Ahib 12:2 - ÎVUKU RÎA ÛVORO MWARO

² Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.

Ahib 12:2 ပူးပေါင်းရင်းမြစ်များ

Thaburi 110:1

Ngai-Mûnene nîwerire Mwathani wakwa atîrî, “Îkara nthî mwena wakwa wa ûrîo nginya rîrîa ngaatûma ûkinyangîre nthû ciaku na magûrû maku.”

Thaburi 138:8

Ngai-Mûnene nîakaamvingîria maûndû marîa ambîrîîre. Wendo waku ûtathiraga we Ngai-Mûnene, ûtûûraga tene na tene. Ndûgatiganîrie wîra wa njara ciaku.

Isaia 31:1

Kaî arîa mathiîcaga Misiri gûcaria ûtethio marî thînarî-î, arîa mevokaga mbarathi nîûndû atî nî nyîngî, arîa mevokaga ikaari ciao cia mbaara nîûndû nî nyîngî, na athigari arîa mathiîcaga matwîte mbarathi nîûndû marî vinya nyîngî, nwatî matiîvokaga Ûrîa Mûtheru wa Isiraeli, kana maûria ûtaaro kûrî Ngai-Mûnene.

Isaia 45:22

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Isaia 8:17

Nîmbeterera Ngai-Mûnene, ûrîa wîthithîrîte andû a Jakovu, nîke ngwîvoka.

Mika 7:7

Nwatî nie nîvokete Ngai-Mûnene, mbeterere Ngai nîguo amvonokie. Ngai wakwa nîakûmbîgua.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Ndari 21:9

Kwoguo Musa nîwarûthire njoka ya gîcango na akîmîtwîthia gîtugîrî îgûrû. Mûndû wa wonthe warûmagwa nî njoka, na akîroria njoka îo ya gîcango nîwavonaga.

Mathaayo 16:21

Kuuma vîndî îo Jesû nîwambîrîrie kwîra arutwa ake atîrî, “Nwa nginya nthiî Jerusalemu na nyamarue nî athuuri, anene a athînjîri-Ngai na arimû a Watho. Nîmakaambûraga, nwatî mûthenya wa kathatû nîngaariûkua.”

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Maariko 14:36

Nake nîwavoire atîrî, “Vava! We nîûvotaga gwîka maûndû monthe. Nthengutîria gîkombe gîkî Kîam mathîna. Nwatî îka ûrîa we ûkwenda, tî ûrîa nie ngwenda.”

Maariko 15:28

Namo mandîko marîa maugîte atî nîwataranîrue vamwe na imaramari, nîmaavingirue.]

Maariko 16:19

Rîrîa Mwathani Jesû aarîkirie kûmarîria, nîwambatirue îgûrû na agîkara mwena wa ûrîo wa Ngai.

Maariko 9:12

Nake Jesû nîwamacokerie atîrî, “Nî ma, nwa nginya Elija ambe aûke mbere, nîguo avarîrie maûndû monthe. Nwatî nîndûî gîtûmaga mandîko Matheru mauge atî Mûrû wa Mûndû nîakaathînua mûno na aregwe nî andû?

Maariko 9:24

Na wa rîmwe îthe wa kamwana kau nîwaugîrîrie atîrî, “Nîmbîtîkîtie, ndethia varîa ndetîkîtie!”

Luka 17:5

Nao atûmwa nîmeerire Mwathani atîrî, “Twongerere wîtîkio!”

Luka 23:11

Nake Herode na athigari ake nîmaanyûrûririe Jesû na makîmwîka maûndû meengî ma ûûra nthoni. Nîmaacokire makîmwîkîra kanjû yarî ya goro na ya riiri na makîmûcokia kûrî Pilato.

Luka 24:26

Na kinthî gûtiagîrîrîte Mesaya athînue nîguo acoke kwoneka arî na riiri wake?”

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Johana 12:24

Nie nîramwîra na ma atî, mvîndî ya ngano îkaraga îrî wa yonga îngîrega kûvandwa mûtheturî na îkue. Nwatî îngîkua, nîîciaraga maciaro meengî.

Johana 12:32

Rîrîa ngaavirwa îgûrû nyume gûkû nthî, nîngaagucîrîria andû onthe kûrî nie.”

Johana 13:3

Nake Jesû nîwaicî atî Îthe aarî mûmûveu vinya wa gwîka maûndû monthe. Nîwaicî atî ke aaumîte kûrî Ngai na aacokete kûrî Ngai.

Johana 6:40

Nîûndû wendi wa Vava nî atî mûndû wa wonthe ûrîa wonaga Mûriû na akamwîtîkia nîwagîrîrwe nî kûgîa na mwoyo wa tene na tene. Nanie nîngaamûriûkia mûthenya wa mûthiia.”

Johana 8:56

Îthe wenyu Iburahimu nîwakenire agîîciria atî nîakoona îvinda rîrîa ngaaûka. Ke nîwarîonire na agîkena.”

Ciîko 2:36

“Kwoguo mue andû onthe a Isiraeli nwa nginya mûmenye na ma atî Jesû ûyû ûrîa mue mwambire mûtharavarî îgûrû, nîke Ngai atuîte Mwathani na Mesaya!”

Ciîko 3:15

Mue nîmwaûragire Mûvecani wa mwoyo, nwatî Ngai nîwamûriûkirie. Tue tûrî aira a ûvoro ûyû.

Ciîko 5:31

Ngai nîwamwigire mwena wake wa ûrîo arî Mûtongoria na Mûvonokia. Ngai eekire ûguo nîguo ave andû a Isiraeli kamweke ga kwîrira nîguo moverwa mevia mao.

Ciîko 5:41

Atûmwa nîmaaumire kûu Kîammarî macanjamûkîte nîûndû Ngai nîwonete marî agîrîru a kûverithua na njîra îrî na nthoni nîûndû wa Jesû.

1Akor 1:18

Nîûndû Ndûmîrîri îrîa îgiî gûkua gwa Kristû mûtharavarî nî ûrimû kûrî arîa maraûra, nwatî kûrî tue arîa tûravonokua ndûmîrîri îo nîyo vinya wa Ngai.

1Akor 1:23

Nwatî tue tûvunjagia ûvoro wîgiî Kristû ûrîa mwambe. Ayahudi monaga ûvoro ûcio ûrî mûvînga, nao andû a Ndûrîrî makawona ûrî ûrimû.

Aefeso 2:16

Na njîra ya kwîruta akue mûtharavarî, Kristû nîwathirîrie ndûrîrî icio igîrî ûthû na agîciîgwithania na Ngai igîtuîka mwîrî ûmwe.

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Afil 1:6

Kwoguo nîrî na ma atî Ngai ûrîa wambîrîrie wîra mwaro kûrî mue nî akûûruta nginya akaaûrîkia mûthenya wa gûcoka kwa Jesû Kristû.

Afil 3:20

Nwatî mûciî wetû ûrî îgûrû na nîkuo twetagîrîra mûvonokia wetû aume, na nîke Mwathani wetû Jesû Kristû.

2Tim 4:8

Kwambîrîria rîu nîmbîrîgîrîrîte nthûmbî ya ûthingu îrîa ngaavewa mûthenya wa mûthiia nî Mwathani ûrîa ûtucaga ciira na kîvooto. Tî nie nienga ngaavewa kîveo kîu nwatî nîgîkaavewa andû onthe arîa metagîrîra gûka gwake marî na wendo.

Ahib 1:13

Ngai ndeera mûraika wanarî ûmwe wake atîrî: “Îkara nthî ava mwena wa njara yakwa ya ûrîo, nginya rîrîa ngaatûma nthû ciaku ituîke gaturwa ka magûrû maku.”

Ahib 1:3

Ke onanagia ûkengu wa riiri wa Ngai na akonania mûvano wa ma wa ûrîa Ngai ekariî. Nîanyitîrîte nthî yonthe na kiugo gîake kîrîa kîrî vinya. Vuva wa kûtheria mevia ma mûndû, nîwekarire mwena wa ûrîo wa Ngai mwene vinya wonthe kûu îgûrû.

Ahib 10:14

Na njîra ya îgongoona rîu rîmwe aarutire, ke nîatuîte andû arîa matheretue kuuma meviarî akinyanîru tene na tene.

Ahib 10:33

Mavinda mamwe nîmwarumagwa na mûgekwa naaî mûrî kîrîndîrî, na mavinda meengî mûkagwatanîra na arîa maathînagua na njîra wata îo.

Ahib 11:36

Amwe nîmaanyûrûragua na makarivwa na ivoko, na engî nîmoovirwe na mînyororo na makîvirwa njeera.

Ahib 12:3

Ta îcirieni ûvoro wake ûcio waûmîrîrie rûmena rûnene kuuma kûrî andû evia. Kwoguo mûtikaûrwe nî vinya kana mûkua ngoro.

Ahib 13:13

Kwoguo nîtûthiîni kûrî ke vau nja ya îtûûra tûconorithue na njîra wata îrîa aaconorithirue nayo.

Ahib 5:9

Na rîrîa aatuirwe mwagîrîru, nîwatuîkire kiumo Kîam ûvonokio wa tene na tene kûrî arîa onthe mamwathîkagîra.

Ahib 7:19

Nîûndû Watho wa Musa ndûngîatuire ûndû wana ûrîkû mûkinyanîru. Nwatî rîu nîtûvetwe kîîrîgîrîro kîngî Kîamro makîria ya kîrîa gîtûmaga tûthiî vakuvî na Ngai.

Ahib 8:1

Rîu ûndû ûrîa ûrî na vata mûno îgûrû rîa maûndû marîa tûraria nî atî, tûrî na Mûthînjîri-Ngai mûnene ûrîa wîkaraga mwena wa ûrîo wa gîtî Kîam ûthamaki wa Ngai kûu îgûrû.

Ahib 9:28

Na njîra wata îo Kristû nîwerutire rita rîmwe arî kîgongoona, nîguo athengutie mevia ma andû eengî. Ke nîagaaûka rita rîa kaîrî na vîndî îo ndagaaûka gûtûma andû moverwe mevia, nwatî agaaûka kûvonokia andû arîa matûûraga mamwetererete.

Jakuvu 2:1

Ariû na aarî a îthe wetû, ta etîkia a Mwathani Jesû Kristû ûrîa ûrî riiri, mûtikanecirie atî andû amwe marî vata gûkîra arîa engî.

1Pet 1:11

Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,

1Pet 3:22

ûrîa waunûkirie îgûrû na rîu ekaraga mwena wa ûrîo wa Ngai. Kûu Jesû nîwathaga araika onthe, wa vamwe na maroho marîa mathanaga na marî vinya.

Juda 1:21

Îkaragani mwendete Ngai wa mûgîetagîrîra Mwathani wetû Jesû Kristû. Na nîûndû wa ntha ciake nîakaamûva mwoyo wa tene na tene.

Kûguû 1:11

Naguo mûgambo ûcio waugire atîrî, “Andîka ûrîa ûrona na ûtûme îvuku rîu makanitharî marîa marî matûûrarî marîa mûgwanja. Namo nî: Efeso, Simurina, Perigamu, Thîatira, Saridi, Filadelifia, na Laodikia.”

Kûguû 1:17

Rîrîa namwonire, nînegwîthirie nthî mbere yake ta mûndû mûkuû. Nwatî mûndû ûcio nîwakûnjûrire njara yake akîmbigîrîra na akîmbîra atîrî, “Ndûgetigîre! Nie nî nie wa mbere na wa mûthiia.

Kûguû 1:8

Mwathani Ngai, Mwene vinya wonthe, ûrîa warî kuo, ûrî kuo, na ûrîa ûgaûka arauga atîrî, “Nie nînie wa mbere na wa mûthiia.”

Kûguû 2:8

“Andîka kûrî mûraika wa kanitha ûrîa ûrî Simurina atîrî: “Îno nîyo ndûmîrîri kuuma kûrî ûrîa arî ke wa mbere na wa mûthiia, Ûrîa wakwire na akîriûka.