Ahib 12:27 - ÎVUKU RÎA ÛVORO MWARO

²⁷ Ciugo icio “Wa rîngî” nîironania waro atî indo irîa ciaûmbirwe nî ikaainainua na ithengutue nîguo indo irîa itanginainua itigare.

Ahib 12:27 ပူးပေါင်းရင်းမြစ်များ

Isaia 34:4

Athigari onthe a îgûrû rîerarî nîmakaathira, nakuo îgûrû rîerarî nîgûgakûnjwa ta îvuku rîa gîkûnjo. Indo cionthe irîa irî îgûrû nîikaagwa, ta ûrîa mathangû ma mûthavibu magûcaga mavoova, kana ta ûrîa mathangû ma mûkûyû magûcaga mavoova.

Isaia 54:10

Irîma nwa ithengute vo, na tûrîma tûkarutwa vo, nwatî wendo wakwa ûtathiraga ûrîa ngwendete naguo ndûkaathenguta kûrî we, na kîrîkanîro gîakwa Kîam thayû gîtikaathengutua.” Ûguo nîguo Ngai-Mûnene ûrîa ûkwîgucagîra ntha arauga.

Isaia 65:17

Ngai-Mûnene arauga atîrî, “Nîngûmba îgûrû rîcerû na nthî njerû. Maûndû marîa makûrû matikaaririkanwa rîngî, wana kana gwîciirague ûvoro wamo.

Isaia 66:22

“Wata ûrîa îgûrû rîcerû na nthî njerû irîa ngaaûmba igaatûûra na vinya wakwa, nwaguo njiarwa cienyu na rîîtwa rîenyu igaatûûra.

Ezek 21:27

Nîngûcûkangia îtûûra rîu viû na rîtigacoka kwonwa rîngî. Nwatî ndigwîka ûguo nginya agaûka ûrîa mwagîrîru nîrînenganîre kûrî ke.

Hagai 2:21

“Aria na Zerubabeli, mûnene wa Juda ûmwîre nîrî vakuvî kwinainia îgûrû na nthî,

Mathaayo 24:35

Îgûrû na nthî nîikaathira, nwatî ciugo ciakwa itikaathira.

Aroma 8:19

Indo cionthe irîa ciaûmbirwe cietererete mûno rîrîa Ngai akoonania ciana ciake.

Aroma 8:21

atî mûthenya ûmwe nîikoovorwa ciume ûkomborî wa kwora, na igîe na wîyathi ûrî na riiri wa ciana cia Ngai.

1Akor 7:31

Nao andû arîa matûmagîra mavinda mao na gwîka maûndû ma gûkû nthî, magîrîrwe nî gwîkara takwa matatûmagîra mavinda mao monthe na gwîka maûndû ma gûkû nthî, nîûndû nthî îno wana mwîkarîre wayo wa rîu îthiîte kûthira.

Ahib 1:10

Ngai nîwacokire akiuga atîrî, “Kîambîrîriarî, we Mwathani nîwaûmbire nthî, na ûkîthondeka îgûrû na njara ciaku.

Ahib 13:14

Nîûndû gûkû nthî tûtirî na îtûûra înene rîa gûtûûra tene na tene, nîgûcaria tûcaragia îtûûra înene rîrîa rîgaaûka.

Ahib 9:11

Nwatî Kristû nîarîkîtie gûka ta Mûthînjîri-Ngai ûrîa mûnene wa maûndû maro marîa marî vo. Narîo îgema rîrîa atungataga nî rînene na nî rîkinyanîru mûno. Îgema rîu rîtitumîtwe na njara cia andû na tî gîcunjî kîmwe Kîam nthî îno ya kûmbwa.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 21:1

Nînacokire ngîona îgûrû rîcerû na nthî njerû. Îgûrû rîa mbere na nthî ya mbere nîciathengutire na îria rîkîthira.

Kûguû 21:4

Ke nîakaamagiria methori monthe kuuma methorî mao. Gûtikethîrwa gîkuû, kîeva, kîrîro, kana ûrûrû rîngî. Maûndû marîa ma tene makethîrwa marî mathiru.”

Kûguû 21:5

Nake ûrîa wîkaragîra gîtî Kîam ûthamaki nîwaugire atîrî, “Taroria, nie nîrathondeka maûndû monthe matuîke macerû!” Wana rîngî nîwambîrire atîrî, “Andîka maûndû mama, nîûndû ciugo ino nî cia kwîvokeka na nî cia ma.”