Ahib 11:6 - ÎVUKU RÎA ÛVORO MWARO

⁶ Gûtirî mûndû ûngîvota gûkenia Ngai atarî na wîtîkio. Nîûndû mûndû wa wonthe ûthiîcaga kûrî Ngai nwanginya etîkie atî Ngai arî kuo na nîarathimaga arîa mamûcaragia.

Ahib 11:6 ပူးပေါင်းရင်းမြစ်များ

Kîam 15:1

Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

Ayubu 21:14

Andû arîa aganu meraga Ngai atigane nao, matiendaga kûmenya wendi wake mûtûûrîrerî wao.

Thaburi 106:24

Nîmaacokire makînyarara vûrûri ûcio mwaro, nîûndû matietîkia ûrîa Ngai aamerîrîte.

Thaburi 119:10

Ngûcaragia na ngoro yakwa yonthe, ndûkandekererie ndiganîria maathani maku.

Thaburi 58:11

Andû nîmakaauga atîrî, “Nama, Ngai nîavete andû arîa athingu kîveo; nama, kûrî na Ngai ûrîa ûtucagîra andû nthî.”

Thaburi 73:28

Nwatî vakwa nie, nîwaro gwîkara vakuvî na Ngai, nînduîte Mwathani Ngai-Mûnene vandû vakwa va kwîthitha, nîguo managîrîre maûndû monthe marîa ekîte!

Thaburi 78:22

nîûndû matiarî evokeku kûrî ke, na matietîkîtie atî ke aarî na vinya wa kûmavonokia.

Thaburi 78:32

Kûnarî ûguo andû acio nîmaathiîre na mbere kwîvia; wana Ngai aringa ciama matiamwîtîkia.

Nthi 11:18

Mûndû ûrîa mwaganu anyitaga mûcara wa maveeni, nwatî mûndû ûrîa wîkaga maûndû ma ûthingu anyitaga mûcara wa ma.

Nthi 8:17

Nîmendete arîa mamendete, na arîa manjaragia na kinyi nîmamonaga.

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.

Isaia 7:9

Îtûûra rîrîa rînene rîa Isiraeli nî Samaria, na mûnene wa Samaria nî mûvîcî wa Remalia.” “Ethîrwa tî mwîtîkia, nama mûtigekindîria.”

Jeremia 2:31

Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”

Ndari 14:11

Ngai-Mûnene nîwaûririe Musa atîrî, “Andû aya nîmatûûra mareganîte nanie nginya rî? Nîmatûûra maregete kûnîîvoka nginya-rî, na nîguo nanaringa ciama nyîngî makîonaga?

Ndari 20:12

Ngai-Mûnene nîwacokire akîra Musa na Aroni atîrî, “Nîûndû nîmwaregire kûmbîtîkia na kwonania ûtheru wakwa mbere ya andû a Isiraeli, mûtigaakinyia andû aya vûrûrirî ûrîa namaveere.”

Mathaayo 11:26

Îni Vava! Ûguo nîguo wendete gûtuîkîke.

Mathaayo 5:12

Kenani na mûcanjamûke, nîûndû îgai rîrîa mwigîrîtwe kûu îgûrû nî rînene. Ûguo nîguo arathi arîa maarî kuo mbere yenyu maanyaririrwe.

Mathaayo 6:16

“Na vîndî îrîa mûrenyerekia tigagani kwiria mothiû menyu ta ûrîa mvinga ciîkaga. Mvinga ciragia mothiû ma cio nîguo cionwe nî andû onthe atî nîirenyerekia. Nîramwîra na ma atî, mvinga icio nîirîkîtie kûvewa mûcara wacio.

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Mathaayo 6:5

“Na vîndî îrîa mûkûvoya, mûtikavoyage ta mvinga! Mvinga ciendaga kûvoya irûngamîte mavoerorî na makathîkanorî ma njîra, nîguo cionwe nî andû. Nîramwîra na ma atî, mvinga icio nîirîkîtie kûvewa mûcara wacio.

Maariko 16:17

Nao etîkia nîmakaavewa ûvoti wa kûringa ciama, wa kûrutûrûra ngoma kuuma kûrî andû na rîîtwa rîakwa na wa kwaria na nthiomi ng'eni.

Luka 12:31

Vandû va ûguo, cariani Ûthamaki wake, nake nîakaamûva maûndû mama monthe.”

Luka 6:35

Vandû va ûguo, endagani nthû cienyu na mûciîkage waro na mûkombithanagie mûtakûgîa na mwîvoko wa gûkaarîvwa. Namue nîmûkaagîa na îgai rînene na mûtuîke ciana cia Ngai ûrîa ûrî Îgûrû Mûno. Nîûndû Ngai arî ntha kûrî andû arîa matarî ngatho na arîa methagîrwa marî na mîtugo mîcûku.

Johana 14:6

Nake Jesû nîwamûcokerie atîrî, “Nie nînie njîra, nînie ûvoro wa ma, na nînie mwoyo. Gûtirî mûndû ûthiîcaga kûrî Vava atavîtûkîrîrîte kûrî nie.”

Johana 8:24

Na nîkîo namwîra atî mwona mwathiî na mbere na kwîvia, mûgaakua. Na mûgaakua mûrî wana mevia menyu angîthîrwa mûtigwîtîkia atî ‘Nie Nînie Nie’ ”

Aroma 10:14

Nwatî andû mangîkaîra Mwathani atîa ethîrwa matîmwîtîkîtie? Na mangîtîkia atîa mateguîte ndûmîrîri ya Mwathani? Andû mangîgua ndûmîrîri atîa gûtarî na mûvunjia.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Ahib 11:26

Ke nîwamenyire atî kûmenererua nîûndû wa Mesaya kwarî na vata mûno gûkîra mîthithû yonthe ya Misiri nîûndû eekaraga akîriragîria kîveo kîrîa gîkaavecanwa.

Ahib 3:12

Ariû a îthe wetû, îîmenyerereni atî gûtikethîrwe kûrî na mûndû gatagatîrî kenyu wîna ngoro njûku na îtetîkîtie na ûngîgarûrûka akauma kûrî Ngai ûrîa mûtûûra mwoyo.

Ahib 4:2

Nîûndû nîtwavunjîrue Ûvoro Mwaro wata ûrîa andû arîa maarî werûrî maavunjîrue. Nwatî ndûmîrîri îo meeguire ndîamatethia, nîûndû maamîamûkîre matarî na wîtîkio.

Ahib 4:6

Andû arîa meeguire ûvoro mwaro rîa mbere matiatonya vandû vau va kûvurûka nîûndû nîmaaregire gwîtîkia. Kwoguo kûrî andû amwe metîkîrîtue gûtonya kuo.

Ahib 7:19

Nîûndû Watho wa Musa ndûngîatuire ûndû wana ûrîkû mûkinyanîru. Nwatî rîu nîtûvetwe kîîrîgîrîro kîngî Kîamro makîria ya kîrîa gîtûmaga tûthiî vakuvî na Ngai.

Ahib 7:25

Kwoguo, mavinda monthe nîavotaga kûvonokia arîa mathiîcaga kûrî Ngai na njîra yake. Nîûndû atûûraga vingo cionthe nîguo amathaithanagîrîre kûrî Ngai.

2Pet 1:10

Kwoguo ariû na aarî a îthe wetû, geragiani na kîîo mûno kwona atî na ma nîmwîtîtwe na mûkathuurwa nî Ngai. Ethîrwa nîmûgwîka ûguo, mûtigatiganîria wîtîkio wenyu.

2Pet 1:5

Na nîûndû wa gîtûmi kîu, geragiani mûno mwongagîrîre gwîka waro wîtîkiorî wenyu, na gwîka waro kwenyu mwongagîrîre ûmenyo,

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Ruthu 2:12

Ngai-Mûnene arokûva kîveo nîûndû wa maûndû mau wîkîte. Ngai-Mûnene, Ngai wa Isiraeli ûrîa ûkîte kûrî ke nîguo akûgitîre arokûva kîveo kîrîa Kîamgîrîrîte!”