Ahib 2:4 - ÎVUKU RÎA ÛVORO MWARO

⁴ Ngai wanake nîwongerere ûira wake îgûrû rîao na njîra ya kûringa ciama na morirû ma mîthemba yonthe, na iveo cia Roho Mûtheru irîa aaveere andû kûringana na wendi wake.

Ahib 2:4 ပူးပေါင်းရင်းမြစ်များ

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Maariko 16:20

Nao arutwa nîmaathiîre na makîvunjia ûvoro mwaro kûndû kuonthe. Nake Mwathani nîwethagîrwa arî vamwe nao na agekagîra ndûmîrîri yao vinya na njîra ya ciama irîa ciaringagwa.] [

Maariko 6:14

Mûthamaki Herode nîwegwire maûndû mau monthe nîûndû ngumo ya Jesû nîyatambîte kûndû kuonthe. Andû amwe maaugaga atîrî, “Nî Johana Mûvatithania ûriûkîte na nîkîo arî na ûvoti mwîngî ûguo wa kûringa ciama.”

Johana 15:26

“Nie nîngaamûtûmîra Mûtethia kuuma kûrî Vava. Ke nîke Roho wa ma ûrîa uumaga kûrî Vava na nîke ûkaaruta ûira wakwa.

Johana 4:48

Jesû nîwerire karani ûcio atîrî, “Gûtirî mûndû wana ûmwe gatagatîrî kenyu ûgeetîkia atonete ciama na morirû.”

Ciîko 14:3

Nao Paûlo na Baranaba nîmeekarire kûu Ikonia îvinda îraca na makîvecana ûira wa Mwathani maûmîrîrîtie. Nake Mwathani nîwonanirie atî ndûmîrîri yao îgiî wega wake yarî ya ma. Ke eekire ûguo na njîra ya kûmava ûvoti wa kûringa ciama na kwonania morirû.

Ciîko 4:10

Tûrenda mue muonthe na andû onthe a Isiraeli mûmenye atî, mûndû ûyû aravonirue na rîîtwa rîa Jesû Kristû wa Nazarethi. Mue mwambire Jesû mûtharavarî îgûrû, nwatî Ngai nîwamûriûkirie. Mûndû ûyû ûronjete magûrû arûngamîte ava mbere yenyu nîûndû wa vinya wa Jesû.

Ciîko 5:32

Tue tûrî aira a maûndû mama. Wana nginya Roho Mûtheru ûrîa Ngai avecanîte kûrî arîa mamwathîkagîra nî mûira.”

Aefeso 1:5

Ngai nîwatuîte wa mbere atî nîagaatûtua ciana ciake na njîra ya Jesû Kristû. Ûcio nîguo warî mworoto wa wendi wake.

Aefeso 1:9

nîwatûmenyithirie nthitho ya wendi wake. Ûguo nîguo eendete na nîguo aavangîte nîagwîka na njîra ya Kristû.

Aefeso 4:7

Mûndû wa wonthe wa cietû nîavetwe kîveo Kîam mwanya kûringana na ûrîa ûtaana wa Kristû wîgana.

Ahib 6:4

Andû arîa matiganîrîtie wîtîkio wao nî vinya kûmagarûra nîguo mavere. Nîûndû nîmonete ûtheri na magacama kîveo Kîam îgûrû na makagaîrwa Roho Mûtheru.