Ahib 2:9 - ÎVUKU RÎA ÛVORO MWARO

⁹ Nwatî twonaga Jesû ûrîa gwa kavinda kanini watuirwe mûnini gûkîra araika, nîguo na njîra ya wega wa Ngai akue nîûndû wa andû onthe. Na rîu tûmwonaga ekîrîte nthûmbî îrî na riiri na gîtîîo nîûndû wa ûrîa aathînirue na agîkua.

Ahib 2:9 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Isaia 11:1

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Isaia 7:14

Kwoguo Mwathani ke mwene nîakûmûva rûûri: mwîrîtu nîakaagîa îvu, aciare kaana na agatuîrîre rîîtwa, ‘Imanueli.’

Mathaayo 16:28

Nîramwîra nama atî kûrî na andû amwe marûngamîte ava matagaakua mbere ya moona Mûrû wa Mûndû agîûka arî Mûthamaki.”

Mathaayo 6:28

“Na mûtangîkaga nîkî nîûndû wa nguo? Ta roriani maûa ma kîthaka ûrîa makûraga; matirutaga wîra kana metumîre nguo.

Maariko 9:1

Jesû nîwathiîre na mbere na kûmeera atîrî, “Nîramwîra na ma atî kûrî na andû amwe marûngamîte ava matagaakua matambîte kwona Ûthamaki wa Ngai ûgîûka ûrî na vinya mûnene.”

Luka 9:27

Nwatî nie nîramwîra na ma atî, ava varî na andû amwe matagaakua matambîte kwona Ûthamaki wa Ngai.”

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Johana 10:17

“Vava nîamendete nîûndû nîrîmwîvarîriu kûruta mwoyo wakwa nîguo njoke nîwîcukie rîngî.

Johana 12:32

Rîrîa ngaavirwa îgûrû nyume gûkû nthî, nîngaagucîrîria andû onthe kûrî nie.”

Johana 3:16

Nîûndû Ngai nîwendire andû a gûkû nthî mûno nîwavecanire Mûriû wake wa mûmwe nîguo mûndû wa wonthe ûmwîtîkîtie ndagaakue nwatî agîe na mwoyo wa tene na tene.

Johana 8:51

Nîramwîra na ma atî: mûndû wa wonthe wathîkagîra ciugo ciakwa ndagaakua.”

Johana 8:52

Nao Ayahudi nîmaamwîrire atîrî, “Rîu nîtwamenya na ma atî we ûrî na ngoma! Iburahimu na arathi onthe nîmaakuire, nwatî we ûratwîra atî mûndû wa wonthe wathîkagîra ciugo ciaku ndagaakua.

Ciîko 2:33

Jesû nîwanenevirue na rîu ekaraga mwena wa ûrîo wa Ngai Îthe wake. Nake Ngai Nîwamûvere Roho Mûtheru wata ûrîa aamwîrîrîte. Kwoguo Jesû nîatwîtîrîrîtie Roho ûcio. Ûndû ûyû mûrona na mûregua nî kîveo Kîam Roho ûrîa Jesû atwîtîrîrîtie.

Ciîko 3:13

Ngai wa Iburahimu, Isaka na Jakovu na nîke Ngai wa methe metû ma tene, nîke ûvecanîte riiri wake kûrî Jesû ndungata yake. Nwatî mue nîmwanenganîre Jesû kûrî athani na mûkîmûrega mbere ya Pilato, wana ethîrwa Pilato nîwatuîte amûrekererie.

Aroma 5:18

Kwoguo, wata ûrîa rîvia rîa mûndû ûmwe rîatûmire andû onthe matuîrwe, na njîra wata îo gîîko Kîam mûndû ûmwe Kîam ûthingu nîgîtûmaga andû onthe matuuwe athingu na magîe na mwoyo.

Aroma 5:8

Nwatî Ngai nîwonanîtie ûrîa atwendete nîûndû Kristû nîwatûkuîrîre vîndî îrîa twarî evia.

Aroma 8:3

Ûndû ûrîa watho ûtangîavotire gwîka nîûndû wa kwagithua vinya nî mwîrî Ngai nîwawîkire. Eekire ûguo na njîra ya kûrekia Mûrû wake arî na mwîrî wîkariî ta îno yetû ya mevia na arî na mwîrî ûcio nîwavootire mevia.

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

2Akor 5:15

Kristû aakwire nîûndû wa andû onthe nîguo andû arîa matûûraga mwoyo matigatûûre mwoyo nîûndû wao o ene, nwatî nîûndû wake ûrîa wakwire na akîriûkua nîûndû wao.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Agal 4:4

Nwatî rîrîa kavinda karîa kagîrîru gaakinyire, Ngai nîwatûmire Mûriû wake. Aaûkire na njîra ya gûciarwa nî mûndûmûka na agîtûûra arî rungu rwa watho wa Ayahudi,

1Tim 2:6

Ke nîke wevecanire nîguo akûûre andû onthe kuuma meviarî. Ûndû ûcio nîwonanirie na ma kavinda karîa kaagîrîrîte atî Ngai nîwendaga andû onthe mavonoke,

Ahib 1:9

We wendete ûthingu na ûkamena ûndû mûcûku, kwoguo Ngai, na nîke Ngai waku, nîakûthuurîte na agakûva gîtîîo na gîkeno gîkîrîte kîrîa avete arata aku.”

Ahib 10:5

Nîûndû wa ûguo rîrîa Kristû aarî vakuvî gûka gûkû nthî, nîwerire Ngai atîrî, “We ndwendaga magongoona na matega, nwatî we nîûvarîrîtie mwîrî nîûndû wakwa.

Ahib 11:5

Nîûndû wa wîtîkio Enoku ndaanakua. Vandû va ûguo ke nîwavirirwe îgûrû nî Ngai, kwoguo gûtirî mûndû wamwonire. Mandîko Matheru maugaga atî, mbere Enoku avirwa îgûrû Ngai nîwakenetue nîke.

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.

Ahib 2:7

Gwa kavinda kanini we nîwamûtuire mûnini gûkîra araika; we nîwamwîkîre nthûmbî ya riiri na gîtîîo.

Ahib 7:25

Kwoguo, mavinda monthe nîavotaga kûvonokia arîa mathiîcaga kûrî Ngai na njîra yake. Nîûndû atûûraga vingo cionthe nîguo amathaithanagîrîre kûrî Ngai.

Ahib 8:3

Mûthînjîri-Ngai mûnene wa wonthe athuuragwa nîguo avirage matega na magongoona ma nyamû kûrî Ngai. Kwoguo nwanginya Mûthînjîri-Ngai mûnene wetû ethîrwe arî na kîndû gîa gûtegera Ngai.

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.

1Joh 2:2

Kristû ke mwene nîke ûtûmaga twoverwe mevia metû, na twa mevie metû tu, nwatî nî wana mevia ma andû onthe.

Kûguû 19:12

Metho make maakanîte ta mwaki mûkengu mûno. Kîongorî gîake nîwekîrîte nthûmbî nyîngî. Mwîrîrî wake nîkwandîkîtwe rîîtwa, nwatî gûtirî mûndû ûngîarîmenyire tiga Ke mwene.

Kûguû 5:9

Nacio ciûmbe icio na athuuri acio nîmaainire rwîmbo rûcerû makiugaga atîrî: “We ûrî mwagîrîru wa gwoca îvuku rîa gîkûnjo na ûtumûre ndumo ciarîo. Nîûndû we nîwaûragirwe, na njîra ya nthakame yaku we nîwagûrire andû a Ngai kuuma mîvîrîga yonthe, nthiomi cionthe, mavûrûri monthe na iruka cionthe.