Ahib 13:22 - ÎVUKU RÎA ÛVORO MWARO

²² Ariû na aarî a îthe wetû, nîngûmûria mûthikîrîrie ndûmîrîri îno ya kûmwîkîra vinya. Maarûa îno namwandîkîra tî ndaca mûno.

Ahib 13:22 ပူးပေါင်းရင်းမြစ်များ

Ciîko 13:15

Na rîrîa icunjî kuuma Wathorî wa Musa na mandîkorî ma arathi ciarîkirie kûthomwa, atongoria a îvoero nîmaatûmanire Paûlo na Baranaba meerwe atîrî, “Ariû a îthe wetû, ethîrwa mue mûrî na ciugo mûngîûmîrîria andû aya nacio, maarîrieni.”

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Agal 6:11

Taroriani ûrîa ndemete ndemwa nene na njara ciakwa ngîmwandîkîra.

Aefeso 3:3

Ngai nîwanguûrîrie nthitho ya mûvango wake na akîmenyithia yo. (Nie nîndîkîtie kwandîka ûvoro ûyû na njîra nguvî,

Ahib 12:5

Anga nîmûriganîrîtwe nî ciugo cia kûmwîkîra vinya irîa Ngai aragia namue ta mûrî ciana ciake? “Mwana wakwa, thikagîrîria rîrîa ûkûrûngwa nî Mwathani, ndûkaûrwe nî vinya rîrîa agûkûverithia.

Ahib 13:19

Na nîngûmûthaitha mûno makîria mûvoyage nîguo Ngai andûme kûrî mue narua.

Ahib 2:1

Nîûndû wa ûguo, nwanginya tûnyitie waro ûvoro wa ma ûrîa twîguîte nîguo tûtikaume kûrî guo.

Ahib 3:1

Kwoguo ariû a îthe wetû mue arîa atheru na mwîtîtwe nî Mwathani, îcirieni ûvoro wa Jesû ûrîa Ngai aatûmire arî Mûthînjîri-Ngai ûrîa mûnene wa wîtîkio ûrîa tumbûraga.

Ahib 4:1

Na rîu, nîûndû Ngai nîatûvete kîîranîro gîa gûgaatonya kîvurûkorî gîake, nîtwîmenyagîrîreni nîguo gûtikethîrwe kûrî mûndû wana ûmwe gatagatîrî kenyu ûkaaremwa nî gûtonya.

Ahib 4:11

Kwoguo nîtûgerie mûno tûtonye kîvurûkorî kîu, nîguo gûtikethîrwe kûrî mûndû wanarî ûmwe gatagatîrî getû ûkaaremwa nî gûtonya kîvurûkorî nîûndû wa ûremi ta ûcio wao.

1Pet 5:12

Namwandîkîra maarûa îno nini ûguo ngîtethagîrîrua nî Silivano, ûrîa mbîcî nî mûkristiano wa tatue na nî mwîvokeku. Nîrenda kûmûmîrîria na nîmûrutîre ûira wakwa nîmwîre atî, ûyû nîguo wega wa ma wa Ngai. Îkaragani mwîkindîrîtie ndaarî yaguo.