Ahib 4:1 - ÎVUKU RÎA ÛVORO MWARO

¹ Na rîu, nîûndû Ngai nîatûvete kîîranîro gîa gûgaatonya kîvurûkorî gîake, nîtwîmenyagîrîreni nîguo gûtikethîrwe kûrî mûndû wana ûmwe gatagatîrî kenyu ûkaaremwa nî gûtonya.

Ahib 4:1 ပူးပေါင်းရင်းမြစ်များ

Nthi 14:16

Mûndû mûûgî nîwîmenyagîrîra na nîaûragîra maûndû macûku, nwatî mûndû kîrimû ndamakaga na ekaga maûndû na îvenya.

Nthi 28:14

Gûkena nî mûndû ûrîa wîtigagîra Ngai-Mûnene vîndî cionthe, nwatî mûndû wa ngoro nyûmû arîkagîrîria thînarî.

Jeremia 32:40

Nîngarûtha kîrîkanîro gîa tene na tene nao atî, ndigatiga kûmeka maûndû maro na nîngatûma manîtigîre na ngoro ciao cionthe, nîguo matikandiganîrie rîngî.

Ndari 14:34

Mûgaatûûra mûnyamaraga mûrî werûrî îvinda rîa mîaka mîrongo îna (40). Mwaka ûmwe ûkaarûngamagîrîra mûthenya ûmwe wa mîthenya îrîa mwaûrûraga mûrî werûrî nîguo mûmenye nînaarakarire!

Mathaayo 24:48

Nwatî ethîrwa ndungata îo nî mbaganu, yo nîîkeîra na ngoro atî, Mwathi wayo nîagwîkara kavinda karaca ma agîgaacoka.

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Aroma 11:20

Nî ûvoro wa ma. Mvûa ciakavûrangirwe nîûndû itietîkia na mue mwîthagîrwa mûrî gîcunjî Kîam mûtî ûcio nîûndû nîmwîtîkîtie. Nwatî ndûgetîîe nîûndû wa ûguo, vandû va ûguo îîtigîreni.

Aroma 3:23

Andû onthe nîmevîtie na makanyivîrwa nî riiri wa Ngai.

1Akor 10:12

Kwoguo mûndû wa wonthe ûreciria atî ke nîarûngamîte ekindîrîtie nîamenyerere ndakagwe.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Agal 5:4

Mue arîa mûgeragia gûtuuwa athingu na njîra ya kûrûmîrîra watho, nîmûthengutîrîte Kristû na nîmumîte wegarî wa Ngai.

2Tim 2:13

Ethîrwa tûtirî evokeku, ke atûûraga arî mwîvokeku, nîûndû ndangîveenia.”

Ahib 12:15

Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!

Ahib 13:7

Ririkanagani atongoria enyu a tene arîa maamûvunjîrie ndûmîrîri ya Ngai. Îcirieni ûrîa maatûûraga na mwîgerekanie nao.

Ahib 3:11

Nînaarakarire na ngîranîra na mwîvîtwa atîrî: ‘Gûtirî vîndî magaatonya varîa nîngîamavere mavurûke.’ ” Ûguo nîguo Mwathani augîte.

Ahib 4:11

Kwoguo nîtûgerie mûno tûtonye kîvurûkorî kîu, nîguo gûtikethîrwe kûrî mûndû wanarî ûmwe gatagatîrî getû ûkaaremwa nî gûtonya kîvurûkorî nîûndû wa ûremi ta ûcio wao.

Ahib 4:9

Na njîra wata îno, nîgûtigarîtie mûthenya wa kûvurûka wa andû a Ngai, wata ûrîa Ngai aavurûkire mûthenya wa mûgwanja.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.