Ahib 6:11 - ÎVUKU RÎA ÛVORO MWARO

¹¹ Tûngîenda mûndû wa wonthe gatagatîrî kenyu athiî na mbere na kûgîa na kîîo nginya mûthiia, nîguo mûnyite na ma maûndû marîa mwîriragîria.

Ahib 6:11 ပူးပေါင်းရင်းမြစ်များ

Isaia 32:17

Naguo ûndû ûrîa ûkaaumana na ûthingu nî thayû, naguo ûthingu nîûgaatûma kûgîe ûvooreri na wîvokeku tene na tene.

Mathaayo 24:13

Nwatî mûndû wa wonthe ûkaaûmîrîria nginya mûthiia nîakaavonokua.

Luka 1:1

Kûrî mûgathe Theofilo: Andû eengî nîmarîkîtie kwandîka ûvoro wîgiî maûndû marîa mekîkîte gatagatîrî getû.

Aroma 12:8

Ûrîa ûrî na kîveo gîa kûûmanîrîria, nwanginya aûmanagîrîrie. Ûrîa ûrî na kîveo gîa kûvecana indo ciake, nî avecanage na ûtaana. Mûndû ûrîa ûrî na kîveo gîa ûtongoria nî atongoragie na kîîo. Mûndû ûrîa ûrî na kîveo gîa kwîgucanîra ntha nîegucanagîre ntha akenete.

Aroma 15:13

Nake Ngai, ûrîa arî ke kaumo ka mwîvoko wetû, aromwîcûria gîkeno na thayû nîûndû wa ûrîa mûmwîtîkie nîguo na njîra ya vinya wa Roho Mûtheru, wîtîkio wenyu ûthiî na mbere gûkûra.

1Akor 13:13

Kwoguo maûndû mama mathatû nîmagaatûûra na nîmo: wîtîkio, mwîrîgîrîro na wendani. Nwatî ûndû ûrîa mûnene viû gatagatîrî ka mau mathatû nî wendani.

1Akor 15:58

Kwoguo, ariû na aarî a îthe wetû mue mendete mûno, îkaragani mûmîrîrîtie na mûtakwenyenya. Vîndî cionthe rutagani wîra wa Mwathani na vinya nîûndû nîmwicî atî wîra wa Mwathani tî wa mana.

Agal 5:5

Tue twîthagîrwa tûrî na mwîvoko atî Ngai nîagaatûtua athingu. Ûndû ûcio nîguo twîthagîrwa twetererete tûrî na wîtîkio na tûvotithîtue nî Roho wa Ngai.

Agal 6:9

Kwoguo tûtikanoge nî gwîka waro, nîûndû îvinda rîrîa rîagîrîru rîakinya nîtûgaaketha twarega kûrwa nî vinya.

Afil 3:15

Tuonthe arîa agima kîîroho twagîrîrwe nî kwîthîrwa tûrî na meciria ta mau. Nwatî kûngîthîrwa gatagatîrî kenyu kûrî na andû marî na meciria ngûrani, Ngai akamûguûrîria ûndû ûcio wanaguo.

Akol 1:23

Kwoguo nwanginya mûthiî na mbere gwîkara mwîkindîrîtie wîtîkiorî wenyu na mûrî na vinya. Mwîrîgîrîro ûrîa mwagîre naguo rîrîa mwegwire ûvoro mwaro, mûtikanetîkîre wenyenyue. Nie Paûlo nîrî ndungata ya ûvoro mwaro ûrîa wîthîrîtwe ûkîvunjîrua andû a nthî yonthe.

Akol 1:5

Rîrîa ndûmîrîri îrîa ya ma, nîyo ûvoro mwaro yamûkinyîre rita rîa mbere, nîmwegwire ûvoro wîgiî mwîrîgîrîro ûrîa îvecanaga. Kwoguo kîrîa mwîrîgagîrîra nîkîo gîtûmaga mwîtîkie Jesû Kristû na mûgîe na wendani. Nakîo kîrîa mûrî na mwîrîgîrîro wakîo mûrî aigîre kîo waro îgûrû.

Akol 2:2

Mbîkaga ûguo nîguo andû acio magîe na ûmîrîru na magwatanue vamwe nî wendani na magîe na ûtonga wa gûtaûkîrwa nî ûmenyo wa nthitho ya Ngai viû, îrîa arî yo Kristû ke mwene.

1Ath 1:5

Nîûndû rîrîa twamûretere Ûvoro Mwaro tûtiamûretera na ciugo ntheri, nwatî twamûretere ûrî na vinya na ûrî na Roho Mûtheru na tûkîmenyaga waro atî nî wa ma. Mue nîmwîcî ûrîa twatûûraga rîrîa twarî namue. Twatûûraga ûguo nîûndû wenyu.

1Ath 4:10

Na nîmwîthîrîtwe mwendete ariû na aarî a îthe wetû onthe arîa marî Makedonia kuonthe. Kwoguo twamûthaitha mûthiî na mbere na kûmenda makîria.

2Ath 3:13

Nwatî mue Ariû na aarî a îthe wetû, mûtîkanoge nî gwîka waro.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

Ahib 3:14

Tuonthe tûrî a ngwatanîro îmwe na Kristû ethîrwe nîtûgûtûûra tûnyitîtie mwîvoko ûrîa twarî naguo kuuma wa Kîammbîrîria.

Ahib 3:6

Nwatî Kristû nîmwîvokeku ta Mûriû ûrîa wathanaga nyombarî ya Ngai. Tue tûrî nyomba ya Ngai ethîrwa nîtûkûthiî na mbere kûmîrîria tûrî na mwîvoko wa kîrîa twîrîgîrîrîte.

Josh 7:3

nîmacokerie Joshua ûvoro na makîmwîra atîrî: “Gûtirî na vata wa athigari onthe a mbaara mathiî makarûe na andû a Ai. Tûma athigari ngiri igîrî kana ithatû nîûndû tî îtûûra înene.”

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.

2Pet 1:10

Kwoguo ariû na aarî a îthe wetû, geragiani na kîîo mûno kwona atî na ma nîmwîtîtwe na mûkathuurwa nî Ngai. Ethîrwa nîmûgwîka ûguo, mûtigatiganîria wîtîkio wenyu.

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.

1Joh 3:14

Nîtwîcî atî nîtûthengutîrîtue gîkuû na tûgakinya mwoyorî nîûndû nîtwendete ariû na aarî a îthe wetû. Mûndû ûrîa ûtendanaga atûûraga gîkuûrî.

1Joh 3:19

Ûndû ûyû nîguo ûgaatûmenyithagia atî tûrî a ma, na atî twîthagîrwa tûtarî na nganja ngororî cietû tûrî mbere ya Ngai.

Kûguû 2:26

Arîa makûvootana, arîa makûthiî na mbere gwîka wendi wakwa nginya mûthiia nîngaamava wathani wa kwatha ndûrîrî.