Ahib 11:27 - ÎVUKU RÎA ÛVORO MWARO

²⁷ Wîtîkio nîguo watûmire Musa auma Misiri atagwîtigîra marakara ma mûthamaki. Nîwaregire gûcoka na akîthiî na mbere takwa onete Ngai ûrîa ûtonekaga.

Ahib 11:27 ပူးပေါင်းရင်းမြစ်များ

Thaburi 16:8

Vîndî cionthe Ngai-Mûnene nîandongoragia, arî vamwe nanie na ndingîenyenya.

Ntha 11:8

Musa aarîkîrîrie na kûmera atîrî, “Anene aku onthe nîmagaaûka kûrî nie na menamîrîre mbere yakwa. Nao nîmakaanthaitha mboce andû akwa onthe nthiî nao. Na vuva wa ûguo nie nîngaathiî.” Nake Musa ecûrîtwe nî marakara meengî, nîwaumire kwa mûthamaki wa Misiri na akîthiî.

Ntha 12:11

Mûkaairîa na îvenya na mwîkîrîte nguo ta andû mathiîte rûgendo. Mûkeethîrwa mwîkîrîte iratû magûrû na mûrî na mîragi yenyu njara. Gîkethîrwa kîrî kîrugo Kîam pasaka ya Ngai-Mûnene.

Ntha 12:50

Na andû a Isiraeli nîmaathîkire na nîmeekire wata ûrîa Ngai-Mûnene aathîte Musa na Aroni.

Ntha 4:19

Musa arî wa kûu Midiani nîwarîrue nî Ngai-Mûnene akîrwa atîrî, “Coka Misiri nîûndû andû arîa maagûcaragia makûrage nîmakuîte.”

Mathaayo 10:22

Andû onthe nîmakaamûmena nîûndû wakwa. Nwatî mûndû wa wonthe ûkaaûmîrîria nginya mûthiia, nîakaavonokua.

Mathaayo 24:13

Nwatî mûndû wa wonthe ûkaaûmîrîria nginya mûthiia nîakaavonokua.

Maariko 13:13

Nao andû onthe nîmakaamûmena nîûndû wakwa. Nwatî mûndû ûrîa ûkaaûmîrîria nginya mûthiia nîakaavonokua.

Maariko 4:17

nwatî makaremwa nî kûmîkindîria. Nao maambîrîrie kûthînua na kûnyamarua nîûndû wa ndûmîrîri îo, nîmaremagwa nî kûmîrîria na makamîtiganîria wa rîmwe.

Ciîko 2:25

Nîûndû Daudi nîwaririe ûvoro ûmwîgiî akiuga atîrî: ‘Nie nîmonaga Mwathani arî mbere yakwa mavinda monthe; ke arî vakuvî nanie na ndingîona thîna.

1Akor 13:7

Wendani nî ûkiragîrîria maûndû monthe. Wendani ndûtigaga gwîtîkia, kwîrîgîrîra na nîûkiragîrîria vîndî cionthe.

2Akor 4:18

Nîûndû meciria metû matirî kûrî indo irîa cionekaga nwatî marî kûrî indo irîa itonekaga. Indo irîa cionekaga itûûraga kavinda kanini, nwatî irîa itonekaga itûûraga tene na tene.

Akol 1:15

Kristû nîke mûvuano wa Ngai ûrîa ûtonekaga. Nîke Mûriû wa îrikithathi na nî mûnene gûkîra indo cionthe irîa ciaûmbirwe.

1Tim 1:17

Mûthamaki ûrîa ûtûûraga tene na tene, ûrîa ûtathiraga na ûtonekaga na nwake Ngai tu, arotîîwa na agakumua tene na tene! Ameni.

1Tim 6:16

Ke nîke tu ûtakucaga. Atûûraga ûtherirî ûtangîkuvîvîrua nî mûndû. Gûtirî mûndû wanamwona na gûtirî mûndû ûngîvota kûmwona. Ke arotîîwa na agîe na wathani ûrîa ûtathiraga! Ameni.

Ahib 10:32

Taririkanani ûrîa mwekariî na vau mbere. Mîthenyarî îo, mwarîkia kûthererwa nî ûtheri wa Ngai nîmwathînirue na maûndû meengî mûno, nwatî nîmwaûmîrîrie mathîna mau.

Ahib 11:1

Wîtîkio nî kûgîa na ûma wa maûndû marîa twîrîgîrîrîte, na kûmenya atî maûndû marîa tûtavotaga kwona nî ma ma.

Ahib 11:13

Andû acio onthe maakwire marî na wîtîkio. Matianyita indo irîa Ngai aamerîrîte, nwatî marî wa kûraca nîmoonaga indo icio na magaikenagîra. Nao nîmeetîkîtie atî nî ageni na evîtûkîri gûkû nthî.

Ahib 6:15

Iburahimu nîwekarire etererete, kwoguo nîwamûkîre kîrîa Ngai aamwîrîrîte.

Jakuvu 5:11

Tue tûmetaga arathime nîûndû nîmaaûmîrîrie. Nîmwîguîte ûvoro wîgiî ûkirîrîria wa Ayubu, na nîmwîcî ûrîa Mwathani aamûtanavîre mûthiiarî. Nîûndû Mwathani nîecûrîtwe nî ûtugi na ntha.

1Pet 1:8

Mue mûtianona Kristû, nwatî nîmûmwendete. Mue rîu mûtiramwona, nwatî nîmûmwîtîkîtie. Kwoguo nîmûkenaga gîkeno kînene mûno na gîtangîgweteka na ciugo,