Ahib 6:19 - ÎVUKU RÎA ÛVORO MWARO

¹⁹ Ûndû ûcio twîthagîrwa twîrîgîrîrîte nîûtûmaga twîkarage tûkîgucaga tûrî agitîre. Kîîrîgîrîro kîu nî Kîam ma na kîrî vinya na nîgîtonyagîra gîtambaarî Kîam hekarû ya îgûrû gîgakinya ndaarî varîa vatheru.

Ahib 6:19 ပူးပေါင်းရင်းမြစ်များ

Thaburi 39:7

Rîu Mwathani, mwîvoko wakwa ûrî kû? Mwîvoko wakwa ûrî kûrî we.

Thaburi 42:11

Nîndûî gîtûmîte ngîe na kîeva ûguo? Nîrathînîka ûguo nîkî? Nîmbiga mwîvoko wakwa kûrî Ngai, na nîmûkumie rîngî, mûvonokia wakwa na Ngai wakwa.

Thaburi 42:5

Nîndûî gîtûmîte ngîe na kîeva ûguo ngororî? Nîrathînîka ûguo nîkî? Nîmbiga mwîvoko wakwa kûrî Ngai, na nîngaamûkumia rîngî, ke nîke mûvonokia wakwa na Ngai wakwa.

Thaburi 43:5

Nîndûî gîtûmîte ngîe na kîeva ûguo? Nîrathînîka ûguo nîkî? Nîmbiga mwîvoko wakwa kûrî Ngai, na rîngî nîngaamûkumia, mûvonokia wakwa na Ngai wakwa.

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Alawi 16:15

“Vuva wa ûguo, nîakaaûraga mbûri ya îtega rîa kûtheria mevia ma andû, avire nthakame yayo vandû varîa vatheru Mûno na amîminjaminje îgûrû rîa gîkunîko wana vau mbere ya îthandûkû rîa kîrîkanîro, wata ûrîa eekire na nthakame ya ndegwa.

Alawi 16:2

Nîwamwîrire atîrî, “Îra mûrwanyûkwe Aroni ndagaûkage vandû varîa vatheru Mûno vuva wa gîtambaa wa rîrîa akwenda, nwatî aûkage vîndî îrîa mbagîrîru, nîûndû vau nîvo mbîthagîrwa nîrî îgûrû rîa gîkunîko Kîam îthandûkû rîa kîrîkanîro. Arega kûmbathîkîra nîagaakua.

Zakaria 9:12

Mue andû arîa ove na mûrî na kîîrîgîrîro, cokani kwenyu kûrîa kûgitîre. Nîûndû wa mathîna marîa mwanona, nîngaamûrathima maita meengî.

Mathaayo 27:51

Nakîo gîtambaa gîa hekarû nîgîatûkanire maita maîrî, kuuma îgûrû nginya nthî. Nayo nthî nîyainainire namo mathiga magîatûkanga.

Ciîko 23:6

Nwatî vîndî îrîa Paûlo aamenyire atî andû amwe arîa maarî Kîammarî kîu maarî Asadukai na engî maarî Afarisai nîwaugîrîrie atîrî, “Arîu na aarî a îthe wetû, nie nîrî Mûfarisai na aciari akwa maarî Afarisai. Nîrî ava ngîcirithua nîûndû wa mwîrîgîrîro ûrîa nîrî naguo atî akuû nîmakaariûka!”

Ciîko 27:29

Nao amenyereri acio a meri nîmeetigagîra atî meri îrîa twarî yavota kûvirwa mathigarî nî rûkûngi. Kwoguo nîmaanyûrûrûkirie cuuma inya ndito kuuma merirî vuva irîa inyûrûrûkagua îriarî nthî ciovereretwe merirî nîguo imînyitîrîre. Nao nîmaavoire gûkîe.

Ciîko 27:40

Kwoguo nîmaarengire mîkanda îrîa yanyitîrîrîte cuuma ndito irîa inyitagîrîra meri îriarî na makîirekereria ikîvorokera kûu îriarî. Na vîndî wa îo nîmoovorire mîkanda îrîa yovete itugî irîa ciambîte cuka cia kûruguta meri. Nao nîmaacokire magîcuria cuka cia mwena wa mbere nîguo ivurutwe nî rûkûngi na meri îthiî mbere. Nîtwathiîre rûtere rwa îria.

Aroma 4:16

Kwoguo kîîranîro gîûkaga na njîra ya gwîtîkia, nîguo gîtuîke kîveo nîûndû wa wega wa Ngai. Kûrî njiarwa cionthe cia Iburahimu kîîranîro gîkî twa Kîam arîa mathîkagîra Watho tu, nwatî nî Kîam wana arîa onthe metîkîtie ta Iburahimu nîûndû nîke îthe wa kîîroho wetû tuonthe.

Aroma 4:18

Iburahimu nîwetîkîtie na akerîgîrîra wana rîrîa ataarî na gîtûmi gîa kwîrîgîrîra. Kwoguo nîwatuîkire, “Îthe wa ndûrîrî nyîngî.” Wata ûrîa Mandîko Matheru maugîte atîrî, “Njiarwa ciaku nîikengîva ta njata cia îgûrû.”

Aroma 5:4

nakuo kûmîrîria kûretaga gwîkindîria, nakuo gwîkindîria kûretaga kîîrîgîrîro.

1Akor 13:13

Kwoguo maûndû mama mathatû nîmagaatûûra na nîmo: wîtîkio, mwîrîgîrîro na wendani. Nwatî ûndû ûrîa mûnene viû gatagatîrî ka mau mathatû nî wendani.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

Aefeso 2:6

Ke nîwatûriûkirie tûrî kîndû kîmwe na Jesû Kristû nîguo twathane vamwe nake kûu îgûrû.

Akol 1:27

Ngai nîwavangire kûmenyithia andû ake magegania ma nthitho yake kûrî andû a Ndûrîrî. Na nthitho îo nî atî Kristû atûûraga ndaarî yenyu, na ûguo nî kuga nîmûkaagîa na riiri wata ûrîa Ngai arî na riiri.

Akol 3:1

Mue nîmwariûkirue vamwe na Kristû kwoguo îriragîrieni kîrîa kîrî îgûrû, kûrîa Kristû ekarîte mwena wa ûrîo wa Ngai.

2Tim 2:19

Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

Ahib 4:16

Kwoguo nîtûthiîni tûmîrîrîtie tûkinye vakuvî na gîtî Kîam Ngai Kîam ûthamaki, na nîvo varî na wega wake. Vau nîvo tûkeeguîrûa ntha na tûnyite wega wa Ngai wa gûtûtethagia rîrîa rîonthe tûvatarîte.

Ahib 9:3

Vuva wa gîtambaa gîa kaîrî kûu îgemarî ndaarî kwarî na îgema rîrîa rîetagwa “Vandû varîa vatheru Mûno.”

Ahib 9:7

Nwatî Mûthînjîri-Ngai ûrîa mûnene nîke tu ûthiîcaga îgemarî rîa ndaarî, na ekaga ûguo riita rîmwe wa mwaka. Ke ocaga nthakame akathiî nayo îgemarî na akamîrutîra Ngai nî ûndû wake ke mwene na nîûndû wa mevia marîa andû mekîte matakûmenya.

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,