthe a mûciî wake nîmaavatithirue. Nîwacokire agîtûthaitha agîtwîra atîrî, “Ethîrwa mue nîmwatua atî nie na ma nîmbîtîkîtie Mwathani, ûkani vi mûgekare gwakwa mûciî.” Nake nîwageririe mûno gûtwîgwithia atî tûthiî tûgekaranie nake.

Ciîko 16:33

Na îthaa wa rîu rîa ûtukû ûcio mûrangîri ûcio wa njeera nîwocire Paûlo na Sailasi na akîmathambia ironda ciao. Na vîndî wa îo, ke na andû onthe a mûciî wake nîmaavatithirue.

Ciîko 17:18

Nao arimû amwe arîa meendete mûno ûûgî wa Epikurio na Sitoiki wa nao nîmaakararanirie nake. Amwe gatagatîrî kao nîmaaûririe atîrî, “Mûvûmbûtîki ûyû arageria kuga atîa?” Nao engî gatagatîrî kao nîmaaugire atîrî, “Ke aronekana takwa arî mûvunjia wa ngai ng'eni.” O maaugire ûguo nîûndû Paûlo nîwavunjagia ûvoro wîgiî Jesû na wîgiî kûriûka.

Ciîko 2:38

Nake Petero nîwamerire atîrî, “Mûndû wa wonthe gatagatîrî kenyu nwanginya erire mevia make na avatithue na rîîtwa rîa Jesû Kristû, nîguo overwe mevia make. Namue nîmûkwamûkîra Roho Mûtheru arî kîveo kuuma kûrî Ngai.

Ciîko 2:41

Kwoguo andû arîa metîkîîre ndûmîrîri îrîa Petero aamaveere, nîmaavatithirue. Mûthenya ûcio andû ngiri ta ithatû nîmoongererekire gîkundirî Kîam etîkia.

Ciîko 23:6

Nwatî vîndî îrîa Paûlo aamenyire atî andû amwe arîa maarî Kîammarî kîu maarî Asadukai na engî maarî Afarisai nîwaugîrîrie atîrî, “Arîu na aarî a îthe wetû, nie nîrî Mûfarisai na aciari akwa maarî Afarisai. Nîrî ava ngîcirithua nîûndû wa mwîrîgîrîro ûrîa nîrî naguo atî akuû nîmakaariûka!”

Ciîko 24:15

Nie nîrî na mwîrîgîrîro kûrî Ngai wata ûrîa andû aya o ene marî naguo, atî andû onthe arîa aro na acûku, nîmakaariûka.

Ciîko 24:21

Nwatî nîkûrî na ûndû ûmwe nekire. Vîndî îrîa naarûngamîte mbere yao nînaugîrîrie atîrî: ‘Nie nîracirithua ûmûnthî nîmue nîûndû nîmbîtîkîtie atî akuû nîmakaariûka.’ ”

Ciîko 24:25

Nwatî vîndî îrîa Paûlo aathiîcaga na mbere kwaria ûvoro wîgiî ûthingu, ûvoti wa kwatha merirîria ma mwîrî na mavinda marîa Mûthenya wa îtuîro ûgaakinya, Feliki nîwanyitirwe nî guoya na akiuga atîrî, “We nwa ûthiî rîu. Nagîa na kanya nîngaagwîta rîngî.”

Ciîko 26:8

Mue muonthe mûrî ava mûrona arî vinya gwîtîkia nîkî atî Ngai nî ariûkagia arîa akuû?

Ciîko 4:2

Nao nîmaarakarire mûno nîûndû arutwa acio aîrî nîmaathomithagia andû makameera atî Jesû nîwariûkîte, ûvoro ûrîa wonanagia atî arîa makuîte nîmakaariûka.

Ciîko 6:6

Nao etîkia nîmaanenganîre andû aya kûrî atûmwa, nao atûmwa makîmavoera na makîmaigîrîra njara.

Aroma 2:16

Kwoguo, kûringana na ûvoro mwaro ûrîa mvunjagia ûguo nîguo gûkethîrwa gwîkariî mûthenya ûrîa Ngai na njîra ya Jesû Kristû agaatua ciira wa maûndû ma nthitho marîa marî ngororî cia andû.

1Akor 10:2

Onthe nîmaavatithirue marî îtuurî na îriarî na magîtuîka arûmîrîri a Musa.

1Akor 12:13

Amwe gatagatîrî getû nî Ayahudi, na amwe nî andû a Ndûrîrî, na engî nî ngombo, na amwe nî andû marî na wîyathi. Nwatî tuonthe twavatithirue na njîra ya Roho ûmwe tûgîtuîka mwîrî ûmwe, na tûkînyua Roho wa ûcio ûmwe.

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.

Afil 3:21

Ke nîakaagarûra mîîrî îno yetû îkuucaga na îtarî vinya îtuîke ta mwîrî wake ûrîa ûrî na riiri. Ageeka ûguo na vinya wake ûrîa ûtûmaga athe indo cionthe.

Akol 2:12

Nîûndû rîrîa mwavatithirue, nîmwathikirwe vamwe na Kristû, na vîndî wa îo mûkîriûkua vamwe nake nîûndû wa gwîtîkia vinya wa Ngai ûrîa ûrutaga wîra na wariûkirie Kristû.

2Tim 2:18

Andû aya nîaumu ûvororî wa ma, nîûndû mavunjagia atî ûvoro wa kûriûka nîwavîtûkire, kwoguo magacûkia wîtîkio wa andû amwe.

Ahib 11:35

Nîûndû wa wîtîkio aka nîmaamûkîre andû ao arîa maakuîte magîcoka kûriûkua. Engî nao nîmaaûragirwe na njîra ya kûnyarirwa nîûndû nîmaaregire marekererue. Nwatî meekire ûguo nîguo makariûkua magîe na ûtûûro mwaro.

Ahib 9:10

Nîûndû iveo na mambura mau monanagia ûvoro wa kûrîa, kûnyua, na mambura mwanya mwanya ma kwîtheria. Mawatho mau monthe megiî ûvoro wa mwîrî, na mathiraga vinya rîrîa Ngai akathondeka ûndû mûcerû.

2Pet 3:7

Nwatî îgûrû na nthî irîa irî kuo rîu cigîtwe na njîra ya rîathani wa rîu rîa Ngai nîguo ikaathirua na mwaki. Nacio cigîtwe nîûndû wa mûthenya ûrîa andû arîa matarî na ûngai magaatuîrwa na mathirue.