Ahib 13:4 - ÎVUKU RÎA ÛVORO MWARO

⁴ Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.

Ahib 13:4 ပူးပေါင်းရင်းမြစ်များ

Kîam 2:21

Ngai-Mûnene, Ngai nîwatûmire mûndû mûrûme ûcio amame toro nene mûno, na wa amamiî Ngai-Mûnene, Ngai nîwarutire rûvaru rûmwe kuuma kûrî mûndû ûcio na agîtumania nyama ciake.

Kîam 2:24

Kwoguo mûndûmûrûme agaatigaga îthe na ng'ina, akanyitana na mûka na oîrî magatuîka ûmwe.

2Atha 22:14

Kwoguo mûthînjîri-Ngai Hilikia, Ahikamu, Akibori, Shafani, na Asaia nîmaathiîre kûrî mûndûmûka ûmwe mûrathi wetagwa Hulida, mûka wa Shalumu, mûvîcî wa Tikiva. Tikiva aarî mûvîcî wa Harihasi. Harihasi nîke wamenyagîrîra nguo cia hekarû. Vîndî îo Hulida aatûûraga Jerusalemu, îtûûrarî rîa kaîrî. Nao nîmaaranîrie nake,

Ayubu 31:12

Wîvia ûcio ûvana ta mwaki ûrîa ûvîvagia ûkathiria, na nwa ûvîvie indo cionthe ciakwa.

Isaia 8:3

Nînacokire ngîmenyana na mûka wakwa kîîmwîrî, akîgîa îvu na agîciara kaana ga kavîcî. Nake Ngai-Mûnene nîwambîrire atîrî, “Gete ‘Maheri-shalali-hashibazi.’

Alawi 15:18

Mûndûmûrûme angîmenyana kîîmwîrî na mûndûmûka na arute vinya wake wa ûciari, andû acio oîrî nwanginya makethambia, na magekara matarî atheru nginya kîvwaî.

Alawi 18:20

Mûtikamenyane kîîmwîrî na mûka wa mûndû wîngî; ûndû ûcio nwa ûtûme we wîthîrwe ûtarî mûtheru.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

1Akor 5:13

Nîûndû mandîko matheru maugîte atîrî, “Îngatani andû arîa mekaga naaî maume gatagatîrî kenyu.”

1Akor 6:18

Ûrîrani wîvia wa kûmenyana kîîmwîrî. Wîvia wîngî wonthe ûrîa wîkagwa nî andû wîthagîrwa ûrî nja ya mwîrî, nwatî mûndû ûrîa wîvagia na njîra ya kûmenyana kîîmwîrî nîevagîria mwîrî wake ke mwene.

1Akor 6:9

Mue nîmwicî atî andû arîa aganu matikaagaîrwa ûthamaki wa Ngai. Mûtikeveenie; andû arîa mavûûraga ûmaraa kana mavoyaga mîvuanano kana matharagia, kana arûme arîa mamenyanaga kîîmwîrî na arûme arîa engî,

1Akor 7:38

Kwoguo mûndû ûrîa ûvikagia mwîrîtu ûrîa marîkanîrîte nake atî nîmakûvikania, nîekaga waro, nwatî mûndû ûrîa ûtavikanagia nîekaga waro makîria.

1Akor 9:5

Na kinthî tue tûtiagîrîrwe nî kûthiîcanagia na mûndûmûka mwîtîkia wata atûmwa arîa engî na ta aa mûrwang'ina na Mwathani kana ta Petero?

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.

Agal 5:19

Maûndû marîa macûku mekagwa nî mwîrî nîmeyonanîtie, namo nî: ûtharia, gwîka ciîko njûku na cia ûûra nthoni,

Agal 5:21

Rwetho, ûrîu na gwîka ciîko cia gwîkenia nîûndû wa kûrîwa, na gwîka maûndû mengî ma mîthemba ta îo. Nîngûmûkaania wata ûrîa naamûkanirie wa rîngî, atî andû arîa mekaga maûndû ta mau matikagaa ûthamaki wa Ngai.

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

Gûco 22:22

“Mûndûmûrûme angîkaanyitwa akîmenyana kîîmwîrî na mûka wa mûndû wîngî, wa oîrî nîmakaaûragwa. Ûguo nîguo mûkaathiria wîvia ûcio gatagatîrî kenyu.

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.

1Tim 3:12

Mûtungati agîrîrwe nî kwîthîrwa avikîtie mûndûmûka ûmwe tu na ethîrwe avotete kûmenyerera ciana ciake na andû a mûciî wake waro.

1Tim 3:2

Mûtongoria wa kanitha nwa nginya ethîrwe atarî na ûcuke, nwa nginya ethîrwe avikîtie mûndûmûka ûmwe tu, mûndû wîîguîte, mûndû ûrî na ûvoti wa kwatha merirîria ma mwîrî, mûndû ûrî na mîthiîre mîaro, mûndû ûgwataga andû ûgeni gwake mûciî, mûndû ûngîvota kûthomithia.

1Tim 3:4

Nwa nginya ethîrwe arî mûndû ûvotete kûmenyerera mûciî wake waro na ûvotete gûtûma ciana ciake imwathîkîre na imûtîîe na njîra cionthe.

1Tim 4:3

Andû acio mathomithanagia atî nî naaî kûvikania na nî naaî kûrîa irio cia mîthemba îmwe na îmwe. Nwatî Ngai aaûmbire irio cionthe irî mbaro nîguo irîcagwe vuva wa gûcokia ngatho kûrî Ngai. Ciagîrîrwe nî kûrîwa nî etîkia arîa mamenyete ûvoro wa ma.

1Tim 5:14

Kwoguo nîrona kwagîrîrîte aka a ndigwa arîa ethî mavike, magîe na ciana na mamenyerere mîciî yao. Meka ûguo, nthû cietû itikaagîa na kamweke ga gûtûruma.

Tito 1:6

nwa nginya mûthuuri wa kanitha ethagîrwe atarî na ûcuke, na ethîrwe avikîtie mûndûmûka ûmwe. Ciana ciake nwa nginya ciîthagîrwe ciîtîkîtie Jesû Kristû, irî na ngumo mbaro na irî mbathîki.

Ahib 12:16

Mûndû wana ûrîkû ndakanatuîke mûmaraa kana mûndû ûtarî na Ûngai ta Esaû. Esaû nîwendirie ûrikithathi wake irio cia îrîa rîmwe.

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.