Ahib 4:12 - ÎVUKU RÎA ÛVORO MWARO

¹² Kiugo Kîam Ngai kîrî mwoyo nîkîrutaga wîra na nî kîûgî gûkîra rûviû rûrîa rûnoore mîena îîrî. Nîgîtemaga nginya varîa ngoro na mwoyo inyitanîrîte, na gîgatema gatagatîrî ka marûngo wana gatagatî ka mavîndî. Na nîkîvotaga gûtuîria na kûmenya meciria na merirîria ma ngoro cietû.

Ahib 4:12 ပူးပေါင်းရင်းမြစ်များ

Thaburi 110:2

Ngai-Mûnene nîagaatûma ûthamaki waku ûneneve kuuma Zayuni. Augîte atîrî, “Ûkaathanaga ûrî gatagatî ka nthû ciaku.”

Thaburi 119:130

Ciugo ciaku itaûrîtwe nîiretaga ûtheri; nîivecaga ûmenyo andû arîa mataicî ûndû.

Thaburi 139:2

Nîûmenyaga rîrîa ngwîkara nthî na rîrîa ngûkîra, nîûmenyaga meciria makwa ûrî kûraca.

Thaburi 149:6

Nîmakumie Ngai maugîrîrîtie, manyitîte mviû cia njûra na njara.

Thaburi 45:3

Îyove rûviû rwaku njovero, we mûthamaki njamba; we wî mûthamaki mûnene na ûrî riiri.

Nthi 5:4

Nwatî mûthiiarî atigaga mathîna na ûrûrû ta wa nyongo, ta wa rûviû rûrû rûûgî mîena yoîrî.

Mûvunjia 12:11

Ciugo cia andû aûgî ciîkariî ta mîragi mîûgî îrîa îtûmagîrwa nî arîthi ya gûtongoria ng'ondu, na nthimo icokanîrîrîtue vamwe ciîkariî ta mîcumarî îmundîrîrîtwe vandû waro ivecanîtwe nî Ngai mûrîthi wa andû onthe.

Isaia 11:4

Agaatucagîra athîni na ûthingu, na atucagîre andû arîa matarî vinya gûkû nthî na waragania. Nîakaaverithia nthî na kiugo gîake, na aûrage andû arîa aganu na mûgambo wake.

Isaia 49:2

Ke nîwatûmire ciugo ciakwa ciûvîge ta rûviû rûrîa rûûgî, na akînthitha rungu rwa kîruru Kîam njara yake. Aanduire ta mûguî ûrî mûvarîrie gûtûmîrwa, na akînthitha thiakarî yake.

Isaia 55:11

nwaguo ciugo irîa mbaragia ikeethîrwa ciîkariî; itikaanjokerera wa ûguo mana, nwatî nîikaavingia wîra wakwa, na irute wîra ûrîa naaitûmire.

Jeremia 17:10

Nie Ngai-Mûnene nî nie nduîragia meciria ma andû, na ngathima ngoro ciao. Kwoguo mvecaga mûndû kîrîa kîringanîte na mûtûûrîre wake, na kûringana na ciîko ciake.”

Jeremia 23:29

Ngai-Mûnene arauga atî, kiugo gîakwa nîta mwaki; nîta nyondo îrîa yatûranagia mathiga magatuîka icunjî.

Luka 8:11

“Ngerekano îo yendaga kwonania atî: mbeû icio nî ndûmîrîri ya Ngai.

Johana 12:48

Mûndû wa wonthe ûndegaga na ûtetîkagîra ndûmîrîri yakwa arî na mûndû ûkaamûtuîra ciira. Ciugo irîa naria nîcio igaacirithia mûndû ûcio mûthenya wa mûthiia!

Johana 6:51

Nie nînie mûgate wa mwoyo ûrîa wanyûrûrûkire kuuma îgûrû. Mûndû wa wonthe ûrîcaga mûgate ûyû, agaatûûra tene na tene. Mûgate ûyû nî mwîrî wakwa ûrîa ngaavecana nîguo andû magîe na mwoyo.”

Ciîko 2:37

Rîrîa andû acio meegwire ûguo, nîmaathînîkire mûno na makîûria Petero na atûmwa acio engî atîrî, “Ariû na aarî a Îthe wetû, tue rîu nîtwîka atîa?”

Ciîko 4:31

Rîrîa maarîkirie kûvoya ûguo, nthî nîyainainire varîa maagomanîte. Nao andû onthe nîmecûrirwe nî Roho Mûtheru na makîanîrîra ndûmîrîri ya Ngai marî na ûmîrîru.

Ciîko 5:33

Rîrîa akîama acio meegwire ûguo, nîmaarakarire mûno na makîenda kûûraga atûmwa.

Ciîko 7:38

Musa ûcio nwake warî vamwe na andû a Isiraeli vîndî îrîa maagomanîte werûrî. Ke aarî kûu werûrî vamwe na methe metû ma tene na mûraika ûrîa wamwarîrie arî îgûrû Kîrîmarî gîa Sinai. Nake nîwamûkîre ndûmîrîri îrî mwoyo ya Ngai na agîtûkinyîria yo.

Aroma 1:16

Nie ndiconokaga nî Ûvoro Mwaro nîûndû nîguo vinya wa Ngai wa kûvonokia arîa onthe metîkîtie mbere Ayahudi na vuva andû a Ndûrîrî.

1Akor 1:24

Nwatî kûrî arîa Ngai etîte, Ayahudi na andû a Ndûrîrî, ndûmîrîri ya Kristû nî vinya na ûûgî wa Ngai.

2Akor 2:17

Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.

Aefeso 5:13

Rîrîa maûndû monthe maretwa ûtherirî, mwîkarîre wamo wa ma nîûguûragua cararûkû;

Aefeso 5:26

Eekire ûguo nîguo awamûrîre Ngai na njîra ya kiugo gîake. Nîwatheririe kanitha na njîra ya kûûthambia na manjî.

Aefeso 6:17

Amûkîrani ûvonokio ta arî yo ngovia yenyu ya cuuma ya kûgitîra kîongo, na kiugo Kîam Ngai ta arî ruo rûviû rûrîa Roho amûvecaga.

1Ath 2:13

Na kûrî ûndû wîngî ûtûmaga tûcokie ngatho kûrî Ngai tûtagûtigithîrîria. Vîndî îrîa twamûretere ndûmîrîri ya Ngai, nîmwamîgwire na mûkîmîtîkîra. Mûtiamîtîkîra ta ndûmîrîri ya andû nwatî mwamîtîkîre ta ndûmîrîri ya Ngai na nî ma nî ya Ngai na nîyo îraruta wîra ndaarî yenyu mue arîa mwîtîkîtie.

1Ath 5:23

Ngai ûrîa ûtûvecaga thayû aromûtua atheru na njîra cionthe. Ke aromwiga mûrî agima roho, mîoyo na mîîrî yenyu nîguo mûkethîrwa mûtarî na ûcuke rîrîa Mwathani wetû Jesû agaaûka.

Ahib 13:7

Ririkanagani atongoria enyu a tene arîa maamûvunjîrie ndûmîrîri ya Ngai. Îcirieni ûrîa maatûûraga na mwîgerekanie nao.

Ahib 6:5

Nîmamenyete atî kiugo Kîam Ngai nî Kîamro vamwe na kûgîa na vinya wa kûmenya vîndî îrîa Ngai akaathana.

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

1Pet 1:23

Nîûndû na njîra ya kiugo Kîam Ngai kîrîa kîrî mwoyo nîmûciarîtwe rîngî ta ciana cia mûciari ûrîa ûtakucaga, nwatî atûûraga tene na tene.

Kûguû 1:16

Mûndû ûcio aanyitîte njata mûgwanja na njara yake ya ûrîo, na kanyuarî gake gûkauma rûviû rûûgî rûnooretwe mîena yoîrî. Ûthiû wake wekariî ta riûa rîarîte thaa thita cia mûthenya.

Kûguû 19:15

Kanyuarî gake nîkwaumire rûviû rwa njûra rûûgî, rûrîa ke akaavûthîra kûvoota mavûrûri. Ke nîakaamathaga na rûthanju rwa cuuma. Nî akaaviva thavibu ciume ndivei ya marakara ma Ngai mwene vinya wonthe.

Kûguû 19:21

Nao athigari ao a mbaara nîmaaûragirwe na rûviû rwa njûra rûrîa rumaga kanyuarî ka ûrîa wathiîte ekarîrîte mbarathi. Nacio iconi cionthe nîciarîre nyama cia mîîrî yao wata ûrîa ingîavotire.

Kûguû 2:16

Rîu îrireni! Ethîrwa mue tîmwîrira, nie nîngûka kûrî mue narua na ndûe na andû acio na rûviû rûrîa rumaga kanyuarî gwakwa.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.

Kûguû 20:4

Ngîcoka ngîona itî cia ûthamaki kûu îgûrû. Nao arîa maaciîkarîrîte nîmaaveetwe ûvoti wa gûtucanîra. Wana nînoonire mîoyo ya andû arîa maaûragirwe nîûndû nîmaanîrîre ûvoro wa Ngai na ûma ûrîa waguûrirue nî Jesû. Acio matianagooca nyamû kana mûvuanano wayo, na matianekîrwa rûûri rwa nyamû ûthiû kana njararî ciao. Andû acio nîmaagîre na mwoyo rîngî na makîathana marî athamaki vamwe na Kristû kavinda ka mîaka ngiri îmwe.

Atir 3:16

Ehudi nîweturithîtie rûviû rwa njûra rûarî rûûgî mîena yoîrî na rûarî na ûraca wa cendimita mîrongo îtano. Ethagîrwa arûovererete kîûnûrî gîake mwena wa ûrîo rungu rwa nguo ciake.