Ahib 5:3 - ÎVUKU RÎA ÛVORO MWARO

³ Nîûndû ke mwene ethagîrwa atarî na vinya, nwanginya arute îgongoona nîûndû wa mevia make, wata ûrîa arutaga îgongoona nîûndû wa mevia ma andû.

Ahib 5:3 ပူးပေါင်းရင်းမြစ်များ

Alawi 16:15

“Vuva wa ûguo, nîakaaûraga mbûri ya îtega rîa kûtheria mevia ma andû, avire nthakame yayo vandû varîa vatheru Mûno na amîminjaminje îgûrû rîa gîkunîko wana vau mbere ya îthandûkû rîa kîrîkanîro, wata ûrîa eekire na nthakame ya ndegwa.

Alawi 16:6

Nake Aroni nîakaaruta ndegwa îrî îtega rîa kûtheria mevia make ke mwene na ma andû a mûciî wake.

Alawi 9:7

Nîwacokire akîra Aroni atîrî, “Thiî metharî ya kîgongoona na ûrute îtega rîa kûvîvua na rîa kûtheria mevia maku na ma andû a nyomba yaku. Ûcoke ûrute îtega rîa kûtheria mevia ma andû onthe wata ûrîa Ngai-Mûnene athanîte.”

1Akor 15:3

Ûvoro wa mbere na wa vata mûno ûrîa namûkinyîrie na ûrîa wa nanie naamûkîre nî atî: Kristû nîwakwire nîûndû wa mevia metû, wata ûrîa kwandîkîtwe Mandîkorî Matheru.

Ahib 10:12

Nwatî Kristû nîwarutire îgongoona rîmwe rîa mevia rîrîa rîgûtûûra rîrutaga wîra tene na tene. Nîwacokire agîkara nthî mwenarî wa ûrîo wa Ngai.

Ahib 7:27

Ndekariî ta Athînjîri-Ngai arîa anene. Ke ndavatiî kûrutaga îgongoona wa mûthenya mbere nîûndû wa mevia make, na acoke arute îgongoona nîûndû wa mevia ma andû. Nîwarutire îgongoona riita rîmwe rîa kwîgana. Eekire ûguo rîrîa eerutire ke mwene.

Ahib 9:7

Nwatî Mûthînjîri-Ngai ûrîa mûnene nîke tu ûthiîcaga îgemarî rîa ndaarî, na ekaga ûguo riita rîmwe wa mwaka. Ke ocaga nthakame akathiî nayo îgemarî na akamîrutîra Ngai nî ûndû wake ke mwene na nîûndû wa mevia marîa andû mekîte matakûmenya.