Ahib 4:9 - ÎVUKU RÎA ÛVORO MWARO

⁹ Na njîra wata îno, nîgûtigarîtie mûthenya wa kûvurûka wa andû a Ngai, wata ûrîa Ngai aavurûkire mûthenya wa mûgwanja.

Ahib 4:9 ပူးပေါင်းရင်းမြစ်များ

Thaburi 47:9

Atongoria a mavûrûri nîmagomanîte, magomanîte vamwe na andû a Ngai wa Iburahimu, nîûndû arî vinya gûkîra athigari onthe a mbaara; nîatîîtwe gûkîra athani onthe.

Ntha 16:30

Kwoguo andû nîmaavurûkire mûthenya wa mûgwanja.

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Isaia 57:2

Arîa mathiîcaga na mîthiîre mîrûngîrîru maakua nîmakethîrwa na thayû.

Mathaayo 1:21

Mariamu nîagaaciara mwana wa kavîcî, nawe nî ûkaamûtuîra rîîtwa ûmwîte Jesû, nîûndû nîakaavonokia andû ake kuuma meviarî mao.”

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Ahib 11:25

Aatuire nî kava gwîkwa maûndû macûku marî vamwe na andû a Ngai gûkîra gûkenera mevia kavinda kanini.

Ahib 3:11

Nînaarakarire na ngîranîra na mwîvîtwa atîrî: ‘Gûtirî vîndî magaatonya varîa nîngîamavere mavurûke.’ ” Ûguo nîguo Mwathani augîte.

Ahib 4:1

Na rîu, nîûndû Ngai nîatûvete kîîranîro gîa gûgaatonya kîvurûkorî gîake, nîtwîmenyagîrîreni nîguo gûtikethîrwe kûrî mûndû wana ûmwe gatagatîrî kenyu ûkaaremwa nî gûtonya.

Ahib 4:10

Mûndû wa wonthe ûvotete gûtonya kîvurûkorî kîrîa Ngai eeranîre, nîakaavurûka kuuma wîrarî wake wata ûrîa Ngai aavurûkire kuuma kûrî wîra wake.

Ahib 4:3

Kwoguo, tue arîa twîtîkîtie nîtûtonyaga kîvurûkorî kîu wata ûrîa Ngai aaugire atîrî, “Nînaarakarire na ngîranîra na mwîvîtwa atî, ‘Matigaatonya varîa ngamava kîvurûko!’ ” Ngai nîwaririe ûguo wana ethîrwa nîwathirîtie wîra wake kuuma rîrîa aaûmbire nthî.

Ahib 4:8

Kethîrwa Joshua nîwavere andû kîvurûko kîrîa meerîrîtwe, Ngai ndangîacokire kwaria vuvarî ûvoro wîgiî mûthenya wîngî.

1Pet 2:10

Vîndî îmwe mûtiarî andû a Ngai, nwatî rîu mûrî andû ake. Vîndî îmwe mûtiarî akinyîre nî ntha cia Ngai, nwatî rîu mûrî akinyîre nîcio.

Kûguû 14:13

Ngîcoka ngîgua mûgambo kuuma îgûrû ûkiuga, “Andîka atîrî: Kûrathimwa nî arîa kuuma rîu magaakucaga marî wîrarî wa Mwathani!” Nake Roho mûtheru arauga atîrî, “Na ma o nîarathime, nîguo manogoke kuuma kûrî mawîra marito, nîûndû ciîko ciao nîimaumaga vuva.”

Kûguû 21:4

Ke nîakaamagiria methori monthe kuuma methorî mao. Gûtikethîrwa gîkuû, kîeva, kîrîro, kana ûrûrû rîngî. Maûndû marîa ma tene makethîrwa marî mathiru.”