Ahib 4:11 - ÎVUKU RÎA ÛVORO MWARO

¹¹ Kwoguo nîtûgerie mûno tûtonye kîvurûkorî kîu, nîguo gûtikethîrwe kûrî mûndû wanarî ûmwe gatagatîrî getû ûkaaremwa nî gûtonya kîvurûkorî nîûndû wa ûremi ta ûcio wao.

Ahib 4:11 ပူးပေါင်းရင်းမြစ်များ

Mathaayo 11:12

Kuuma vîndî îrîa Johana Mûvatithania aambîrîrie kûvunjia nginya ûmûnthî, Ûthamaki wa Îgûrû nîwîthîrîtwe ûkîtharîkîrwa na vinya, na andû arîa matûmagîra vinya nîmageragia gûûcunana na vinya.

Mathaayo 7:13

“Tonyererani mûromorî ûrîa mûceke, nîûndû mûromo wa îcua nî mwariî, na njîra îrîa yerekagîria mûndû kuo wa nayo nî mbariî, na andû arîa mamîthiîcagîra nî eengî.

Luka 13:24

“Geragiani mûno gûtonyerera mûromorî ûrîa mûceke. Nîûndû nîramwîra na ma atî, andû eengî nîmakaageria gûtonya na matikaavota.

Luka 16:16

“Maûndû marîa mandîkîtwe Wathorî wa Musa na mavukurî ma arathi nîmaavunjirue nginya vîndî ya Johana Mûvatithania. Kuuma vîndî îo, Ûvoro Mwaro wa Ûthamaki wa Ngai nî ûvunjagua, na mûndû wa wonthe nî ageragia na vinya ûrîa angîtonya kuo.

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Ciîko 26:19

“Kwoguo mûthamaki Angiripa, ndingîaregire kwathîkîra kîoneki kîu nagîte nakîo kiumîte îgûrû.

Aefeso 2:2

Vîndî îo mwarûmagîrîra maûndû macûku ma nthî îno. Mwathîkagîra mûnene wa maavinya ma kîîroho marîa marî rîerarî. Roho ûcio nîke wathaga andû arîa maregaga kwathîkîra Ngai.

Aefeso 5:6

Mûtigetîkîre mûndû wana ûrîkû amûveenererie na ciugo ntheri, nîûndû mîtugo ta îo nîyo îtûmaga Ngai arakarue nî andû arîa matamwathîkagîra.

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

Akol 3:6

Na nîûndû wa maûndû mama, marakara ma Ngai nîmagaakinyîra andû arîa matamwathîkagîra.

Tito 1:16

Maugaga atî nîmecî Ngai nwatî ciîko ciao nîireganîte na ûvoro ûcio. Nîmathwîre andû arîa engî, matiathîkaga na matingîvota gwîka ûndû mwaro.

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.

Ahib 3:12

Ariû a îthe wetû, îîmenyerereni atî gûtikethîrwe kûrî na mûndû gatagatîrî kenyu wîna ngoro njûku na îtetîkîtie na ûngîgarûrûka akauma kûrî Ngai ûrîa mûtûûra mwoyo.

Ahib 3:18

Rîrîa Ngai eeranîre na mwîvîtwa atîrî, “Matigaatonya vûrûrirî ûrîa nîngîkaamava ûvurûko” ke aaragia ûvoro wa û? Kinthî tî arîa maareganire nake?

Ahib 4:6

Andû arîa meeguire ûvoro mwaro rîa mbere matiatonya vandû vau va kûvurûka nîûndû nîmaaregire gwîtîkia. Kwoguo kûrî andû amwe metîkîrîtue gûtonya kuo.

Ahib 6:11

Tûngîenda mûndû wa wonthe gatagatîrî kenyu athiî na mbere na kûgîa na kîîo nginya mûthiia, nîguo mûnyite na ma maûndû marîa mwîriragîria.

Josh 7:3

nîmacokerie Joshua ûvoro na makîmwîra atîrî: “Gûtirî na vata wa athigari onthe a mbaara mathiî makarûe na andû a Ai. Tûma athigari ngiri igîrî kana ithatû nîûndû tî îtûûra înene.”

2Pet 2:6

Ngai nîwatuîrîre matûûra ma Sodomu na Gomoora akîmavîvia viû. Eekire ûndû ûcio ûtuîke kîonereria Kîam ûrîa gûgaatuîkîka kûrî arîa matarî na ûngai.