Ahib 4:13 - ÎVUKU RÎA ÛVORO MWARO

¹³ Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

Ahib 4:13 ပူးပေါင်းရင်းမြစ်များ

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

2Maû 6:30

ûkegua mavoya mao ûrî kûu îgûrû. Ûcoke ûmovere nîûndû we, nîwe wicî ngoro cia andû. Ûgeeka kûringana na ûrîa wa mûndû agîrîrwe

Ayubu 26:6

Kwa arîa akuû kwîthîrîtwe kûrî njaga mbere ya Ngai, îrima rîrîa rîtarî mûthiia rîtirî na kîndû gîa kûrîkunîkîra.

Ayubu 34:21

“Metho make maroragia mîthiîre ya andû, na nîonaga mîthiîre yao yonthe.

Ayubu 38:17

Wanonua mûromo wa gîkuû, kana wona mîromo ya kwa arîa akuû?

Thaburi 139:4

Wana mbere ya mbuga ûndû, we Ngai-Mûnene wîthagîrwa wîcî ûrîa nguga.

Thaburi 44:21

we Ngai, ûngîrî mûmenyu ûvoro ûcio, nîûndû we nîwicî nthitho ya ngoro cietû.

Thaburi 7:9

We wî Ngai mûthingu, na ûtucagîra ngoro cietû na meciria metû, thiria waganu wa eki naaî, na ûrathime andû arîa athingu.

Thaburi 90:8

We wigîte mavîtia metû mbere yaku, mevia metû marîa marî nthithorî nîûmonaga.

Nthi 15:11

Ethîrwa Ngai-Mûnene nîonaga ûrîa kwa arîa akuû gwîkariî, na ma nîonaga ûrîa ngoro cia andû ciîkariî.

Nthi 15:3

Ngai-Mûnene onaga kûndû kuonthe; nîonaga rîrîa andû mareka maûndû macûku na rîrîa mareka maûndû maro.

Nthi 5:21

Ngai-Mûnene ethagîrwa aroretie mîthiîre ya mûndû, na nîonaga njîra ciake cionthe.

Mûvunjia 12:14

Ngai nîagaatuîra wa mûndû kûringana na maûndû monthe marîa ekaga, wana maûndû monthe marîa mekagîrwa ndumarî, marî maro kana marî macûku.

Jeremia 16:17

Nie nîmonaga maûndû monthe marîa mekaga; gûtirî ûndû mangînthitha. Nîmonaga mevia mao monthe.

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Jeremia 23:24

Kûrî mûndû ûngîîthitha kûndû ndangîvota kûmwona? Nîkwa mûtaicî atî nie Ngai-Mûnene ndûraga kûndû kuonthe, îgûrû wana gûkû nthî?

Jeremia 29:23

Ngameka ûguo nîûndû nîmekire ûndû wa nthoni vûrûrirî wa Isiraeli. Nîmaatharirie na aka a andû arîa maariganîtie nao, na nîmaririe maveeni makîgwetaga rîîtwa rîakwa, na ndiamathîte meke guo. Nie mwene nîmbicî na nîrî mûira wa maûndû mau. Ûguo nîguo nie Ngai-Mûnene nîrauga.”

Danieli 2:22

Ke nîaguûragia maûndû marîa mathithe; nîaicî maûndû marîa marî ndumarî, na ke mwene nî ûtheri.

Mathaayo 6:4

Kwoguo kûvecana kwenyu nî kwîthagîrwe kûrî nthithorî. Nake Îthe wenyu ûrîa wonaga maûndû marîa mekagîrwa nthithorî nî akaamûva kîveo.

Johana 2:24

Nwatî ndaamevokera ûtûûro wake nîûndû nîwamaicî onthe.

Johana 21:17

Jesû nîwacokire akîmûria riita rîa kathatû atîrî, “Simoni mûrû wa Johana, nîûmendete?” Nake Petero nîwatuurirwe nîûndû Jesû nîwamûririe riita rîa kathatû, “Nîûmendete?” Kwoguo nîwamwîrire atîrî, “Mwathani, we nîwîcî maûndû monthe; we nîwîcî atî nîngwendete!” Nake Jesû nîwamwîrire atîrî, “Rîthagia ng'ondu ciakwa.

Johana 4:16

Nake Jesû nîwerire mûndûmûka ûcio atîrî, “Ta thiî ûgeete mûthuuriguo na mûke ava nake.”

Ciîko 17:31

nîûndû nîatuîte mûthenya ûrîa agaatuîra andû onthe a nthî arî na kîvooto. Ke ageeka ûguo na njîra ya mûndû ûrîa athuurîte, na nîwonetie andû onthe atî ûvoro ûcio nî wa ma na njîra ya kûriûkia mûndû ûcio!”

Aroma 2:16

Kwoguo, kûringana na ûvoro mwaro ûrîa mvunjagia ûguo nîguo gûkethîrwa gwîkariî mûthenya ûrîa Ngai na njîra ya Jesû Kristû agaatua ciira wa maûndû ma nthitho marîa marî ngororî cia andû.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

1Sam 16:7

Nwatî Ngai-Mûnene nîwerire Samueli atîrî, “Tiga kûroria ûrîa aracavîte kana ûrîa arî mûthaka. Nie nînîmûregete, nîûndû ndiroragia ta ûrîa andû maroragia. Andû maroragia ûrîa mûndû ethagîrwa ekariî akîonwa na metho, nwatî nie ndoragia ngoro ndaarî.”