Nakuo îtûûrarî rîa Jopa nîkwarî na mûndûmûka mwîtîkia wetagwa Tabitha. (Rîîtwa rîu rîake na Kîngiriki nî Dorokasi, na nî ta kuga “nthiia.”) Nake nîwamenyerete gwîkaga ciîko mbaro na gûtethagia athîni.
Mûndû wa wonthe wîaga nîatigane na wîi na ambîrîrie kûruta wîra nîguo ethûkûmagîre na njîra îno mbagîrîru kîrîa avatarîte ûtûûrorî na avotage gûtethia athîni.
Na rîu nîngîte na indo nyîngî na ngakîrîrîria. Nîrî na indo cia kûmbîgana nîûndû Epafarodito nîwandetere iveo kuuma kûrî mue. Iveo icio ciîkariî ta kîndû kîrî na mûnungo mwaro gîkîrutîrwa Ngai, na ta îgongoona rîa gwîtîkîrîka nîke na rîa kûmûkenia.
Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.