Ahib 11:35 - ÎVUKU RÎA ÛVORO MWARO

³⁵ Nîûndû wa wîtîkio aka nîmaamûkîre andû ao arîa maakuîte magîcoka kûriûkua. Engî nao nîmaaûragirwe na njîra ya kûnyarirwa nîûndû nîmaaregire marekererue. Nwatî meekire ûguo nîguo makariûkua magîe na ûtûûro mwaro.

Ahib 11:35 ပူးပေါင်းရင်းမြစ်များ

Mathaayo 22:30

Nîûndû rîrîa akuû makariûka, mageekara ta araika arîa marî îgûrû kwa Ngai na matikaavikania kana mavikue.

Maariko 12:25

Nîûndû rîrîa akuû makaariûka, mageekara ta araika arîa marî îgûrû kwa Ngai na matikaavikania kana mavikue.

Luka 14:14

nawe nîûkaarathimwa nîûndû o matingîvota gûkûrîva. Nake Ngai nîagaakûrîva vîndî îrîa andû arîa maakwire marî athingu makariûka.”

Luka 20:36

Makethîrwa mekariî ta araika na matigaakua, na nî ciana cia Ngai nîûndû makethîrwa mariûkîte kuuma kûrî akuû.

Johana 5:29

na maume mbîrîrarî ciao. Andû arîa mekîte waro nîmakaariûkua na magîe na mwoyo wa tene na tene, nwatî arîa mekîte naaî nîmakaariûkua na matuîrwe.

Ciîko 22:29

Na vîndî wa îo andû arîa maarî matuîrie ûvoro wa Paûlo, nîmaathengutire makiuma varîa ke aarî. Nake mûnene ûcio wa mbûtû ya athigari nîwatemûkire mûno vîndî îrîa aamenyire atî Paûlo aarî Mûûroma na atî ke nîwamwovithîtie.

Ciîko 23:6

Nwatî vîndî îrîa Paûlo aamenyire atî andû amwe arîa maarî Kîammarî kîu maarî Asadukai na engî maarî Afarisai nîwaugîrîrie atîrî, “Arîu na aarî a îthe wetû, nie nîrî Mûfarisai na aciari akwa maarî Afarisai. Nîrî ava ngîcirithua nîûndû wa mwîrîgîrîro ûrîa nîrî naguo atî akuû nîmakaariûka!”

Ciîko 24:15

Nie nîrî na mwîrîgîrîro kûrî Ngai wata ûrîa andû aya o ene marî naguo, atî andû onthe arîa aro na acûku, nîmakaariûka.

Ciîko 4:19

Nwatî Petero na Johana nîmaamacokerie atîrî, “Mue ene tuani ûndû ûrîa mwagîrîru methorî ma Ngai. Tuani kana nîmue tûkwathîkîra kana nîtwathîkîra Ngai.

Ciîko 9:41

Nake Petero nîwamûnengererie njara na akîmûtethia kûrûngama. Nîwacokire agîîta etîkia na aka a ndigwa na akîmûnenganîra kûrî o arî mwoyo.

1Akor 15:54

Kwoguo vîndî îrîa mwîrî ûrîa woraga ûkaagarûrûka ûtuîke mwîrî ûrîa ûtoraga, na mwîrî ûrîa ûkucaga naguo ûgarûrûke ûtuîke mwîrî ûrîa ûtakucaga, mandîko matheru nîmakaavingua marîa maugîte atîrî: “Gîkuû nîgîcûkangîtue, ûvootani nî mûkinyanîru!”

Afil 3:11

nîrî na mwîvoko atî nie nîngaariûkua.