Ahib 5:12 - ÎVUKU RÎA ÛVORO MWARO

¹² Mwîthîrîtwe mûrî na kavinda keganu ga gûtuîka arimû, nwatî nginya rîu nîmûvatarîte mûndû wa kûmûthomithia maûndû marîa mwathomithirue mbere megiî ndûmîrîri ya Ngai. Vandû va mwîthîrwe mûkîrîa irio ino nyûmû, mue nwa mûnyuire îriia.

Ahib 5:12 ပူးပေါင်းရင်းမြစ်များ

2Sam 16:23

Kavindarî kau mataaro monthe marîa Ahithofeli aavecanaga maamûkagîrûa ta ciugo ciumîte kûrî Ngai ke mwene. Ûguo nwaguo Daudi na Abusalomu maamûkagîra mataaro kuuma kûrî Ahithofeli.

Ezira 7:10

Ezira nîwevecanîte ûtûûrorî wake kûthoma watho wa Ngai-Mûnene, na gwîka ûrîa watho ûcio ugîte, na kûthomithia andû a Isiraeli mawatho, kîrîra kîgiî watho ûcio, na maûndû megiî mûtûûrîre.

Thaburi 34:11

Ûkani kûrî nie mue anake mûnthikîrîrie, nîngûmûthomithia kûgooca Ngai-Mûnene.

Isaia 28:13

Kwoguo Ngai-Mûnene nîakaamathomithia watho, kiugo gwa kiugo, ava ûndû mûnini, vaarîa ûndû mûnini; nîguo makîthiî mavîngagwe makagwa na vuva, na nîmakaaunîkanga, mategwe na manyitwe.

Isaia 55:1

Ngai-Mûnene arauga atîrî, “Mue muonthe arîa anyondu ûkani mûnyue manjî! Ûkani, wanamue mûtarî na mbeca, gûrani irio mûrîe! Ûkani! Gûrani ndivei na îriia, mûtarî na mbeca na mûtarî kîndû!

Mathaayo 17:17

Nake Jesû nîwacokirie atîrî, “Na kaî mue andû a rûciaro rûrû mûtiîtîkîtie na mûrî acûku-î! Nîmbîkarania namue nginya rî? Nî mûkirîrîria nginya rî? Ndetereni kamwana kau ava!”

Maariko 9:19

Nake Jesû nîwamerire atîrî, “Na kaî mue andû a rûciaro rûrû mûtiîtîkîtie-î! Nîmbîkarania namue nginya rî? Nînîmûkirîrîria nginya-rî? Ndetereni kamwana kau!”

Ciîko 7:38

Musa ûcio nwake warî vamwe na andû a Isiraeli vîndî îrîa maagomanîte werûrî. Ke aarî kûu werûrî vamwe na methe metû ma tene na mûraika ûrîa wamwarîrie arî îgûrû Kîrîmarî gîa Sinai. Nake nîwamûkîre ndûmîrîri îrî mwoyo ya Ngai na agîtûkinyîria yo.

Aroma 3:2

Kûrî vata mûno! Ûndû wa mbere, Ayahudi nîo mevokeretwe ndûmîrîri nî Ngai.

1Akor 14:19

Nwatî mîcemaniorî ya kanitha nî kava mbarie ciugo ta ithano tu irîa andû mangîvota gûtaûkîrwa nîcio nîguo nthomithie andû arîa engî, gûkîra kwaria ciugo ngiri îkûmi na nthiomi.

1Akor 14:20

Ariû na aarî a îthe wetû, tigani gwîciiragia ta ciana. Maûndûrî marîa macûku tuîkani ta twana twa tûkenge, nwatî meciriarî menyu tuîkani ta andû agima.

Agal 4:3

Na njîra wata îno, wana tue twarî ngombo cia maroho marîa mathanaga nthî mbere ya tûtuîka andû agima kîîroho.

Afil 3:1

Ngîrîkîrîria, ariû na aarî a îthe wetû kenagani mûrî ûrûmwe na Mwathani. Tî mûrigo kûrî nie kûmwandîkîra maûndû wa marîa nanamwandîkîra rîngî, nîûndû ûndû ûcio nîwakûmûgitîra.

Akol 3:16

Tigani ûtonga wa ndûmîrîri ya Kristû wîkarage ngororî cienyu. Tûmagîrani ûûgî wonthe wenyu rîrîa mûkûthomithania na mûgûtaarana mue ene. Inagani thaburi, nyîmbo, nyîmbo cia kîîroho mûrî na ngatho ngororî cienyu.

Ahib 10:32

Taririkanani ûrîa mwekariî na vau mbere. Mîthenyarî îo, mwarîkia kûthererwa nî ûtheri wa Ngai nîmwathînirue na maûndû meengî mûno, nwatî nîmwaûmîrîrie mathîna mau.

Ahib 5:11

Tûrî na maûndû meengî mûno tûngîaria îgûrû rîgiî maûndû marîa narîkia kûmwîra, nwatî nî vinya kûmûtaarîria mo nîûndû mûtitaûkagîrwa na îvenya.

Ahib 5:13

Mûndû wa wonthe ûtûûragua nî îriia nî kaana na ndangîtaûkîrwa nî maûndû maro kana macûku.

Ahib 6:1

Kwoguo nîtûtiganîrie maûndû marîa twathomithirue mbere megiî Kristû, na tûthiî na mbere na kîthomo kîrîa kîrî na ûgima. Tûtiagîrîrwe nî gûcokera rîngî ûvoro wîgiî kiumo Kîam maûndû marîa twathomire mbere ta gwîtîkia Ngai na kûgarûrûka kuuma kûrî ciîko irîa iretage gîkuû.

1Pet 2:2

Tuîkagani ta tûkenge. Vîndî cionthe nyondagîrani îriia rîrîa rîtheru rîa Kîîroho nîguo mwarînyua mûkûre na mûvonokue.

1Pet 4:11

Mûndû ûrîa ûvunjagia nwanginya avunjagie ndûmîrîri ya Ngai, na ûrîa ûtungataga nwanginya atungatage na vinya îrîa aveetwe nî Ngai, nîguo Ngai akumague na njîra ya Jesû Kristû maûndûrî monthe marîa mûgeekaga nîûndû riiri wonthe na vinya nî ciake tene na tene. Ameni.