Ahib 12:13 - ÎVUKU RÎA ÛVORO MWARO

¹³ Thiîrîrani njîrarî nûngarû nîguo kûgûrû kûrîa kwonju gûtikagonyoke, vandû va ûguo kûvonue.

Ahib 12:13 ပူးပေါင်းရင်းမြစ်များ

Isaia 35:3

Ongererani vinya njara icio icunjurîte, na mwongerere vinya maru mau maregerû.

Isaia 35:6

Cionje nîikaarûgarûga ta ngûrûngû, nao andû arîa matarî ûvoti wa kwaria nîmakaaina makenete. Manjî nîmakaatherûka werûrî, natuo tûrûnjî nîtûkaanyûrûrûka werûrî;

Isaia 42:16

“Nîngaatongoreria itumumu njîrarî irîa mataicî. Ngaamatongoreria tûcîrarî tûrîa matamenyete. Nîngaagarûra nduma îrîa îrî mbere yao îtuîke ûtheri, na kûndû kûrîa gûtarî kwaraganu nîkwaraganie. Mama nîmo maûndû marîa ngeeka, na ndikaamatiganîria.

Isaia 58:12

Andû enyu nîmagaatuma rîngî nyomba irîa ciomomorirwe tene, maitume rîngî îgûrû rîa mîcingi îrîa mîkûrû. Namue mûgeetagwa andû arîa maatumire rîngî nthingo irîa ciomomoretwe, arîa maatumire rîngî nyomba irîa ciavaraganîtue.”

Jeremia 18:15

Nwatî andû akwa nîmariganîrîtwe nî nie, mavîvagîria ngai cia mîvuano ûbani, nîmavîngîcîtwe njîrarî ciao, matirûmagîrîra njîra ciao cia tene, mathiîcagîra tûcangiri vandû va varavara îrîa nene.

Luka 3:5

Cianda cionthe nîigeecûrua, na irîma cionthe na tûrîma tûvaraganue. Nakuo kûrîa gûtarî kûrûngarû kûrûngarue, na kûrîa gûtarî kwaraganu kwaraganue.

Agal 2:14

Rîrîa nonire atî andû acio tîarûngîrîru kûringana na ûma wa ûvoro mwaro, nînerire Petero andû onthe marî vo atîrî, “We wî Mûyahudi, nwatî wîthîrîtwe ûgîtûûra ta andû a Ndûrîrî na tî ta Mûyahudi. Nî atîa vi ûngîvota kûringîrîria andû a Ndûrîrî gûtûûra ta Ayahudi?”

Agal 6:1

Ariû na aarî a îthe wetû, mûndû ûmwe wa gîkundi kîenyu angîka ûndû mûcûku, mue arîa matongoragua nî Roho nîmwagîrîrwe nîkûmûrûnga na njîra ya thayû. Îîmenyagîrîreni mue ene nîguo mûtikagwe mageriorî.

Jakuvu 5:16

Kwoguo umbûranagîrani mevia menyu na mûvoyanagîre nîguo mue mûvonue. Mavoya ma mûndû mûthingu nîmethagîrwa na ûvoti mûnene.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.