Ahib 12:16 - ÎVUKU RÎA ÛVORO MWARO

¹⁶ Mûndû wana ûrîkû ndakanatuîke mûmaraa kana mûndû ûtarî na Ûngai ta Esaû. Esaû nîwendirie ûrikithathi wake irio cia îrîa rîmwe.

Ahib 12:16 ပူးပေါင်းရင်းမြစ်များ

Kîam 27:36

Esaû nîwaugire atîrî, “Rîrî nî rita rîa kaîrî rîake rîa kûmveenia. Nîkîo etagwa Jakovu. Nîwocire ûrikithathi wakwa, na rîu nîwoca kîrathimo gîakwa. Vava, ndûnandigarîria kîrathimo?”

Maariko 7:21

Nîûndû ngororî ya mûndû nîkuo kuumaga meciria macûku marîa matûmaga mûndû ende gwîka maûndû macûku ta; ûmaraa, wîi, ûûragani,

Ciîko 15:20

Vandû va ûguo, tue nîtwagîrîrwe nî kwandîka maarûa kûrî o tûmere maûndû mama. Matikarîcage irio irîa irî na mûgiro nîûndû nîciîthagîrwa itegeretwe mîvuanano: matigekage ciîko cia ûmaraa: matikarîcage nyama cia nyamû irîa ciîthagîrwa ithioretwe ngingo itagwîtûrûra nthakame; na matikaarîcage nthakame.

Ciîko 15:29

Mue mûtiagîrîrwe nî kûrîa irio wa cionthe irîa itegeretwe mîvuanano; mûtiagîrîrwe nî kûrîa nthakame; wana kana nyama cia nyamû irîa ciîthagîrwa ithioretwe ngingo ikaûragwa itagwîtûrûra nthakame; mûtiagîrîrwe nî kûvûûra ûmaraa. Mue mûgeeka waro ethîrwa mûkathengutagîra maûndû mama. Tigwani na waro.”

1Akor 10:8

Nwa nginya tûtige kûvûûra ûmaraa wata ûrîa andû amwe gatagatîrî kao meekaga. Na nîûndû wa maûndû mau andû ngiri mîrongo îîrî na ithatû nîmaakwire îvinda rîa mûthenya ûmwe.

2Akor 12:21

Nînîramaka atî rîrîa ngaaûka rîngî Ngai wakwa nîagaatûma njonoke nîrî mbere yenyu. Nanie nîngeguîra andû engî kîeva arîa meevirie na matirî merira maûndû macûku marîa meekire ta ûmaraa na merirîria macûku ma mwîrî.

Aefeso 5:3

Na nîûndû mûrî andû a Ngai, maûndû mamwe matiagîrîrwe wana nî kûgwetwa gatagatîrî kenyu, namo nî ûmaraa, ûûra nthoni na ûkoroku.

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

1Tim 1:9

Nîmwîcî atî watho ndwatuirwe nîûndû wa andû arîa aro, nwatî watuirwe nî ûndû wa andû arîa maunaga watho, arîa aganu, arîa matecî Ngai, arîa evia, arîa matavoyaga Ngai na maragia ûcûku wake, arîa maûragaga aciari ao na aûragani.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.