Ahib 13:5 - ÎVUKU RÎA ÛVORO MWARO

⁵ Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”

Ahib 13:5 ပူးပေါင်းရင်းမြစ်များ

Kîam 28:15

Ririkana atî kûrîa kuonthe ûkaathiî, ngethagîrwa nîrî vamwe nawe na ngaakûgitagîra na ngûcokie vûrûrirî ûyû. Nie ndigaagûtiganîria nginya rîrîa ngaavingia maûndû monthe marîa nakwîrîra.”

Kîam 30:31

Labani nîwaûririe Jakovu atîrî, “Ûrenda ngûrîve na ndûî?” Nake Jakovu nîwacokirie atîrî, “Ndirenda ûndîve wanarî kîndû, nwatî nîngûthiî na mbere na kûmenyerera ndîthia ciaku ethîrwa nîûgwîtîkania na rîciria rîakwa.

Kîam 31:5

Nîwamerire atîrî, “Nînîrona atî aguo ndamendete ta ûrîa aamendete mbere. Nwatî Ngai wa vava ethîrîtwe arî vamwe na nie.

1Atha 6:13

Nîngaatûûrania na andû akwa Aisiraeli na ndikaamatiganîria.”

1Atha 8:57

Ngai-Mûnene, Ngai wetû aroekara natue, wata ûrîa eekaraga na methe metû ma tene; na ndagatûtige kana ariganîrwa nî tue.

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

Thaburi 10:3

Andû arîa aganu metîîaga nîûndû wa merirîria ma ngoro ciao, arîa akoroku marumaga na makarega Ngai-Mûnene.

Thaburi 119:36

Mva wendo wa kûrûmîrîra kîrîra gîaku, ndige kûrûmîrîra ûtonga.

Thaburi 37:25

Vîndî îmwe naarî mwîthî, na rîu nîrî mûkûrû, nwatî ndianona andû arîa athingu matiganîrîtue nî Ngai-Mûnene kana mona ciana ciao ikîvoya irio.

Thaburi 37:28

nîûndû Ngai-Mûnene endaga maûndû marîa magîrîru, na ndatiganagîria andû ake arîa evokeku. Agitagîra andû arîa athingu tene na tene, nwatî nîakaathiria njiarwa cia andû arîa aganu.

Ntha 2:21

Musa nîwetîkîrire gûtûûra kwa Jethiro. Jethiro nîwacokire akîva Musa mwîrîtu wake wetagwa Zipora atuîke mûka,

Ntha 20:17

“Ndûkerirîrie nyomba ya mûndû wîngî, wana kana wîrirîrie mûka. Ndûkerirîrie ndungata ya mûndû wîngî, ya mûndûmûrûme kana ya mûndûmûka, kana ndegwa yake kana mvunda yake kana kîndû gîake kîonthe.”

Nthi 23:4

Ndûkenogie ûgîcaria ûtonga, gîa na ûûgî na ûtige kwîthînia.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 41:17

“Rîrîa athîni na avatari maracaria manjî matakûmona, na rîrîa mîmero yao îrî mîng'arûku nî kûnyonda, nînie Ngai-Mûnene ngaamacokeria, nie Ngai wa Isiraeli ndikaamatiganîria.

Isaia 42:16

“Nîngaatongoreria itumumu njîrarî irîa mataicî. Ngaamatongoreria tûcîrarî tûrîa matamenyete. Nîngaagarûra nduma îrîa îrî mbere yao îtuîke ûtheri, na kûndû kûrîa gûtarî kwaraganu nîkwaraganie. Mama nîmo maûndû marîa ngeeka, na ndikaamatiganîria.

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Mathaayo 6:19

“Tigagani kwîigîra ûtonga wenyu gûkû nthî kûrîa ûrîcagwa nî igunyû, ûrotaga ûgacûka, na kûrîa kûvunjagwa nî aîi makawîa.

Mathaayo 6:25

“Kwoguo nîramwîra mûtigatangîke ngororî nîûndû wa kîrîa mûkûrîa kana mûkûnyua nîguo mûtûûre, kana mûtangîke nîûndû wa nguo irîa mûgwîkîra. Na kinthî mwoyo ndûrî vata gûkîra irio? Wana kinthî mwîrî ndûrî vata gûkîra nguo?

Mathaayo 6:34

Kwoguo mûtigatangîke nîûndû wa rûyû, nîûndû rûyû nîrûgeetangîkîra. Wa mûthenya ûrî mathîna meganu maaguo.

Maariko 7:22

ûtharia, ûkoroku na mawaganu ma mîthemba wa yonthe; ta kûveenania, gwîka maûndû ma ûûra nthoni, kwîgua wîru, kûrumana, gwîtîîa na ûrimû.

Luka 3:14

Nao athigari amwe nîmaacokire makîmûria atîrî, “Rîu natue-rî nîtwîka atîa?” Johana nîwamacokerie atîrî, “Tigagani gûcuuna mûndû wana ûmwe mbeca ciake na vinya kana mwigîrîre mûndû kîng'enyo. Îganagwani nî mûcara wenyu.”

Luka 8:14

Nacio mbeû irîa ciagwîre mbîtîkîrarî ya mvîndî cia mîgua, nî andû arîa mathikagîrîria ndûmîrîri ya Ngai, nwatî waganu, ûtonga, na ikeno cia gûkû nthî ikathararia ndûmîrîri îo, na maciaro mayo makarega gûkûra.

Aroma 1:29

Nîmecûrirwe nî waganu wa mîthemba yonthe, maûndû macûku, ûkoroku na ûthû. Mecûrîtwe nî wîru, ûragani, mbaara, maveeni na gwîcirîria andû arîa engî naaî.

1Akor 5:11

Ûndû ûrîa naugaga nî atî mûtiagîrîrwe nî kûgîa ngwatanîro na mûndû wa wonthe ûrîa wîîtaga mûriû kana mwarî wa îthe wetû na ethîrwe nî mûvûûri ûmaraa, kana nî mûkoroku, kana nî mûvoi mîvuanano kana nî mûrumani, kana nî mûrîu wa njovi, wana kana nî mûcunani. Mue wana nginya mûtikaarîcanagîre na mûndû ta ûcio.

1Akor 6:10

kana maîaga kana arîa akoroku, kana mîrîu ya njovi, kana arumani wana kana acunani gûtirî mûndû wana ûmwe gatagatîrî ka acio ûkaagaîrwa ûthamaki wa Ngai.

2Akor 4:9

Tûnyariragwa, nwatî tûtitiganagîrua. Tûtivagua, nwatî tûticûkangagua.

Aefeso 5:3

Na nîûndû mûrî andû a Ngai, maûndû mamwe matiagîrîrwe wana nî kûgwetwa gatagatîrî kenyu, namo nî ûmaraa, ûûra nthoni na ûkoroku.

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

Gûco 31:6

Gîani na vinya na mûmîrîrie, mûtigetigîre kana mûrwe nî vinya, nîûndû Ngai-Mûnene Ngai wenyu nîke ûkethagîrwa vamwe namue. Ke ndakaamûtiganîria kana amûrekereria.”

Gûco 31:8

Ngai-Mûnene nîke ûkaamûtongoria na ndakaamûtiganîria. Ndakaamûrekereria na ndakaamûtiganîria; kwoguo mûtigetigîre kana mûrwe nî vinya.”

Gûco 4:31

Ngai-Mûnene, Ngai wenyu arî ntha. Ndakaamûtiganîria kana amûcûkangia na ndakaariganîrwa nî kîrîkanîro kîrîa ke mwene aarûthire na methe menyu na akîmerîra na mwîvîtwa.

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

1Tim 3:3

Ndagîrîrwe nî kwîthîrwa arî mûrîu kana mûndû wa înegene, nwatî agîrîrwe nîkwîthîrwa arî mûndû mûkirîrîria na mwendi thayû na ûtarî mûkorokeri mbeca.

Josh 1:5

Gûtirî mûndû ûgaakûvoota vîndî îrîa yonthe ûgûtûûra mwoyo. Ngethagîrwa nîrî nawe ta ûrîa nethagîrwa nîrî na Musa. Ndigaagûtiganîria.

Josh 7:21

indo imwe cia irîa twacûkangagia nînonire nguo mbaro yarî ya kuuma Babuloni, kilo igîrî cia sîlûva na thaavu yarî na ûrito wa nuthu kilo. Nonire irî mbaro na ngîciîrirîria na ngîcioca. Indo icio nîithithîte îrimarî nenjire îgemarî rîakwa. Mûgaaciona irî vamwe na sîlûva îrî rungu rwa cio.”

2Pet 2:14

Matiendaga kûroria kîndû kîngî tiga aka maraa. Vîndî cionthe meriragîria gwîka mevia. Magucagîrîria andû arîa marî ngoro mvûthû mûtegorî. Ngoro ciao ciîthagîrwa imenyeretue ûkoroku. Andû acio nîagwate nî kîrumi Kîam Ngai.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.

1Sam 10:7

Vîndî îrîa maûndû mama magekîka, we ûgeka wa ûrîa ûkona kwagîrîrîte nîûndû Ngai arî vamwe nawe.

1Sam 12:22

Ngai-Mûnene nîamûthuurîte mûgatuîka andû ake na nîamwîrîrîte atî ke ndakaamûtiganîria.