Ahib 5:7 - ÎVUKU RÎA ÛVORO MWARO

⁷ Rîrîa Jesû aatûûraga gûkû nthî, nîwavoyaga na akathaitha Ngai na mûgambo mûnene akîrîraga. Aavoyaga Ngai nîûndû nîke ûngîavotire kûmûvonokia kuuma kûrî gîkuû. Ngai nîwamûthikîrîrie nîûndû wa kwînyivia na kwîrutîra gwake.

Ahib 5:7 ပူးပေါင်းရင်းမြစ်များ

Thaburi 22:24

Nîûndû ndatiganagîria athîni kana ariganîrwe nî mînyamaaro yao, ndangîriganîrwa nî o, nwatî nîamatethagia rîrîa mamûvoya amatethie.

Thaburi 69:1

Mvonokia, we Ngai! Nîûndû manjî manginyîte ngingo;

Thaburi 88:1

We Ngai-Mûnene, Ngai wakwa, ngûkayagîra ûtukû na mûthenya.

Isaia 49:8

Ngai-Mûnene arauga atîrî, “Vîndî îrîa mbagîrîru, nînagûcokerie îvoya rîaku, mûthenya wa kûvonokania nînagûtethirie; nîngwigîte na ngarûtha kîrîkanîro na andû a mavûrûri monthe na njîra yaku. Nîngaatûma ûtûûre rîngî vûrûrirî ûrîa watiganîrue ûtarî kîndû, ûtuîke îgai rîenyu.

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Alawi 2:2

na aûvire kûrî athînjîri-Ngai a nyomba ya Aroni. Mûthînjîri-Ngai nîagaakumbata mûtu ûcio ûrî na maguta na ûbani ngundi îmwe, na aûvîvîrie îgûrû rîa metha ya kîgongoona kîrî kîririkania atî matega mau ma kûvîvua marutîrîtwe Ngai-Mûnene. Mûtararûko wa matega mau nîûkenagia Ngai-Mûnene.

Mathaayo 27:46

Na ciakinya thaa kenda, Jesû nîwaugîrîrie atîrî, “Eloi, Eloi, lama savakithani?” Na ûguo nî ta kuga atîrî, “Ngai wakwa, Ngai wakwa wandiganîria nîkî?”

Mathaayo 27:50

Nake Jesû nîwanîrîre rîngî na mûgambo mûnene na akînatuîkana.

Maariko 15:34

Na ciakinya thaa kenda Jesû nîwaugîrîrie atîrî, “Eloi, Eloi, lama, savakithani?” Na ûguo nî ta kuga, “Ngai wakwa, Ngai wakwa, wandiganîria nîkî?”

Maariko 15:37

Nake Jesû nîwanîrîre na mûgambo mûnene akînakua.

Luka 23:46

Jesû nîwaugîrîrie na mûgambo mûnene atîrî, “Vava, nînakûnengera mwoyo wakwa.” Na arîkia kuga ûguo agîtuîkana.

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 11:35

Jesû nîwarîrire.

Johana 11:42

Nie nîmbîcî nîûnthikagîrîria vingo cionthe, nwatî nîrauga ûguo nîguo andû aya marî ava mamenye atî we nîwe wandûmire.”

Johana 17:1

Jesû arîkia kwaria maûndû mama, nîwaroririe îgûrû na akîvoya atîrî, “Vava îvinda nîrîkinyu. Goocithia Mûrûguo, nîguo nake Mûrûguo akûgoocithie.

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

Agal 4:4

Nwatî rîrîa kavinda karîa kagîrîru gaakinyire, Ngai nîwatûmire Mûriû wake. Aaûkire na njîra ya gûciarwa nî mûndûmûka na agîtûûra arî rungu rwa watho wa Ayahudi,

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Ahib 10:10

Nîûndû Jesû Kristû nîwekire ûrîa Ngai eendete, tue tûrî atherie kuuma meviarî. Tûtheretue nî îgongoona rîa mwîrî wa Jesû Kristû ûrîa aarutire rita rîmwe rîa kwîgana.

Ahib 10:5

Nîûndû wa ûguo rîrîa Kristû aarî vakuvî gûka gûkû nthî, nîwerire Ngai atîrî, “We ndwendaga magongoona na matega, nwatî we nîûvarîrîtie mwîrî nîûndû wakwa.

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.

Ahib 12:28

Kwoguo nîtwagîrîrwe nî gûcokia ngatho, nîûndû nîtwamûkagîra ûthamaki ûrîa ûtanginainua. Nîtûcokie ngatho na tûgooce Ngai na njîra îrîa îngîmûkenia tûrî na gîtîîo na kûmwîtigîra,

Ahib 13:20

Ngai nîariûkîtie Mwathani wetû Jesû Kristû ûrîa arî ke Mûrîthi Mûnene wa ng'ondu. Na njîra ya gîkuû gîake nîwarûthire kîrîkanîro gîa gûtûûra tene na tene.

Ahib 2:14

Nîûndû ciana ino nî andû marî na mwîrî na nthakame, Jesû ke mwene nîwatuîkire mûndû wata o. Aatuîkire mûndû nîguo na njîra ya gîkuû gîake, athirie vinya wonthe wa Ngoma îrîa îthagîrwa îrî na ûvoti îgûrû rîa gîkuû.

1Joh 4:3

Nwatî mûndû wa wonthe ûtaumbûraga Jesû ndarî na Roho ûrîa uumaga kûrî Ngai. Roho ûrîa arî naguo nî ûrîa uumaga kûrî nthû ya Kristû. Nîmwegwire atî nthû îo nîgûka, na rîu nî îrîkîtie gûkinya gûkû nthî.

2Joh 1:7

Aveenania eengî mûno nîmathiîte nthî yonthe. Aya nî andû arîa mataumbûraga atî Jesû Kristû aûkire arî na mwîrî ta mûndû. Mûndû ta ûcio nî wa maveeni na nî nthû ya Kristû.