Ahib 11:37 - ÎVUKU RÎA ÛVORO MWARO

³⁷ Nîmaarivirwe na mathiga, nîmaatûrirwe icunjî igîrî na mîcumano na makîûragwa na rûviû. Nîmaaûrûraga mekîrîte njûo cia ng'ondu na cia mbûri. Maarî athîni, nîmaanyaririrwe na magîkwa maûndû macûku.

Ahib 11:37 ပူးပေါင်းရင်းမြစ်များ

2Sam 12:31

Nîwacokire agîtua andû a kuo aatûri a mbaû na mîcumano, aruti wîra na macembe ma cuuma, na mathanwa ma cuuma, na athondeki a matuvarî. Ûguo nîguo eekire andû onthe a matûûra mau mengî ma Aamoni. Nake Daudi na andû ake onthe nîmaacokire Jerusalemu.

1Atha 18:13

Nîkwa ûtanerwa ûrîa nekire vîndî îrîa Jezebeli aaûragaga arathi a Ngai-Mûnene, rîrîa naathithire arathi îgana marî ikundi igîrî cia arathi mîrongo îtano na ngîmava mîgate na manjî?

1Atha 18:4

na rîrîa Jezebeli aaûragaga arathi a Ngai-Mûnene, Obadia nîwocire arathi îgana rîmwe na akîmathitha ngurungarî marî ikundi igîrî cia arathi mîrongo îtano, na akîmava mîgate na manjî.)

1Atha 19:1

Mûthamaki Ahabu nîwerire Jezebeli maûndû monthe marîa Elija eekîte wana ûrîa Elija aaûragîte arathi onthe a Baali na rûviû.

1Atha 19:10

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga!”

1Atha 19:13

Rîrîa Elija eegwire kamûgambo kau, nîwekunîkire ûthiû wake na nguo yake na akiuma akîrûngama mûromorî wa ngurunga. Na wa rîmwe nîwegwire mûgambo ûkîmûria atîrî, “Elija, ûreka atîa ava?”

1Atha 19:14

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga.”

1Atha 19:19

Elija nîwaumire vau, akîthiî na akîthîrîria Elisha mûvîcî wa Shefati akîrîma na ikundi îkûmi na igîrî cia ndegwa; ikundi îkûmi na kîmwe ciarî mbere yake, nwatî ke mwene aarîmaga na gîkundi gîa îkûmi na igîrî. Elija nîwavîtûkîrîre vakuvî na Elisha, akîruta nguo yake na agikîria Elisha yo.

1Atha 21:10

Mwige mîkora îîrî yerekanîrîte nake nîguo îmûthitange îkîmwîraga atî nîarumîte Ngai vamwe na mûthamaki. Mûcoke mûmûrute nja ya îtûûra na mûmûûrage na mathiga.”

2Atha 1:8

Nao nîmaamûcokerie atîrî, “Arekîrîte nguo ya guoya, na akeyova mûcivi wa rûûo kîûnûrî gîake.” Nake mûthamaki nîwaugire atîrî, “Ûcio nî Elija Mûtishibi.”

2Atha 2:13

Nîwacokire agîoca nguo ya Elija îrîa yagwîte kuuma gwî ke, agîcoka nayo na akîrûngama rûtere rwa rûnjî rwa Jorodani.

2Atha 2:8

Elija nîwacokire akîruta nguo yake ya îgûrû, akîmîkûnjakûnja na akîringa manjî nayo. Manjî nîmaagaûkanire maita maîrî na ke mwene na Elisha nîmaaringîre nthî nyûmû.

1Maû 20:3

Nao andû arîa maarutirwe îtûûrarî rîu nîmaatuirwe a kûruta wîra wa mîcumano, macembe, mathanwa na cuuma. Ûguo nwaguo eekire na andû a matûûra mau mengî ma Aamoni. Daudi na andû ake onthe nîmaacokire makîthiî Jerusalemu.

2Maû 24:21

Mûthamaki Joashi na andû ake nîmaavangire ûrîa makûûraga Zekaria na nîmaamûragîre kîvarorî gîa hekarû na mathiga.

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 26:23

Nao nîmaamûnyitire, makîmûcokia kûrî mûthamaki Jehoiakimu. Nake mûthamaki nîwamûragire na rûviû na agikia kimba gîake mbîrîrarî kûrîa kûthikagwa andû onthe.

Zakaria 13:4

Kavinda kau gakinya, arathi nîmakegucaga nthoni nî cioneki ciao. Matigetîkîra gwîkîra nguo irîa irî guoya cia ûrathi nîguo maveenanie,

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Mathaayo 21:35

Nao arîmi acio nîmaanyitire ngombo icio, makîriva îmwe, makîûraga îo îngî na îngî makîmîriva na mathiga.

Mathaayo 3:4

Johana eekagîra nguo yathondeketwe na guoya wa ngamîîra. Eeyovaga mûcivi wa rûûo kîûnûrî, na irio irîa aarîcaga ciarî ngige na ûûkî wa kîthaka.

Mathaayo 8:20

Nake Jesû nîwamûcokerie atîrî, “Mbwe irî na marima, na iconi irî na ciomba, nwatî Mûrû wa Mûndû ndarî na vandû angîvuurûka.”

Luka 13:34

“Jerusalemu, Jerusalemu! Atî wa rîrîa rîonthe Ngai agûtûmîra arathi nîkwa ûmaûragaga! Nî maita megana nanenda gûcokanîrîria andû aku vamwe wata ûrîa ngûkû îcokanagîrîria tûciiû rungu rwa mathagu mayo, nwatî ndûmbîtîkagîria!

Ciîko 14:19

Nao Ayahudi amwe nîmaakinyire maumîte matûûrarî ma Antiokia ya Pisidia na Ikonia, na makîonithia andû ûrîa makûregana na Paûlo. Kwoguo nîmaamûrivire na mathiga na makîmûkururia makîmûruta nja ya îtûûra rîu magîîciragia atî ke aarî mûkuû.

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

2Akor 12:10

Nie nîmbîganîtwe nî gûtura vinya, kwonerwa, mathîna, kûnyarirwa na kûnyamarua nîûndû wa Kristû. Nîûndû rîrîa ngwîgua ndarî na vinya, nîrîo mbîthagîrwa nîrî na vinya makîria.

Ahib 11:25

Aatuire nî kava gwîkwa maûndû macûku marî vamwe na andû a Ngai gûkîra gûkenera mevia kavinda kanini.

Ahib 13:3

Ririkanagani arîa marî njeera takwa mûrî njeera nao. Ririkanagani arîa maranyamarua takwa mûranyamarua wata o.

Kûguû 11:3

Nie nîngaava aira akwa aîrî ûvoti wa kwanîrîra ndûmîrîri yakwa kwa îvinda rîa mîthenya ngiri îmwe na magana maîrî ma mîrongo îtandatû. Nao makeethîrwa mekîrîte nguo cia macakaya.”