Ahib 13:12 - ÎVUKU RÎA ÛVORO MWARO

¹² Nîûndû wa gîtûmi gîkî, Jesû wa nake aakwire arî nja ya îtûûra rîrîa rînene nîguo atherie andû kuuma meviarî mao na nthakame yake.

Ahib 13:12 ပူးပေါင်းရင်းမြစ်များ

Alawi 24:23

Rîrîa Musa aarîkirie kwîra andû a Isiraeli ûguo, nîmaavirire mwanake ûcio warumîte Ngai na kûu nja ya kûrîa maambîte magema na makîmûûraga na mathiga. Ûguo nîguo andû a Isiraeli meekire wata ûrîa Ngai-Mûnene aathîte Musa.

Ndari 15:36

Kwoguo andû onthe a Isiraeli nî maarutire mûndû ûcio nja ya kûrîa maatûûraga na makîmûraga na mathiga wata ûrîa Ngai-Mûnene aathîte Musa.

Luka 4:29

Nao nîmaaûkîrire na makîmûrutûrûra makîmûvira kîrîmarî îgûrû, varîa îtûûra rîu rîao rîatumîtwe. Andû acio meendaga kûmûvarûkia kuuma kîrîmarî îgûrû,

Johana 17:19

Na nîûndû wao nie nînîyamûrîte ngûtungatîre nîguo wa nao meyamûre magûtungatîre na ma.

Johana 19:34

Nwatî mûthigari ûmwe nîwamundire rûvaru rwa Jesû na îtumû na vakiuma nthakame na manjî.

Ciîko 7:58

Nao nîmaamûrutûrûrire kûu îtûûrarî rîu înene na makîmûriva na mathiga. Nao aira nîmaatigire kanjû ciao imenyereretwe nî mwanake wetagwa Saûlo.

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

Aefeso 5:26

Eekire ûguo nîguo awamûrîre Ngai na njîra ya kiugo gîake. Nîwatheririe kanitha na njîra ya kûûthambia na manjî.

Ahib 10:10

Nîûndû Jesû Kristû nîwekire ûrîa Ngai eendete, tue tûrî atherie kuuma meviarî. Tûtheretue nî îgongoona rîa mwîrî wa Jesû Kristû ûrîa aarutire rita rîmwe rîa kwîgana.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Ahib 2:11

Jesû nîke ûtûmaga andû matherue mevia. Ke vamwe na arîa matuîtwe atheru nî a îthe ûmwe. Kwoguo Jesû ndegucaga nthoni akîmeta ariû na aarî a îthe.

Josh 7:24

Joshua marî vamwe na andû onthe a Isiraeli nîmaanyitire Akani mûvîcî wa Zera na magîoca nguo, sîlûva na thaavu. Nîmaacokire makînyita avîcî na aarî ake, ng'ombe, mvunda, ng'ondu, îgema rîake na indo cionthe irîa aarî nacio. Nîmaavirire Akani vamwe na indo icio cionthe Kîamndarî Kîam Akori.

Kûguû 14:20

Thavibu icio nîciavivîrwe kîvivîrorî Kîamrî nja ya îtûûra. Nayo nthakame nîyaumire kîvivîrorî kîu Kîam thavibu îrî na ûriku wa mita îmwe, na nîyakinyire kûndû kwarî na ûraca wa kilomita magana mathatû.